Melam 26/4, di Hà Nội, Mbao Quân đội nhân dân pambuak haong kapul urang ngak mbao Việt Nam saong gilang pariak pablei salih cổ phần Quân đội (MB) peih bruk pataom iek veik, jao jai Bruk pacacah vak "Khik caga jalan saneng di Đảng dalam tukvak bahrau" mbang ka 1 (thun  2021 - 2022) saong tabiak bruk pacacah vak mbang ka 2 (thun 2022 - 2023). mBan peih bruk hu jao 28 jai thuong ka dom urang vak, kapul urang vak hu kadha vak biak ghieh, dalam nan hu 1 jai Nhất, 5 jai Nhì, 7 jai klau saong 15 jai Khuyến khích. Bruk pacacah vak “Khik caga jalan saneng di Đảng dalam tukvak bahrau” mbang ka 1 hu peih tabiak di bilan 4/2021. Bruk pacacah tui kuhria hu peih tabiak yaok thun.

Mesup ini (27/4) di Hà Nội, Hội đồng Lý luận pakat negar pambuak haong Học viện ngak nong Việt Nam peih ginum biai “Dom bruk lý luận – mboh di anak meta ka patagok HTX ngak nong Việt Nam dalam tukvak bahrau”. .Nyaom biai hu peih tabiak piah ngak brei cambaih laih dom bruk lý luận - thực tiễn bahrau saong njauk ngak samar drah ka patagok HTX ngak nong di Việt Nam tapa 15 thun peih ngak sarak Trung ương 7 mbang 10 ka ngak nong, urang nong, palei pala saong 20 thun peih ngak Sarak Trung ương 5 mbang 9 ka salih bahrau, cakrok saong paglaong kein laba bruk ngak mbang kinh tế kapul nyaom.

Harei 26/4, Mbang ginum biai online pachreih bruk buh jien tame hu peih tabiak di 2 gah Bình Dương saong France, hu mbaok di biak rilo doanh nghiệp France saong Việt Nam. Ieu da-a dom po buh jien tame, doanh nghiệp, doanh nhân France mai duah thau bruk buh jien tame ngak mbang di tỉnh Bình Dương, ong Nguyễn Văn Dành, Phó akaok UBND tỉnh Bình Dương sanya lac rajaei tỉnh tuk halei jeng nao gam, daong palagaih di abih ka dom po buh jien tame ngak mbang lac urang negar langiu, dalam nan hu dom urang France, khik tani tanat siam lagaih dom kein laba di puk palei saong doanh nghiệp. Bình Dương urak ini lac sa dalam dom tinh, ban ba akaok nao dahlau di taneh ia ka bruk cak rok patagok kinh tế - xã hội saong công nghiệp.

"Bruk klauk vaccine ka uranaih umo meng 5 – 12 thun di TP.HCM hu peih ngak siam mekre, salamat, dom bruk rah tabiak hadei di klauk hu mboh samar, langayh chip, oh caik rah tabiak kan kandah hagait. Min urak ini daok hu bruk cagar veik, ndom puac suan, jhak...". Ini lac bruk hu Yam ndok Sở Y tế TP.HCM Tăng Chí Thượng brei thau dalam mbang nyaom yaok bilan ka KT – XH TP.HCM bilan 4/2022 di biar harei kabroi. Jeng tui urang pan akaok Sở Y tế, dom urang njauk COVID-19 di TP.HCM tal urak ini trun khang, dom urang ruak trak di dom sang iek ruak dã chiến 3 tal meda lac oh daok, nan ye hadei di harei 30/4, gah y tế meda brei pataom veik dom sang iek ruak taduan urang ruak tame taong ruak, tok caik veik sa sang iek ruak min.

Mbang padeih lễ 30/4 saong 1/5 thun 2022 dui atah rilo harei hu caong lac tukvak lagaih ka du lịch tỉnh Bình Thuận  hu siam veik. Tui pasak brei thau ka bruk pachrieh rivang main di tỉnh, kuhria tal harei 25/4, dom bilik dalam dom harei padieh lễ di dom resort, dom labik daok meng 4-5 patuk saong samu nan, bak  hu labaih 90%. Dalam nan, dom labik bak abih yau ye: Aroma, Sonata, Victoria, The Cliff, Sunny beach …

Tập đoàn công nghệ vũ trụ SpaceX di tỷ phú Elon Musk kuhria lac harei ini (27/4) brei cuh tagok langik tàu vũ trụ pajeng tui phi hành đoàn hu 4 urang tagok Trạm Vũ trụ Quốc tế (ISS).  Meyah abih bruk rah tabiak njauk yau bruk ba tabiak, 3 phi hành gia urang Mỹ haong phi hành gia ngak bruk ka jabat Vũ trụ Châu Âu (ESA) mai meng Italia meda tal trạm vũ trụ tuk mon 5 biar harei, blaoh hadei di nan nao ngak bruk ilamu dui atah 6 bilan angaok quỹ đạo.

Tui pathau khan roh duah di Pasak pasang iek saong pacang caga jit ruak (CDC) bahrau brei thau di harei 26/04 brei mboh, tui kuhria 3/4 uranaih Mỹ njauk ruak Covid-19 saong labaih mateh dom dam dara negar Mỹ hu mboh dom bruk dieh yau njauk ruak dahlau di nan. Dom roh duah jeng hu tacei tabiak bruk njauk ruak dahlau meda daong ka dom urang plaik hu bruk ruak trak saong njauk ba tame sang iek ruak, min dom urang ilamo di CDC jeng kakei lac dom urang njauk ruak dahlau di nan jeng njauk nao klauk vắc-xin caga COVID-19.

Lambaok jabat parabha khí đốt Ba Lan  brei thau, bruk pabak khí đốt di Nga ka Ba Lan brei padeih meng harei 27/4. Điện Kremlin ba tabiak bruk ini hadei di tuk Ba Lan oh taduan panuac di Nga brei bayar jien khí đốt meng jien rúp. Jabat ini jeng ndom lac bruk padeih pabak nan nyu suan harak pambuak bruk di dua gah saong khan lac meda ndok bayar dom khat lahik ini./.

 Urang lang: Thu Thao & M.P – 27/4/2022