Tui nan, tukvak tame bac aval jang sa adit dut saong harei peih bruk peih pakah thun bac bahrau. Peih pakah thun bac bahrau hu peih ngak di harei 5/9/2024. Tamat hoc ki I dahlau harei 18/1/2025; salah danak dak saong tamat thun bac dahlau harei 31/5/2025. Pasang iek bruk pok brei angan ngak salah danak dak Tiểu học saong pasang iek cong nhan tamat Trung học Cơ sở dahlau harei 30/6/2025. Mbang pakacah tamat Trung học Phổ thông thun 2025 tui kuhria hu peih tabiak meng 26 - 27/6. Dom mbang pakacah karei pakat negar hu peih tabiak tui adat saong tui tacei pato di Mintri Pato magru.

Ủy ban Bangsa bahrau peih nyaom biai mek panuac ka dự thảo Danak dak paglaong prein pasang iek, tui maong bruk peih ngak sarak bangsa ka urang jakar  ngak bruk dalam jabat bangsa tukvak 2025-2030. Bruk di danak dak lac pagloang ilamu pasang iek, tui maong bruk peih ngak sarak bangsa ka dom urang jakar ngak bruk pasang iek, tui maong di dom jabat khik ramik karhja ka bruk bangsa meng Trung ương tal puk palei, daong patagok bruk khik ramik karja ka bruk bangsa saong peih ngak siam dom sarak bangsa tal thun 2030.

Harei 18/8 anak tal, UBND tỉnh Sóc Trăng peih nyaom roya dom urang lambaok dom bangsa takik tỉnh Sóc Trăng mbang ka IV thun 2024 ngan haong labaih 400 urang hu mbaok tame, dalam nan urang chinh thuc lac 250 urang. Urak ini, bruk caga ka mbang nyaom roya hu ngak salah. Mban Bangsa tỉnh hu mek panuac mbang ka 4 ngan haong pathau khan chính trị; kakei haong dom so, dom mban, dom gah saong UBND huyện, ban sit, 22 kadha tham luận pathau khan di mbang nyaom. Gam tui di nan, bruk padang ngak danak dak mbang nyaom saong kich ban cambaih laih di mbang nyaom roya, bruk pathau khan ka mbang nyaom roya jeng hu dom tiểu ban nyaom roya caga lagaih.

UBMT negar VN tỉnh An Giang bahrau peih Nyaom biai pathau khan jalan ngak di Đảng, sarak di Karja brei ka 65 halau janeng, urang pan bruk agama, dom menuac hu angan je dalam bhap bini Khmer daok di xã Văn Giáo, huyện Tịnh Biên. Dalam nyaom biai, mikva hu pang dom sarak daok hu peih ngak saong ngak tui Danak dak bruk ngak negar patagok kinh tế - xã hội bhum bangsa takik saong bhum ceik, tukvak 2021-2025…, piah paglaong hatai sahneng ka bangsa Khmer, jak ba  mikva kham merat hu mbaok tame dom bruk pakacah gauk anit ranam taneh ia, ba gauk padang puk paga, palei negar cakrok patagok.

Dom harei ini, urang ngak nong di rilo tinh, ban pak bhum taneran kraong Cuu Long yau Long An, Đồng Tháp, An Giang… tame bilan yuak padai he thu biak chreih chrai bui sambai, kayua langiu di padai hu rilo, thun ini, mikva daok hu jien mek tame kayua pablei hu pong nerang thu ka urang kak kaiy. Tui rilo urang ngak nong brei thau, kuhria yaok hécta padai hadei di tuk yuak blaoh hu labaih 170 paok pong (20kg sa paok), yaok paok png pablei hu yaom 13.000-15.000 đồng. Bruk pablei hu pong thu hadei di tuk yuak blaoh oh lac daong ka urang ngak nong patagok jien mek tame, bo daok rik tame ngak trun manieng bruk tathuak nerak sang kreih camin (rilo meng lac urang pala padai bhian randap cuh pong hadei di tuk yuak blaoh padai).

Tòa án Hiến pháp Thái Lan hu tabiak panuac brei yah klaak đảng Tiến bước - đảng cagar veik hu rilo nghị sĩ abih di Hạ viện Thái Lan. Makna lac kayua đảng Tiến bước ngak suan hukum negar tuk ieu ramik veik hukum pacang ndom jhak patao.. Tòa án Hiến pháp Thái Lan brei thau, bruk ini hu ba tabiak piah khik “thể chế quân chủ lập hiến” di taneh ia ini. Gam haong bruk yah klaak đảng, Tòa án Hiến pháp Thái Lan jeng pakauk dom urang dalam mban chấp hành di đảng ini tabiak tranh cử dalam 10 thun.. 

Kanja Mỹ bahrau khan lac, harak pakauk pandar hộ chiếu Mỹ piah nao mai tal Triều Tiên jeng daok hu pandar tal harei 31/8/2025. Harak pakauk ini hu pandar meng thun 2017 saong hu dui atah jang yaok thun. Mintri Ngoại giao Mỹ brei thau lac “daok mbuan hu bruk trak damak ka bruk cap khik saong mek caik guk suai lavik dom rahra Mỹ” pak Triều Tiên. Harak pakauk pandar hộ chiếu Mỹ piah nao mai tal Triều Tiên hu pandar camriep abih di bilan 9/2017 hadei di bruk metai lahik di Otto Warmbier, lac sa sinh viên sang bac đại học người Mỹ njauk cap khik pak Triều Tiên saong metai oh suai di nan hadei di tuk mai sang dalam tuk var drei jan, oh daok thau hagait.

Ethan Guo, umo 19 thun, urang Mỹ asal Á, caong lac padang hu Kỷ lục Guinness dunya tuk peih mbang par sa drei vil val baoh taneh.. Ethan ngak bruk nan di mangaok sruh kapal haok angan Cessna 182 hu 4 kik daok, tui kuhria dui atah dalam 100 harei, labaih 50 rabau dặm saong padeih takai di 60 taneh ia. Oh lac piah mek hu kỷ lục, Ethan daok caong padang hu kadung jien 1 triệu đô la ka danak dak roh duah ung thư di uranaih.  Meyah bruk nan ngak hu saong hu gah Kỷ lục Dunya Guinness pok je, Ethan meda lac menuac daok sit di abih par sa drei tal 7 châu lục angaok sruh kapal haok sit./.