Peih ngak bruk bangsa suai lavik vaktu 2021 -2030, pamong tal thun 2045, tỉnh Kiên Giang brei ngak dahlau bruk ngak cak rok patagok abih gah, khang kajap bhum urang bangsa takik. Dalam nan njauk iek praong bruk pachreih prein khang dom gah piah padang ngak dom kết cấu hạ tầng kinh tế - xa hoi sumu gauk bhum bangsa takik, pambuak saong dom bhum patagok; jhul pakhang bruk cak rok patagok bruk pato megru, y te, ilamu, khik tani tanat raidiuk xa hoi. Tui nan, khik ramik saong patagok ilamu siam gheih meng di dom bangsa.

Tui Sở Lao động - Thương binh saong Xã hội tỉnh Bình Dương, rilo doanh nghiệp daok kurang đơn hàng nan ye gaok kan kandah dalam bruk pablei tabiak negar langiu, dui tui bruk rilo urang ngak kurang bruk ngak. Dalam 9 bilan tapa, hu jaik 14.000 urang ngak kurang bruk ngak; labaih 70.000 hồ sơ  likau mbang jien lahik bruk ngak. Piah daong ka urang ngak lahik bruk ngak, Liên đoàn lao động tỉnh ieu kakei dom Công đoàn cơ sở thau cambaih hatai caong di đoàn viên piah hu jalan daong. Gam haong nan jeng khan brei thau angan dom DN caong pilih ruah piah dom urang ngak lahik bruk thau saong tut angan tame.

Page ini 4/11, Kapol Urang kumei tỉnh Bến Tre alin brei paok jien bac Nguyễn Thị Định thun bac 2022 - 2023 ka 200 anek saih kumei sang kan kathaot, kham merat bac da-a. Dom anek saih hu taduan paok jien bac nan, lac dom pakat bac meng Tieu hoc tal THPT, yaok paok jien bac 800 ribau tal 1trieu 200 ribau đồng. Paok jien bac Nguyễn Thị Định hu alin brei yaok thun tuk tame akok thun bac meng thun 1996 mbiah tal ini. Kadung jien bac  Nguyễn Thị Định hu UB bhap bini tỉnh Bến Tre padang tabiak piah  daong ka anek saih hu raidiuk kan kandah, baoh sang kathaot kham merat bac da-a. 

Dalam danak dak di Harei pataom ilamo thể thao du lịch bhap bini Khmer mbang ka VIII daok hu peih tabiak di Sóc Trăng, dah page ini (4/11) dom bruk pacacah thể thao meng kan hu peih mbaok di ban Sóc Trăng. Harei pataom pachreih hu labaih 550 urang pacacah mai meng 12 tinh, ban di bhum ĐBSCL saong TP.HCM hu mbaok tame pacacah di dom môn pacacah, hu caoh mbang  mini, taong valei, dui brak, jhul gai, bi pasei, việt dã, cờ ốc. Tapa harei pataom ini piah  brei mboh bruk sangka di dom pakat, dom gah tal raidiuk  bhap bini dalam taneh ia, jeng yau bhap bini bangsa Khmer.

Hội đồng bhap bini tỉnh Bình Thuận njauk hatai brei padeih ngak Akaok UB bhap bini tỉnh Bình Thuận vaktu 2021 -2016 ngan haong ong Lê Tuấn Phong; njuak gauk brei ong  Lê Tuấn Phong padeih ngak  urang HĐ bhap bini tỉnh  mbang XI tui hatai caong khin. Kayua rilo bruk  karei karei, ong Lê Tuấn Phong hu payua harak đơn liaku padeih bruk meng harei 1/11/2022. Dahlau di nan, UB Pasang iek  T.Ư  brei kaok tui hukum kỷ luật Đảng ngan haong ong Phong. Thủ tướng rajaei brei ba tabiak langyah kỷ luật cảnh cáo ong Phong kayua ngak suan rilo bruk,  kurang dalam bruk ngak ba tal khat lahik trak.

Ủy ban Quốc phòng Quốc hội Hàn Quốc hu brei tapa sarak lên án dom bruk khiêu khích tên lửa di Triều Tiên, gam tui di nan hu ieu pachreih Bình Nhưỡng oh peih mbang cuh iek hạt nhân ka 7 saong brei thau Bình Nhưỡng meda njauk taduan yaok bruk drei ngak tabiak. Harei 3/11, Bình Nhưỡng hu cuh sa tên lửa jalan atah saong dua tên lửa jalan katut panak tame tasik di Japon, lac sa harei hadei di tuk cuh dom tên lửa, dalam nan hu sa tên lửa par tapa jalan tasik di Hàn Quốc.

Đại hội đồng Liên hợp quốc khan tapa sarak iew Mỹ brei padeih pakauk Cuba. Sarak hu angan Njauk brei padeih adat iew pakauk kinh te, pablei salih saong jien ndo kayua Mỹ pandar ngak haong Cuba. Sarak hu taduan hu 185 phieu njauk hatai, Braxin saong Ukraine buh phieu mbong  saong ta-eng Mỹ saong Israel buh cagar. Ngoại trưởng Cuba  brei thau hukum pakauk di Mỹ  ngak jhak pambak praong yau jit ruak praong suai lavik saong ngak khat lahik tagok tal 150 tỷ dola ka gah kinh te Cuba  dalam 60 thun tapa.

Kapul dom taneh ia ngak kong praong abih di dunya (ieu katut lac G7) saong  Australia  njauk gauk brei padang sa tanut yaom khang kajap hadei di tuk  njauk gauk ka bruk ba tabiak yaom giá trần  ngan haong menyek di Nga. Tui dom taneh ia G7, bruk ba tabiak yaom gái trần ngan haong menyek di Nga meda ngak catang jalan mek jien mek tame di taneh ia ini bo oh ngak trun gah pabak ka urang pandar. Jalan ngak ini jeng hu daong ka dom công ty bảo hiểm sanang hatai peih ngak dom hợp đồng  bo oh huac ka bruk dom taneh ia blei menyek di Nga rami ramik yaom kaom./.

Urang lang: Thu Thảo & Bhumi