Di nyaom biai “klaak abih jalan cao toc, patagok kein lagaih di Bhum taneran kraong Cuu Long” kayua mbao Thanh Nien peih tabiak di dah page ini, Thu truong Mintri jalan mbak, pajeng ba Nguyen Duy Lâm brei thau, 13 tinh, ban di Bhum taneran kraong Cuu Long lac bhum kinh te praong gah kaya nong, kaya ikan dalam ia. Gah jalan mbak, urak ini hu 2.688km jalan radaih hu buh jien tame ngak, rilo tatua praong hu padang ngak yau ye tatua My Thuan, Vam Cong, Cao Lanh…Taong abih dom xa hu jalan radaih o to nduac nao tal pasak, hu 12 pabah lamnge hu prein 31 trieu tan pandap sa thun, 4 mblang kapar haoh taduan raok 7 trieu, 4 rituh mbang tui yaok thun. Min bhum ini bahrau hu 7% dalam abih tih jalan cao toc di taneh ia. Makna lac kayua bruk buh jien tame ka oh pabak ginup, phun jien buh tame rilo nan ye kan dui pachreih hu bruk xã hội hóa.

Hadei di labaih sa bilan peih ngak sarak dong jien pah sang  ka urang ngak, Jabat  Bảo hiểm Xã hội (BHXH) ban raya  Hồ Chí Minh hu ngak harak brei ka jiak  54.000 urang ngak likau hu dong jien pah sang. Dalam nan, ngan song urang ngak mai ngak bruk veik, BHXH hu ngak harak brei ka  430 labik ngan song  1.600 urang ngak likau hu dong jien pah sang . BHXH hu panuac kakei lac, tuk vak  nộp hồ sơ suai di abih tal abih harei  15/8, labik hu urang ngak meda nộp harak yaok bilan atau pataom veik 2 bilan atau 3 bilan.

Di tinh Tra Vinh, li-u thu gam gam trun yaom, urak ini li-u thu pablei di bein yaok tok daok 35.000 - 45.000 đồng sa pluh (12 baoh) tui baoh sit atau praong, trun labaih 80.000 đồng sa pluh, dut saong tukvak akaok thun.Yaom li-u trun khang, gam haong jien blei khak drak tagok glaong ngak ka rilo sang pala li-u oh daok mbak carak haong bruk sangka, iek glang, nang suat li-u jeng trun biak rilo, saong hu rilo sang daok tak klaak phun li-u piah salih tapa pala phun karei.

Đồn Biên phòng Trung Bình, Bộ đội Biên phòng tỉnh Sóc Trăng bahrau peih bruk pathau khan ka dom po kapan ikan song  thuyền trưởng di xã Trung Bình song ban sit Trần Đề, huyện Trần Đề ka dom harak  adat hukum  song thaot binguk, sơ đồ, labik dom danak dak xăng menyek urak ni mangaok bhum tasik  gah merong  Nam song jalan nding ba khí PM3-Cà Mau binah mangaok tasik. Var pathau khan piah  dong ka urang tong chap kham merat tabiak tasik tong chap, oh lih tame labik khik caga siam mekre, salamat dầu khí, oh lih tapa bhum tasik negar langiu tong chap kauya ikan suan hukum.

Bilan ngak Kayua uranaih saong peih mbaok bilan he thun 2022 hu peih tabiak tuk melam ini di Hà Nội. Bilan ngak kayua uraniah thun ini hu angan ieu lac “Sa tangin saong gauk daong khik caga uranaih, njauk pok sap pacang caga taong paoh, ngak brei pandik harao uranaih” piah paglaong bruk ngak di dom gah, dom pakat saong bruk pambuak gauk di dom gah di puk palei dalam peih ngak dom jalan pacang caga, daong ba, hu mbaok tame piah daong samar drah, siam lagaih, abih di nyu nan lac dalam sang. Saong brei sangka, daong palagaih, jak ba dom gah buh jien tame piah ka yaok uranaih hu sa bilan he salamat, siam makre.

Thủ tướng Trung Quốc Lý Khắc Cường hu jao harak pok ong Lý Gia Siêu – urang bahrau jayah dalam mbang bầu cử Hồng Kông, ngak akaok Đặc khu Hành chính Hồng Kông, gam song nan hu panuac cong ngak siam bruk pacang caga jit ruak  song pasiam rai duik di bhap bini . Urang pan akaok bhrau  Đặc khu Lý Gia Siêu ndom lac, meda pabak hatai jia di karja trung ương song cong khin di bhap bini Hồng Kông, peih ngak ginup sarak “sa taneh ia, 2 chế độ ” tui njauk hukum.

Dom urang par akaok Lien minh Chau Au (EU) hu njauk gauk pabak 9 ty euro ka Ukraine piah daong ka kinh te taneh ia inj dalam tuk rah tabiak bruk mesuh metak. Langiu di nan, dom urang par akaok EU jeng njauk gauk ka bruk brei cakak trun 90% dom manyek blei meng Nga di puac thun inj, gam haong nan brei langyah dom tavak tavaiy dalam ginum biai haong Hungary ka paok taong phat hu brei thau lac trak abih di EU pamaong tame Nga.

Tui kuhria mboh di jabat Tình báo Trung ương Mỹ, Triều Tiên dok caong blei tame atau caong dong samar labaih 860 ribau  tấn pandap mbang, piah pabak ka bhap bini  dalam 2 tal 3 bilan tal. Dom cuang kandah gah kinh tế di Triều Tiên, abih di nyu nan lac kan kandah meng dunya kayua jit prong Covid-19, ngak brei patagok bruk mbuan si kurang pandap mbang di bhap bini. Meyah kan kandah ini oh hu pasiam ye dom boh sang di Tiều Tiên meda rah tapa sa tuk vak biak kan kandah./.

Urang lang: Thu Thảo & H.Pha – 31/5/2022