Thu tuong Rajaei birau hu harak công điện ka bruk ngak tui pasiam quy định pambuak tal bruk klak sổ hộ khẩu, sổ tạm trú ba-ar saong dom harak gal pambuak tal labik daok. Dalam công điện Thu tuong Rajaei iew dom Akok mentri, UB bhap bini dom tỉnh, ban tacei pato, samar ngak brei salah bruk pambuak saong peih bruk pasiam quy trình, salah quy trình dalam bruk ngak piah ba tame pandar, pandar khaw tin dalam Cơ sở dữ liệu taneh ia ka bhap bini duh ka bruk langyah harak gal hành chính, oh eiw bhap bini brei iek atau payua tame sổ hộ khẩu, sổ tạm trú ba-ar dalam tuk hu dữ liệu ka bhap bini hu pambuak, kalak rabha haong Cơ sở dữ liệu taneh ia ka bhap bini.

Cục Jalan mbak Việt Nam hu pabak Dịch vụ công online tanut 4 salih harak adat peih radaih di mangaok Cổng Dịch vụ công pakat negar dalam taneh ia meng bilan 11/2022. Rahra meda ieu tame laik phone 1900.599.870 piah brei thau dom khau tin pambuak tal dom bruk salih harak adat peih radaih, dom khau tin pambuak tal salamat jalan mbak saong brei thau dom bruk khik ramik, pasiam veik jalan mbak. 

Sở Jalan mbak pajeng ba Ban raya HCM likau brei peih praong jalan tame cao toc TP.HCM - Long Thành - Dầu Giây tagok 8 jalan radaih, mbaok jalan praong 36 m, kuhria abih tih labaih 1.124 tỉ đồng piah pambuak sumu gauk haong labik jalan An Phú. Urak ini, Tong kong ty Đầu tư patagok jalan cao toc Việt Nam (VEC) hu padang danak dak peih praong jalan cao toc nan meng labik An Phú tal labik cao toc Biên Hòa - Vũng Tàu. Gam haong nan, likau jao brei UB bhap bini TPHCM peih praong jalan tame cao tốc labik An Phú tal jalan vành đai 2 kayua jalan nan daok dalam quyền khik iek di ban raya.

Tỉnh Kiên Giang bahrau ba tabiak danak dak pakacah pacang caga bruk taong mek kaya ikan suan adat hukum, oh pathau khan saong oh tui adat (IUU), parabha jeng 2 mbang. Mbang ka 1 meng bilan 1 tal bilan 5 thun 2023, saong mbang ka 2 meng bilan 6 tal bilan 12 thun 2023. Tui UBND tỉnh Kiên Giang, tapa danak dak pakacah cagar IUU piah peih ngak siam lagaih dom adat hukum kaya tasik saong pacang caga IUU, pacang cakak, trun takik di abih, yah klaak IUU, rik daong haong taneh ia yah klaak panuac ieu kakei “thẻ kanjik” di Uỷ ban châu Âu (EC). Gam tui di nan, patagok bruk peih ngak adat hukum, langyah dom bruk ngak suan IUU, pacang caga, brei padeih dom sruh gilai di urang taong cap ikan di dalam tinh ngak suan bruk taong cap kaya ikan di dalam bhum tasik negar langiu.

Tukvak ini, bein phun durien di tỉnh Tiền Giang daok tame bilan paik baoh praong. Urak ini, labaih 17.000 ha taneh bein pala durien biak siam. Jaik abih, dom bhum palei tapen kraong Tiền hu jalan caga meyah ia mbak njom tame, po bein caga ginup ia ka phun pala. Birau ini, yaom durien daok glong, durien Đô Na janih 1 labaih 100 ribau đồng sa kilo; dom pajaih karei yaom 50 – 70 ribau đồng sa kilo. Tui po bein yaom labaih 40 ribau đồng sa kilo lac mikva hu laba paje.

Thổ Nhĩ Kỳ hu tabiak bruk padang ngak dom baoh sang bahrau salih ka labaih 1,5 triệu baoh sang anak bruk mbuan hu dom mbang magei baoh taneh khang meda rahtabiak di anak tal. Bruk ngak ini daok dalam danak dak salih đô thị kayua rajaei Thổ Nhĩ Kỳ peih tabiak di bhum Marmara – lac labik bhian rahtabiak bala magei baoh taneh. Dahlau di nan, labaih 44.000 urang metai, labaih 12.000 baoh sang praong njauk tayah biak trak damak dalam bala magei baoh taneh biak khang di harei 6/2 di taneh ia ini. Yaom lac ka oh hu khau tin cambaih ka labaih 20 triệu baoh sang glaong tal di dalam taneh ia, min akaok mintri Đô thị hóa dahlau deih brei thau lac “labaih meteh dom baoh sang glaong tal di taneh ia ini” ngak suan adat gah sang danaok.

Lạm phát di Pháp saong Tây Ban Nha dalam bilan 2 daok tagok kayua pandap mbang saong dich vụ jeng tagok yaom. Yaom blei pandar tagok ngak ka lạm phát di Pháp tagok glong oh ka bhian mboh kuhria meng dom thun 80 di abap 20. Di Tây Ban Nha, lạm phát dalam bilan 2 tagok 5,9% kayua yaom pandap mbang saong điện tagok glong. Lạm phát di Tây Ban Nha tagok glong lac kurang pandap pabak kayua bruk mesruh gauk di Nga haong Ukraine saong peih bruk ngak kinh te gilac veik hadei di jit COVID-19.

Harei pataom xì gà Habano di Cuba hu peih ngak gilac veik hadei di 2 thun padeih kayua jit praong COVID-19. Bruk ini hu dui atah meng harei 27/2 tal harei 3/3 di ban ine La Habana di Cuba daok ngak pachreih rilo urang takre xì gà di dunya. Harei pataom ini pachreih hu labaih 2.000 tuai damuai, 250 chuyên gia saong 260 kapul parang iek meng dom taneh ia. Thun 2022, salih ka bruk taom gaok tapak, labaih 9.000 urang takre xì gà mai meng labaih 140 taneh ia hu mbaok tame online Harei Dunya Habanos piah gam klah rabha saong ba drei tame ilamo pambuak haong bruk ma-in sambai ini./.