Di var nyaom biai di Ban Thuong vu Dang uy Rajaei peih ngak biar harei 11/3 brei panuac ka Danak dak dak ramik, ngak veik don vi hanh chinh dom pakat saong padang ngak  karja bhum palei 3 pakat, Thu tuong Phạm Minh Chính khan lac, mbang nyaom njauk gauk brei pok tagok pakat hu tham quyen hadei tuk dak ramik brei trun labaih 50% don vi hanh chinh pakat tinh saong trun labaih meng 60% tal 70% don vi hanh chinh pakat co so dut haong tukvak ini. Thu tuong caong khin, gam haong bruk dak ramik, padang veik  pakat don vi hanh chinh dom pakat pamong tal bruk karja jaik bhap bini jang, bhap bini dak harei dak haniem siam saong trei sir; hu bhap bini njauk hatai.

Huyen Châu Thành, tỉnh Long An birau taduan hu angan palei pala birau paglong thun 2023. Mbiah tal ini, dalam huyen hu taong abih 12 xã mek hu tanut chuan palei pala birau paglong, dalam nan hu 6 xã mek hu tanut chuan palei pala birau paglong tui dom kadha ba tabiak vaktu 2021-2025, sa xã palei pala birau kieu mau, 1 ban sit mek hu tanut chuan do thi ilamo. Huyen ngak hu taong abih 9 kadha di huyen palei pala birau paglong. Jien mek tame kuhria tui yaok urang jiak 71 trieu dong sa thun; hu 99% taong bhap bini njauk hatai haong bruk padang ngak palei pala birau paglong di huyen…

Peih ngak Danak dak ngak brei abih baoh sang oh daok taik tahak, mbiah tal bilan 3 ini, tinh Ca Mau peih ngak 1.888 baoh sang, jaik 43%. Langiu di nan, tinh hu parabha kuhria abih tih phun jien daong labaih 127 ti dong, peih brei labaih 72%. Ca Mau lac sa dalam 10 bhum palei peih ngak brei abih baoh sang oh daok taik tahak hu siam rilo abih  dalam negar. Tinh kham merat tal harei 30/6 ngak hu salah Danak dak; pasang eik veik, tacei ba ngak blaoh salah bruk daong ka dom baoh sang kathaot oh hu taneh ngak sang tal bilan 8 anak tal.

Urak ini, ia mbak njom rah tui kraong Cổ Chiên tapa tỉnh Trà Vinh tame tal tinh Vĩnh Long. Di huyen Vũng Liêm, bhap bini saong karja pak kaoh pulao Dài pataom tame dom jalan pacang caga njom ia mbak. Tui nan, pruh ia patak pataom, brei dut iek ia mbak dahlau tuk pruh ka phun pala. Lac bhum palei bhian gaok ia mbak njom tame, huyen Trà Ôn brei caga dahlau klak di ia mbak njom tame mblang hamu, takik ngak kan kandah tal raidiuk bhap bini. Gam kakei bhap bini gaok kan kandah kayua njom ia mbak brei salih bilan ngak padai tapa pala njam patam.  

Tui Pasak Kuhria mboh dahlau Langik tasik Negar, meng harei  13 tal harei 18 bilan 3, di bhum tapen tasik Dong Nam Bo meda hu sa mbang ia ndik. Ia ndik glong abih di Balai Vũng Tàu tagok tal 4m. Langiu di nan meng ini tal bilan 5, di bhum tapen tasik Dong Nam Bo hu 5 mbang ia ndik. Ia ndik tagok glong ngak kan suai tathuak ia dauk di dom kraong gah Dong Nam Bo. Dom labik dhong, biar tapen tasik, tapen kraong, bhum langiu ar pacang meda ia dauk di page subuh saong jaik mesup. Langiu di nan, ia ndik tagok glong dalam tuk nan ngak ia mbak njom tame  dalam mblang hamu.

Ha vien My brei tapa hukum kadung jien anak meta piah daong rajaei lien bang hu ginup jien piah ngak bruk tal harei 30/9. Dahlau di nan, Tong thong My  iew dom nghi si Cong hoa jum pataom saong njauk hatai ka hukum nan. Dom Ha nghi si Cong hoa bao thu meng kan mai bhian cagar veik dom hukum kadung jien anak meta min ini lac mbang kaok meti  rilo urang dalam nan brei buh phieu njauk hatai hukum nan kuhria meng tuk ndang Cong hoa mek hu ralo phieu di Ha vien meng bilan 1 thun 2023.

Mbiah tal ini, hu labaih 3.500 urang meng Dải Gaza tame negar Ai Cập meng pabah negar Rafah, dalam nan hu labaih 2.000 urang brei iek jru ruak. Lien minh chau Au pasang iek veik pabah mbang negar, sa labik tame tabiak di bhum taneh Palestine.  Pabah negar ini brei kareik paje oh brei manuac nao mai meng bilan 5 thun dahlau. Urak ini, dom urang langyah ba siam di ARập saong Mỹ kham merat langyah dom  bruk oh njauk gauk di Hamas saong Israel pambak tal bruk padeih mesruh metak.

Ủy ban châu Âu (EC) ba tabiak bruk ka dom taneh ia dalam EU brei adat padang dom pasak khik iek dom urang di cư hu harak likau tị nạn oh hu di dom taneh ia langiu EU daok cang patrauk tabiak. Dom taneh ia di EU daok kham ngak brei, dom urang hu harak likau tị nạn oh hu meda tabiak truh taneh ia drei. Bruk ba tabiak nan piah ba dom urang di cu tame dom pasak “gilac veik mai negar” di dom taneh ia langiu EU dalam tuk daok cang ngak harak gal ba tabiak truh./.