Kuhria meng harei ini (6/2) tal harei 10/2, harei taduan lin thun 2023 meda hu peih tabiak dalam taneh ia. Tukvak tapa, dom tinh, ban jao lin saong kapul taduan lin bhian pambuak gauk saong peih ngak biak catang dom bruk ngak dalam pilih lin tani tanat dom asal kadha, chất lượng saong biak salamat. Dom kapul taduan lin hu padang jalan ngak piah caga taduan, pajeng urang lin bahrau mai kapul, caga biak tani tanat labik mbang, daok, ma-in ka bol lin meng di harei camereip tame kapul.

Caga blaoh blai ka harei jao – taduan lin di harei 9/2 tal, urak ini, TP Rạch Giá, tỉnh Kiên Giang ngak hu siam bruk pilih ruah menuac tame lin saong meda lac caga hu blaoh bruk pilih ruah lin. Thun ini Rạch Giá hu 192 dam dara hu pilih ruah nao ngak nghĩa vụ quân sự. Piah ngak siam gah hatai sahneng ka dom dam dara tagok jalan nao ngak lin dalam dom harei tapa, dom ban ngành, puk palei, mBan chỉ huy quân sự dom phường, xã hu peih dom bruk nao ravang, brei pandap ka dam dara hu pilih ruah tame lin, pachreih ba dom dam dara nan.

Melam 5-2, di Pasak ilamo quận 5, mBan peih bruk pahadar dom harei rija praong TPHCM hu peih melam roya Nguyên tiêu Xuân sak tapai 2023. Akaok UBND TPHCM Phan Văn Mãi hu taong gar peih pakah ka Harei roya Nguyên tiêu. Tuk bier harei, meng maong 4 mateh tal maong 6 mateh, mangaok dom jalan praong di quận 5, hu rilo radaih bingu saong parang me-in ilamo jalan mbak ngan haong bruk hu mbaok di 1.200 diễn viên hu rah tabiak dalam chreih chrai, pachreih hu yaok rabau rahra mai tui iek. Harei Nguyên tiêu – Inem krung ilamo oh maong mboh saong lac sa dalam 19 bruk ilamo, harei rija angan je di TPHCM, lac bruk hadah mbaok mata di mikva bangsa Lo daok di TPHCM saong abih di nyu nan lac di rahra daok di quan 5.

Tổng cục Thủy lợi, Mintri ngak nong saong patagok palei pala kuhria mboh lac, dalam adit ini, di ĐBSCL ia mbak njaom tame daok tagok tui mbang ia ndik di harei ia bulan bak baoh bilan 1 saka ia bulan. Ia mbak di tanut 4 g/l meda hu mboh di labik meng 45 - 55 km mangaok dom pabah kraong Cửu Long, meng 55 - 70 km mangaok pabah kraong Vàm Cỏ. Urak ini, ia njaom mbak daok ngak kan kandah tal bruk mek ia di dom danak dak thủy lợi meng labik 30 - 50 km kuhria meng pabah tasik tame, di dom harei ia ndik.

Dah page ini 5/2, di tỉnh Đồng Nai hu bala di kraong, ngak ka 12 urang laik trun kraong, 1 urang metai. Tui duah thau tuk camriep, gilai pajeng tuai kayua urang peih gilai angan Nguyễn Trường Chinh, daok di phường Long Bình Tân, ban Biên Hòa peih, pajeng tui 12 urang nao gah baha Phước Long, dalam Cù Lao Ba tapa ban Thủ Đức, ban raya HCM tal bến đò Xưa, phường Long Bình Tân, ban Biên Hòa piah leih tuai. Tuk gilai bahrau nduac hu labaih 200m di kraong Đồng Nai ye ginuh gauk haong sà lan pajeng container, ngak ka gilai pajeng tuai tableik trun kraong, abih tih dom urang di gilai laik trun kraong. Dalam nan, 1 urang metai kayua mblung ia. Urak ini, dom kapul chức năng daok pasang iek makna ba tal bala        

Kadung jien Pato megru Samu gauk (EEF) Thái Lan bahrau ini hu panuac ieu Rajaei taneh ia ini salih bahrau bruk pato pakai piah palagaih ka labaih 1 triệu 300 rabau dam dara Thái Lan urak ini oh tut angan tui bac di sang bac halei atau pasak bac megru, pato bruk ngak halei dalam negar hu nao bac di sang bac. Tui EEF, kapul urang ngak ini brei hu patagok meng urang ngak meng tangin takai jeng urang ngak naih gheih, hu prein rik daong jang ka bruk patagok di taneh ia, tagok bruk mek tame jien je saong daong ka Thái Lan tabiak truh tukvak jien mek tame mbiah.

Gah chức năng jeng daok duah 9 urang taong ikan lahik, dalam dom urang ini hu 2 urang Việt Nam dalam bruk bleik gilai rahtabiak di melam 4/2 di tasik gah Tây Hàn Quốc. Di mbang taom gaok, ndom biai haong dom gauk gar di dom urang njauk bala di harei 5/2, Akaok Mintri Hải dương saong Kaya tasik Hàn Quốc brei thau lac, jabat chức năng daok pasang iek makna ngak bleik gilai saong pathau khan kết quả haong sang dom urang gaok bala. Abih tih dom urang lahik hu brei thau lac daok di mangaok boong gilai di tukvak bleik gilai. Tổng thống Hàn Quốc hu pato tacei urang par akaok dom mintri saong dom jabat rajaei jak ba yaok gah piah duah saong daong dom urang njauk bala.        

Dịch vụ Y tế negar di Anh daok dang anak bruk kadung jien karja takik nao dalam labaih 1 pluh thun tapa. Hadei di jit praong Covid-19, bruk tapa prein biak khang daok ngak ka yaok pluh ribau urang ruak cang biak lavik meng hu iek ruak, taong ruak. Hu rilo urang ruak cang labaih 2 thun meng hu blac raih. Dahlau di nan, dom jabat y tế Anh brei thau ka bruk tagok menuac metai di taneh ia ini kayua iek glang gah y tế oh ginup, saong hu panuac ieu rajaei ba tangin tame bruk, dalam tuk bruk đình công saong bruk caong iek ruak, taong ruak tagok glaong dalam bilan brak./.