Mentri Noi vu bahrau ngak salah blaoh Sarak du thao di Uy mban Thuong vu Quoc hoi ka bruk ramik labik karja payua Mentri Tư pháp iek veik. Kuhria mboh dahlau, hu 52 labik karja pakat tinh brei ramik veik, 11 labik karja pakat tinh oh ngak bruk ramik; jaik 10 ribau labik karja pakat xa daok dalam sarak brei ramik. Dom labik karja pakat tinh oh ngak bruk ramik lac hu labik karei saong kan si peih jalan mbak pambuak hu kein lagaih atau labik karja hu labik karei biak hu makna, pambuak tal quoc phong an ninh saong bruk pacang khik taneh riya negar.

Tui bruk ramik veik karja pakat xã, phường di Ban raya HCM, rilo mikva urang sahaneng lac, bruk caik angan ka dom phuong, xã njauk brei sahaneng tani tanat. Di Ban Thu Duc, ba tabiak dua bruk peih ngak, dalam nan hu bruk karja Ban Thu Duc lac pakat co so di Ban raya HCM saong bruk parabha 9 don vi hanh chinh pakat co so. Bruk ka 2 nan lac pabha jeng 9 don vi hanh chinh pakat co so brei mek angan dom phuong yau ini Thủ Đức 1, Thủ Đức 2, Thủ Đức 3 dak ngan patui gauk…Rilo urang sahaneng lac angan  birau njauk brei pagam tui sajarah dakrai, ilamo meng kan dahlau mai saong ilamo siam gheih di bhum taneh ini.

Hadei tuk hu tacei ban jalan ngak bruk  di Phaok Thu tuong Trần Hồng Hà, Mentri Kong thuong hu padang kapul pasang iek dom urang ikak kaiy saong bruk pablei salih, pablei padai brah tabiak langiu negar di bhum taneran kraong Cuu Long. Mbang pasang iek brei pataom tame pasang iek bruk pablei salih brah tabiak negar langiu dalam labaih tukvak meng bilan 9 thun 2024 tal abih bilan 2 thun 2025. Ini lac tukvak bo kapul pasang iek brei taduan pataom dữ liệu, dut iek harak gal, chung tu piah taom yaom bruk ngak tui hukum negar di dom gah ngak mbang pablei salih.

Huyen An Minh, tinh Kien Giang birau taduan hu angan palei pala birau. Kuhria tal bilan 6 thun 2024, dalam huyen hu taong abih 10 xa mek hu tanut chuan palei pala birau, dalam nan hu 3 xa palei pala bahrau paglong saong ban sit Ka 11 mek hu tanut chuan do thi ilamo hadah krah.

Dalam bilan padai Dong Xuan thun ini dalam tinh Kien Giang trun pajaih labaih 42.000 ha, tapa labaih 3% dut haong jalan ba tabiak haong padai yuak hu di mbang pala hu kuhria labaih 285.000 tan padai. Meng bruk peih ngak dom jalan langyah peih bruk pala padai samu njauk tui jalan randap haong bruk langik salih karei, trun bala langik yau njom ia mbak nan urang ngak nong yuak padai karo salamat, khik kajap haong padai yuak hu rilo mbiah. Tal puac bilan 3, dalam tinh yuak hu jaik 32.000 ha; padai yuak hu kuhria rah tapa hu labaih 68 ta  sa hecta saong taong abih padai yuak hu labaih 217.000 tan.

Bilan  bingu anh dao thun ini meda ba mai jien tame dalam bruk ngak mbang  kinh te labaih 1.390 ti yen ( sumu 9 ti USD) ka Nhat Ban nan lac tanut glong abih kuhria  meng lavik mai di taneh ia ini. Tui Gah Yulit negar Nhat Ban, thun dahlau  tanh ia taduan raok hu ralo abih jaik 37 trieu mbang tuai damuai. Bruk patagok kuhria abih tih gam tuai negar langiu saong dalam taneh ia mai jirah rivang iek bingu anh dao dalam thun ini meda tagok rilo jien mek tame meng dom  bruk yau pa blei salih kaya mbang, ia menyum saong pandap alin hadiah, jeng yau jien bayar ka bruk nao mai. Tui kuhria mboh dahlau, urang negar Nhật Bản buh tabiak labaih 7.100 yen sa urang ka roya Hanami.

Apui khuah glai rah tabiak biak trak di labik gah Pur Meraong Han Quoc. Urak ini, taong abih urang metai tagok tal 24 urang dalam tuk 27 ribau urang karrei brei panduan nao labik karei. Dom kapul praong di Han Quoc hu jhul khang bruk rik daong piah daong prein daong ka dom urang gaok kan kandah. Jabat Drap ar Han Quoc brei panduan 15 pandap meng kal hu yaom glaong di negar saong pandap sajarah nao tal dom labik karo salamat.

Tong thong Bolivia Luis Arce ba tabiak bruk samar chip pakat negar hadei tuk hajan praong saong ia ribuk dauk biak trak di rilo labik di taneh ia ini ba tal labaih 50 urang metai saong 100 ribau urang brei panduan ba nao labik karei. Bala meng langik tasik ngak kan kandah  tal raidiuk di 378 ribau bhap bini daok di grauk labik Bolivia. Ba tabiak bruk kakei samar chip ka hajan ribuk, Rajaei taneh ia ini peih bruk jak ba rilo bruk piah parabha jien tal dom labik gaok kan kandah kayua bala nan./.