Dalam klau bilan akaok thun ini, dalam tinh Dong Nai hu 7 xa salah blaoh bruk kuhria padang palei pala bahrau paglaong tui Dom asal kadha ba tabiak di tukvak 2021-2025. Bruk naih gheih lac rilo xa bhum atah bahyah mek hu jak jeng siam mekre dalam bruk buh jien tame padang co so ha tang jalan mbak palei pala, ha tang ka pato megru, y te; dalam bruk salih phun pala tui jalan pala dom phun pala brei siam lagaih kinh te glaong…Kuhria tal puac thun 2024, dalam tinh ba tabiak bruk kuhria hu abih tih xa mek hu tanut palei pala bahrau paglaong.

Urak ini, tinh Binh Duong hu 9 don vi karja pakat huyen, dalam nan hu 5 ban, 4 huyen saong 91 dom vi karja pakat xa dalam nan hu 39 xa, 47 phuong, 5 ban sit. Tui kuhria mboh dahlau, bruk ramik don vi karja pakat xa, hadei tuk ramik daok veik 27 don vi karja pakat xa. Tui jalan tacei ba di Karja negar, tui kuhria mboh dahlau bruk ramik veik karja pakat xa hu meng 80 tal 82 urang jakar. Yau ye, gah đảng brei hu 20 urang. HĐ bhap bini hu Urang jakar dang akok, Phaok akaok saong 2 Mban chuyen trach. UB bhap bini ye hu Akaok, Pho akaok saong kuhria takik di nyu 4 urang jakar chuyen mon. Gah Mat tran Negar, tui kuhria hu meng 10 tal 12 urang. 

Duh ka bruk pabak cuah wua lam sumu mbaok taneh di dom danak dak hu makna di Negar tui pato tacei di Thu tuong, tal ini tinh Tien Giang hu jao 12 labik cuah angaok kraong Tiền ka dom gah pablei salih kuac mek. Labik cuah ini tok duh ka dom danak dak hu makna gah Meraong dalam nan hu: Danak dak Vanh dai 3 – Ban raya HCM; danak dak jalan peih nduac samar Chau Doc – Can Tho – Soc Trang; danak dak jalan Ho Chi Minh jalan Rạch Sỏi – Bến Nhất saong Gò Quao – Vĩnh Thuận; danak dak peih nduac samar Can Tho – Ca Mau…Tien Giang lac bhum taneh hu rilo labik cuah kraong min cuah piah duh ka gah dak padang ye gilac biak kurang, yaom kaom glaong. Bruk kuac mek cuah suan hukum jeng oh ka hu pacang cakak catang.

Tui kuhria mboh dahlau ka ia di Bhum taneran kraong Cuu Long dalam bilan pandiak thu ini tok hu labaih meng 60 tal 75% dut haong dom thun dahlau, njom ia mbak tui tukvak glong  jang rilo thun tapa. Anak tal, di Bhum taneran kraong Cuu Long hu dua mbang ia mbak tagok glong meng harei 30/3 tal harei 3/4 saong harei 27/4 tal harei 30/4.  Dom tinh daok tapen tasik nan lac tinh Long An, Ben Tre, Tra Vinh, Soc Trang, Bac Lieu, Ca Mau saong tinh Kien Giang kuhria mboh dahlau daok tagok glaong di bilan 4. Dom bhum palei njauk brei piah caga ginup ia taba ka bruk pala drak, abih di nyu lac dom harei puac bilan 3 ini.

Kreh bilan 4 thun ini kapal gilai Thăng Long prih drah samar hu brei peih nduac gilac angaok jalan tasik Ban raya Ho Chi Minh - Côn Đảo. Kapal gilai hu maong lac praong abih, samar abih urak ini ngan haong dom tanut chuan dunya, hu prein pajeng tagok tal 1.000 tuai damuai, nduac samar 35 hai ly sa mon. Dalam bruk langik hu kain lagaih, jalan meng Ban raya Ho Chi Minh nao Côn Đảo lahik tok 4 mon. Urakini, kapal gilai peih nduac samar Thăng Long daok peih nduac angaok jalan tasik Vung Tau – Côn Đảo hu pajeng sa harei 1 mbang.

Thong tuong Myanmar Min Aung Hlaing khan lac, taneh ia ni brei peih bruk palih ruah tui hatai saong sumu gauk di bilan 12 anak tal, tui iew dom kapol urang cagar veik phao karaong brei atah klak bruk taong paoh gauk saong njauk ndem biai pagheih hoang gauk. Bruk rah tabiak di Myanmar hu iek yau sa bruk “ pandiak” di bhum hadei tuk bol lin pan akaok taneh ia thun 2021. Panuac khan ka bruk palih ruah saong iew da-a  dom nyaom urang ndem bai ba siam haong urang dang kaok  karja bol lin  hu taong yaom lac  bruk ngak siam, pamong tal  bruk tani tanat.

Rajaei Thai Lan daok maong iek trun tukvak daok gilac mien thi thuc ka tuai damuai yulit Trung Quoc meng 90 harei trun daok 30 harei. Bruk kuhria di mbaoh tangin pambuak bruk lac jhul tagok yulit saong patagok bruk pambuak gauk di dua negar. Trung Quoc lac gah hu tuai damuai jirah rivang praong abih di Thai Lan saong bruk mbaoh tangin ini hu caong takre daong gah yulit Thai Lan hu pasiam khang kajap.

Karja Mỹ mek veik harak gal thi thuc di takik abih lac 300 anek saih bac negar langiu. Karja Tổng thống Donald Trump daok jhul khang  dom bruk chap mek saong patrauk saih bac mai meng negar langiu tabiak truh,  abih di nyu nan lac dom urang hu mbaok tame bruk trun jalan pachreih tui Palestine pambak praong bak taneh ia My hadei Israel peih dom mbang kalin mesruh di thun 2023. Dom mbang chap mek nan daok ngak ka dom anek saih negar langiu daok bac di Mỹ mboh huac, suh sah hatai./.