Urang ngak hu mbang tui bruk daong jien pah sang tui Sarak 08 di Thủ tướng

Pan akaok Mbang nyaom ka 3 di Ủy ban Pakat negar ka bruk salih số piah taong yaom bruk salih số 6 bilan akaok thun ini saong brei thau dom jalan langyah, bruk  salih số tukvak anak tal hu peih tabiak di dah page ini (8.8) di jabat rajaei, Thủ tướng rajaei Phạm Minh Chính brei thau lac, bruk di Ủy ban pakat negar ka salih số lac biak trak damak. Khol drei njauk pato tacei jalan, peih ngak dom sarak piah jhul patagok bruk salih số pakat negar, pambuak biak catang haong bruk salih bahrau hành chính; padang ngak, cak rok patagok Rajaei tui jalan online, rajaei số, kinh tế số, xã hội số saong đô thị bahrau; ba mbuan lagaih ka bruk peih ngak Cách mạng công nghiệp mbang ka 4 di Việt Nam.

Kuhria tal harei 5/8 di TPHCM hu 21 quận, huyện, ban Thủ Đức hu pasang iek brei ka 9.120 doanh nghiệp gam haong labaih 282.000 urang ngak hu mbang tui bruk daong jien pah sang tui Sarak 08 di Thủ tướng. Min dom puk palei bahrau peih jien daong brei ka 195.600 urang ngak haong yaom jien abih tih jaik 104 tỷ đồng. Ong Nguyễn Văn Lâm, Phaok Yam ndok Sở LĐTBXH TPHCM mboh lac, bruk nộp saong pasang iek harak gar di dom puk palei daok suai damuai, abih di nyu lac bruk xác minh urang ngak ba tal bruk peih jien suai damuai.

Dalam dom harei tapa, yaok harei dalam taneh ia jeng hu labaih 2.000 urang njauk Covid-19, dom urang ruak trak njauk suak yava meng oxy jeng tagok. Tui yaok pataom di Mintri Y tế, meng harei 31/7 tal 6/8, dom urang njauk ruak tagok labaih 12.600 urang, dalam nan hu rilo urang njauk ruak gilac veik. Tui akaok Mintri Y tế Đào Hồng Lan brei thau, dom urang njauk ruak daok tagok gilac saong tui kuhria meda daok tagok, meda ngak brei tapa prein gah y tế. Kayua yau nan ye, Mintri Y tế kakei lac, bhap bini njauk klauk ginup mbang vaccine piah patrun bruk mbuan tamuh tabiak veik jit Covid-19.

Tỉnh Đồng Nai bahrau hu gac 1 urang metai kayua pandiak tabiak darah eng drei taong ruak di sang. Urang ruak lac kumei, umo 25 thun, daok di xã Bắc Sơn, huyện Trảng Bom. Harei 6/8, urang ruak hu ba tame tuk baoh hatai oh daok chat, pandiak tabiak darah trak harei ka 4, having akaok, nhiễm trùng, nhồi máu cơ tim cấp. Dom bác sĩ hu panuac kakei bhap bini, tuk urang ruak pandiak glaong dalam rilo harei, tabiak ban, pandik talang talaih… njauk nao tal labik y tế chuyên khoa piah taong ruak. Meng akaok thun tal ini, tỉnh Đồng Nai hu labaih 16.400 urang ruak pandiak tabiak darah, dalam nan hu 15 urang metai.

Meng akaok bilan 7 tal urak ini, langik di tỉnh Trà Vinh hu hajan rilo ngak ka ia sarau kadhau ba tal jit ruak di hadang raong, ngak ka labaih 300 ha raong hadang njauk khat lahik. Jaik abih dom hadang raong njauk khat lahik kayua ruak phân trắng, đốm trắng, bhong rup saong khut gan tụy. Tui kuhria meng urak ini tal puac thun jeng hu hajan rilo, mbuan rahtabiak jit ruak di hadang. Kayua yau nan ye, dom sang raong hadang hu cap mek hadang pablei bloh, tuk raong veik brei ngak  hacih danao raong njauk ilamo piah khik salamat meng palao drei pajaih.

Meng dom kham merat, gam haong bruk daong abih drei di 117 urang hu rilo ilamu mai meng Mexico haong Venezuela, pui khuah di 2 danao padang xang menyek di Cuba daok pasang iek hu saong oh ka mbang tapa danao padang xang meyek ka 3. Urak ini Cuba jeng daok caong hu rilo jang bruk daong di dunya piah meda pacang hu abih saong padam hu pui khuah praong ini. Mintri Y tế Cuba brei thau, 1 dalam 17 lin padam pui lahik hu duah mboh tau; 122 urang karei njauk rambus, dalam nan hu akaok mintri Năng lượng saong Mỏ. Jaik 5.000 urang daok jaik nan hu ba nao labik karei siam mekre salamat. 

Harak padeih cuh kayua Ai Cập dang tabiak pambuak Israel saong Gah Jihad Islam di Dải Gaza camriep hu ngak tui meng melam 7/8 (tui maong di pak ini). Dom urang ngak gah y tế Dải Gaza brei thau, hadei di 3 harei rahtabiak bruk mesuh ngak ka 41 urang Palesitne metai, dalam nan hu 11 uranaih saong 4 urang kumei, dalam tuk 311 urang karei njauk rambuac, rilo sang danaok njauk palai tayah.

Hu 9 urang njauk rambus dalam mbang cuh phao di pasak ban Cincinnati, bang Ohio, Mỹ tuk mesup harei 7/8 (tui mon pak nan). Cảnh sát ban Cincinnati brei thau, takik di abih hu 2 urang cuh phao, ngak brei cảnh sát njauk cuh phao piah pacang veik. Urak ini, cảnh sát daok duah menuac cuh phao, saong hu panuac ieu bhap bini daong piah pacang cakak bruk pandar phao ndao piah langyah dom bruk meriak gauk./.

Urang lang: Thu Thao & M. Phuong – 08/08