Biar harei 22-8, labaih 200 sang bac dai hoc gam gam brei thau tanut chuan njauk pilih ruah hadei tuk halang bruk oh hu biak 10 mbang. Bruk anek saih tut angan ka biak rilo caong takre ngak ngak ka bruk oh hu biak tagok rilo, ba tal bruk brei mboh tanut chuan gaok rilo kan kandah. Kuhria di Mentri Pato Megru brei mboh hu jaik 850.000 anek saih hu tut angan pilih ruah, taong abih caong takre tagok tal labaih 7,6 trieu, kuhria rah tapa yaok adei tut angan jaik 9 caong takre. Ini lac tanut glaong abih dalam 5 thun ini mai, dui tui bruk oh hu biak dalam bruk pilih ruah tagok glaong.

Pahadar 80 thun harei Cach mang Bilan 8 saong Quoc khánh 2 -9, TPHCM birau peih bruk parang iek thaok binguk ngan haong kadha “Meng samar doc lap, yasa taneh ia tal samar uak drei patagok di bangsa taneh ia”. Njauk ndem tal bruk parang iek yaih khan dom bruk jak jeng hadei 50 thun harei peih paha gah Meraong negar, yasa taneh ia di taong abih gah. Thaok binguk, harak tu lieu prang iek brei mboh “TPHCM khang hatai pamong tal samar birau” dalam nan hu TPHCM, tinh Binh Duong saong Ba Ria - Vung Tau (klak) yam tame samar birau.

Jeng di bingun ini, tinh Gia Lai brei peih danak dak ilamo bui me-in. Dalam nan hu Raya “Gheih ghang Ceik glai – Tasik pataom” rah tabiak di melam 29/8 di Mblang bein Nguyễn Tất Thành (phuong Quy Nhơn), pagam haong mbang cuh phao bangu biar. Meng 29/8 tal 2/9, phuong Quy Nhơn jeng sa labik peih raya hu rilo danak dak chreih chrai: raya tanrak hadah, harei ilamo kophi saong kong caing Tay Nguyen, raya adat ndap nda kaya mbang pagam hoang parang ndap nda OCOP saong palei ngak bruk bhap bini meng kal mai…

Urang ngak nong palei bingu Sa Đéc (tỉnh Đồng Tháp) daok trun pajaih bingu pala di phein, piah caga pablei Tet Thun Athaik Vao - Bính Ngọ. Phok akaok UBND phường Sa Đéc Huỳnh Anh Điền khan lac: “ Karja hu jao ka dom urang jakar pambuak haong mikva piah kuhria iek bruk pala jeng yau bruk pablei bingu. Caong khin mai kein laba glong abih ka urang pala saong rik daong hu jak jeng siam mekre ka Festival Hoa - Kiểng Sa Đéc mbang ka 2 jeng ye Tet Nguyen dan thun 2026”. Kuhria abih tih taneh pala bingu kieng dalam phuong hu jaik 1.000 ha, duh ka darak pasar saong pablei tabiak negar langiu.

Yaom pabui patui veik meng 1.000-2.000 dong/kg, di Ban raya Ho Chi Minh, Dong Nai, Tay Ninh saong dom tinh labik gah Meraong hu yaom meng 61.000-62.000 dong/kg. Dut hoang meng kreh thun, yaom pabui hu trun labaih 20.000 dong/kg. Dalam tuk nan, Chi cuc Raong glang saong Pala di Ba Ria – Vung Tau (daok dalam So Ngak nong saong Alam langik Ban raya Ho Chi Minh) bahrau duah mboh hu 2 labik tamuh jit aih caraoh pabui chau Phi di xa Long Hải saong xa Xuân Sơn.

Sa roh duah di dunya birau ba tabiak khan lac njom COVID-19 meda jhuk pasamar taha rah darah dahlau 5 thun, abih di nyu lac urang kumei. Bruk nan kayua njom COVID-19 ngak rak darah huan cadu yau nan ye suai katang, meng nan ngak mbuan ruak baoh hatai trak yau ruak darah tagok baoh hatai saong dot quy. Tui dom urang roh duah, tapa nan daong ka bac si taong yaom mboh saong tui iek ruak baoh hatai ka dom urang ruak COVID-19, abih di nyu lac urang kumei saong dom urang hadei ruak COVID-19.

Pasak Roh duah Jalan ngak saong Dunya bahrau ini ba tabiak sa pathau khan lac, Trieu Tien hu sa labik bol lin kandauk – labik meda hu tal 9 ten lua dan dao lien luc dia meda hu ba akaok dan hat nhan saong dom labik cuh ten lua – daok di labik tapen negar atah Trung Quoc 27km. Tui pathau khan, labik ten lua Sinpung-dong meda lac bruk gham hat nhan ngan haong My kayua dom labik cuh ten lua di labik ini meda panduan samar drah tal dom labik karei bo kan maong mboh hu.

Meng bilan 7 thun 2024 tal bilan 6 thun 2025, taneh ia Anh hu 111 ribau harak likau ti nan, tagok 14% dut saong tukvak ini thun dahlau. Ini lac taka glong abih kuhria meng thun 2001. Dalam tuk camereip ngak bruk di Thủ tướng Anh Keir Starmer lac urang yam tapa Eo tasik Manche meng gilai sit piah tame negar Anh suan hukum tagok tal 50 ribau urang.