Mentri Jalan mbak brei thau, danak dak pok paglong labik kreh dom tatua jalan radaih nao tapa kraong ia dalam negar – vaktu ka 1 ( gah Meraong), tui kuhria hu peih ngak di bilan 9. Danak dak meda ngak birau 9 tatua, pasiam sa baoh tatua saong yak 1 tatua tapa dom jalan kraong dalam negar, piah pasiam jalan mbak  dalam bhum Taneran kraong Cuu Long, piah hu siam mekre samu gauk ka bruk pajeng ba  angaok jalan kraong. Danak dak  hu yaom jien buh tame ngak abih tih labaih 2.155 tỷ đồng, tui kuhria hu padang ngak dalam thun ini, saong hu ngak salah di thun 2025.

Urak ini yaom ralow pabui di tỉnh Tiền Giang daok biar, meng 4 triệu 700 tal 4 triệu 800 rabau đồng sa tạ. Dalam tuk nan pandap mbang raong athur tagok glaong nan ye urang raong glang khat trak. Kayua yaom pabui trun, yaom pandap mbang tagok, nan ye rilo menuac oh raong veik ngak ka tapon pabui gam gam trun. Thun 2019, abih tih tapon pabui di Tiền Giang hu jaik 500 rabau drei, urak ini trun daok 295 rabau drei; dalam nan hu jaik 30% tapon pabui raong tui jalan salamat sinh học. Chi Cục Raong glang - Thú y tỉnh Tiền Giang hu panuac kakei urang raong, piah plaih khat lahik, njauk pambuak gauk raong, pambuak gauk blei di labik praong, pablei hu harak pambuak bruk.

Tỉnh An Giang daok padang rilo kapol ngak bruk piah pasang iek, pacang saong langyah bruk pacang lahik cuah di dom kraong Tiền, kraong Hậu. Dalam nan, pataom tame khik iek, pasang iek hlau cuah di kraong daok dak harei dak takik, brei dahlau ka dom danak dak hu makna praong pakat negar yau: Danak dak jalan plaik Ban  Long Xuyên; jalan peih drah samar Châu Đốc - Cần Thơ - Sóc Trăng...Dalam nan, gah chức năng brei pandar sumu gauk dom jalan pacang saong langyah catang dom bruk ngak suan hukum ka chap mek, pablei salih, pajeng ba, pablei cuah tabiak negar langiu, rik tame ngak brei lagaih, sumu gauk dalam bruk ngak tabiak, pablei salih di bhap bini...

Dom harei tapa, dom uranaih ruak meng dom tỉnh ban miền Tây mai Sang iek ruak Nhi đồng ban Cần Thơ iek dom ruak jalan suak yava biak rilo. Yaok harei, sang iek ruak hu jaik 1.900 uranaih ruak mai iek ruak, rilo jang jaik 20% duk haong 2 bilan dahlau. Jaik abih dom uraniah tame sang iek ruak jeng mboh pandiak glaong, patuk, sraiy, nduac ia dhung. Langiu di nan, dom ruak pandiak tabiak darah, ndaih baoh ia, quai bị jeng mboh hu rilo. Tui panuac khan di dom bác sĩ, ini lac bruk bhian mboh di tuk salih bilan. Min rilo amaik ame jeng daok takik caik hatai sangka, eng drei blei jru mai brei ka anek menyum, ngak ka rilo uraniah ruak tame sang iek ruak tuk ruak daok trak tagok.

Urak ini, tỉnh Bình Thuận hu caga blaoh blai ka sa Thun Dulit pakat negar 2023 ngan haong bruk praong lac peih pakak di harei 25/3 di Phan Thiết. Ngan haong kadha “ “Hội tụ xanh” ndung bak makna di rilo ilamu siam gheih karei, bruk pataom di langik taneh riya saong hatung hatai di bhum taneh Bình Thuận ngan haong dom thaok binguk biak gheih, harei jum pataom ilamu biak gheih, gam haong bhap bini salut mbut, tapak tapaiy ngak brei tuai damuai  dalam saong langiu negra oh var hu.  Bruk pamong tal di Bình Thuận  nan lac pachreih hu labaih 6,7 trieu mbang tuai damuai, dalam nan hu labaih 200.000 mbang tuai dunya dalam Thun Dulit pakat negar 2023.  

Trung Quốc hu tabiak Tapuk mbong patih ka "Khik ramik mạng iek tui adat hukum di Trung Quốc dalam tukvak bahrau”.Tapuk mbong patih hu ndom tal bruk Trung Quốc daok jhul patagok bruk pandar dom công nghệ bahrau abih, yau ye dữ liệu praong, điện toán đám mây, trí tuệ nhân tạo dalam jalan ngak adat cambat, thi hành án, hành chính tư pháp. Tapuk mbong patih jeng brei thau lac meng thun 2019, Trung Quốc hu pasang iek labaih 3 triệu ứng dụng di động, ieu kakei atau brei klaak labaih 3.000 ứng dụng ngak suan.

Rajaei negar Anh, Mỹ, Prang saong Đức ndom lac dom taneh ia phuong Tay oh siam veik talei pambuak bruk haong Syria mbiah tal tuk halei duah tabiak hu sa jalan chinh tri ka bruk mesruh gauk di taneh ia ini. Pak taneh ia ini brei panuac lac hu brei tabiak bruk mien bruk daong chip ngan hong dom sarak taong phạt  di pak taneh ia nan, piah ba mbuan lagaih la bruk brei daong ngak pahala saong caga bala  tal dom labik gaok kan kandah kayua bala megei baoh taneh. Yau nan min, oh lac bruk nan, jalan taom gaok di pak taneh ia nan ngan haong Sirya oh hagait karei.

Anak bruk mbuan trun daok takik dom cá heo, rajaei Campuchia daok ba tabiak dom adat catang jang dalam bruk brei takik taong cap ikan angaok kraong Mekong piah patrun patakik dom cá heo metai kayua gam tavak tame halam njul. Dahlau nan, di puac bilan 2 meng bloh, Thủ tướng Campuchia hu tabiak adat bahrau piah padang dom labik pakauk taong cap ikan. Dalam dom labik khik ramik nan, dom menuac pandar lưới rê meda njauk 1 thun guk, taong cap meng điện njauk 5 thun guk. Di labik khik ramik vil val palei Kampi, 24 urang khik iek hu mbaok luac harei melam di sa labik kraong praong 22km2. Rilo menuac sia dalam palei diuk meng bruk du lịch jeng mboh duh hatai tuk dom cá heo angaok kraong Mekong dak harei dak takik nao./.