Tui UB salamat jalan mbak pakat negar, dalam 9 bilan tapa, gah cảnh sát jalan mbak hu pasang iek, langyah hu labaih 3 trieu mbang urang ngak suan hukum jalan mbak taong phạt jiak 6.000 tỷ đồng; mek veik labaih 600.000 harak ba-ar peih radaih, chung chi chuyen mon, khik labaih 1 trieu radaih yaok janih. Dalam negar  hu labaih 8.100 urang metai kayua bala angaok jalan mbak. Dom bala angaok jalan mbak biak trak, ngak metai saong rilo urang njauk rambuac.

Tui Sở Y tế TP.HCM yaom lac mbuan njom ruak Marburg tame TPHCM oh glong, min meda ruak rah tabiak. Gah Y tế Ban raya brei peih ngak dom jalan pakhang bruk tui iek urang tame negar  mai meng dom bhum hu jit ruak saong pachreih bhap bini yau nan brei takik bruk nao mai rivang ma-in oh khin hu di dom taneh ia daok hu jit ruak. Tui gah Y te Dunya, mbiah tal ini hu abih tih 58 urang ruak kayua virut Marburg, dalam nan hu 13 urang metai.

Jabat chức nang ban Vị Thanh, tỉnh Hậu Giang hu brei mboh, ngak cambaic laic bruk urang kumei  umo 6 thun njuak amaik jeng taong paoh rilo mbang jeng laka. Dahlau di nan, melam 13/10, bhap bini khan brei karja thau bruk kamuan T umo 6 thun amaik taong paoh di sa bilik daok trọ pak ban Vị Thanh. Tuk gah chuc nang tame pasang iek  dut bilik trọ saong ngak bruk haong Nguyễn Thị K – maik di T.ye hu thau lac dom harei tapa, Nguyễn Thị K taong meng tangin, gai kreim la-a, khaoh juah, tamo taong kamuan. Gah chuc nang  mboh  prein yawa kamuan T oh siam, dang tagok  saong daok ala trun mboh kan daman, angaok rup rilo labik bram njuk.

Bhap bini tỉnh Long An haduh hatai tuk taneh ngak padai praong labaih 10 ha di puk 2, xã Tân Đông, Huyện Thạnh Hóa saong jalan nao mai jaik nan jeng danao ia dauk dalam labaih 20m. Urak ini, danao ia nan hu ikan yau nan ye bhap bini bhian mai laih halam njol. Karja palei brei peih ngak jalan  karei piah duh ka bruk nao mai di mikva. Urak ini thanh tra Sở Tai nguyen – Moi truong Long An, daok brei pasang iek labik bo bhap bini khan brei thau. Camereip  hu mboh, bruk kuac mek taneh  pajeng nao labik karei  rah tabiak dalam tukvak suai lavik, di rilo mblang taneh…yau nan ye Thanh tra Sở  daok patui ngak brei cambaic laic piah ginup langyah catang njauk tui hukum karja.

Mbang ia ndik  di kreh bilan 9 tui saka ia bulan, metah bilan 10 saka ia harei hu mboh dalam dom harei anak tal tabung ia ndik glong mbuan ba tal dauk ia ralo labik di bhum taneran kraong Cuu Long. Dalam dom harei anak tal tabung glong ia ndik  di dom kraong ribaong  di Ban Cần Thơ tagok glong sang tapa tanut pakat III ( lac 2 m) ini lac mbang ia ndik glong yam tapa tanut pakat III, ia glong meng 0,18 - 0,28m. Daok di tỉnh Tiền Giang, ia di gah ala kraong  Tiền  daok tagok samar meda ngak duak dom labik dhong, tapen kraong. Kayua yau nan ye, jabat chuc nang  caong khin brei peih kareik dom pabah kraong ribong ka lagaih piah piah pacang caga  khik phun pala saong raidiuk bhap bini di bhum taneh biar tapen kraong, ribaong saong dom jalan dalam ban sit.

Cục ngak nong doi ngoại  (eiw katut lac FAS) di Mentri Ngak nong Mỹ kuhria mboh dahlau brah blei tame di Philippines meda tagok. Tui kuhria mboh dahlau thun ini brah blei tame  di Philippines meda tagok kayua taneh ia ini blei brah di Viet Nam. Mbiah tal thun 2025, kuhria mboh dahlau Philippines meda tagok bruk blei brah tame 4,9 trieu tan kayua yuak padai takik jang meng dom labik ngak padai dalam negar. Dom brah nan, Philippines patui nan lac taneh ia blei brah tame rilo abih di dunya.

Mentri Y te Zimbabwe hu dua urang urang akok meti njom ruak đậu mùa khỉ, min oh khan cambaic lac bien the anek ruak halei. Urang kaok meti lac sa urang kumei umo 11 thun, hu dom ruak di bilan 9 hadei tuk nao rivang ma-in tal Nam Phi. Dalam tuk nan, urang ruak ka dua lac urang likei umo 24 thun ruak hadei nao rivnag ma-in Tanzania. Dua urang ruak hu siam gilac saong bruk duah urang taom urang ruak hu peih ngak.

Takik di nyu 12 sinh vien metai saong 33 urang karei njuak rambuac dalam mbang bala jalan mbak biak trak rah tabiak biar harei 14/10 di bhum Đông Bắc Ai Cập. Hadei tuk bala rah tabiak, urang jakar Ai Cập hu ba 28 sruh radaih mai daong pajeng dom saih bac  nao tal dom labik iek ruak. Tui rayo papar binguk di pak ini, bala nan kayua urang peih radeih  bus peih drah samar. Ai Cập lac sa dalam dom taneh ia rah tabiak rilo bala ngaok jalan mbak di dunya.