
Mentri Kong an khan lac, hadei 7 harei peih bruk duah thau panuac bruk sahaneng ka asar kadha di Hukum, tapa ung dung VneID, hu jaik 745.000 urang, ngan haong labaih 4 trieu 3 rituh ribau mbang brei panuac caong khin tame du thao. Dom bhum palei hu rilo bhap bini brei panuac lac: Bà Rịa - Vũng Tàu, Hải Dương, Điện Biên, Hà Nam, Nam Định…Daok di , dom tinh, ban hu bhap bini brei panuac takik lac: Thanh Hóa, Bình Định, Bến Tre, Cà Mau, TP.HCM…
Mbiah tal ini, 3 tinh, ban lac TP.HCM, Bà Rịa-Vũng Tàu saong Bình Dương hu dak padang Danak dak ramik jabat hanh chinh pakat xa saong pok tagok Ban Thuong vu, BCH đảng bộ; peih bruk duah thau hatai sahaneng di bhap bini, pok HĐ bhap bini saong ngak salah ho so harak gal pok tagok Rajaei njauk tukvak ba tabiak. Hadei tuk pagam tame, kuhria abih tih dom jabat karja pakat xa di TPHCM birau 168. Tui danak dak, jabat chinh tri - hanh chinh di TPHCM saong hu veik 2 labik di Bà Rịa-Vũng Tàu saong Bình Dương piah tani tanat bruk ngak di karja tukvak birau ramik.
Tukvak tapa, tinh Binh Duong samar peih ngak sumu gauk, kham merat, pamong tal bruk ngak brei oh daok baoh sang taik tahak dahlau harei 30 bilan 6 anak tal. Mbiah tal ini, tinh hu padang ngak blaoh saong ramik pasiam 335 dalam taong abih 470 baoh sang. Dom bhum palei ngak salah siam danak dak ini hu ban Dĩ An, ban Tân Uyên. Mbiah tal bilan 5, tinh jak ba hu jaik 31 ti dong, hu parabha sumu tal dom bhum palei, đơn vị piah peih bruk dak padang, ramik pasiam sang daok ka bhap bini.
Thun bac 2025-2026, TPHCM hu labaih 76.400 anek saih pakacah tame tal bac 10, 5.550 anek saih tut angan pakacah tame tal bac 10 chuyen saong jaik 1.200 anek saih pakacah tame tal 10 tich hop. Dalam ban raya thun ini hu labaih 88.200 anek saih tamat THCS, tanut palih ruah tame tal bac 10 lac labaih 70.000, meblah jaik 80%, rilo jang thun dahlau. Mbang pakacah tame tal bac 10 di karja thun ini di TPHCM meda peih tabiak dalam dua harei 6 saong harei 7 bilan 6.
Ia mbak di huyen Long Mỹ, tỉnh Hậu Giang yaom lac mboh trun dut saong dom harei dahlau min daok di tanut glong, hu labaih jaik 10 angaok tha ribau. Tui Rayo kuhria langik tasik tinh Hau Giang, urak ia mbak tui ia tasik ndik gah Pei angaok kraong Ngan Dừa, xã Lương Nghĩa, huyện Long Mỹ meda daok kan kandah tal tinh yau nan ye bhap bini saong dom bhum palei daok jaik kraong ini njauk brei hu jalan ngak pacang caga ia mbak, khik phun pala, athur raong hu siam.
Dom radaih ndien peih nduac ala taneh di ban ine Moscow, Nga thun ini bak 90 thun padang tabiak. Yaok harei, hu yaok trieu urang di ban 13 trieu bhap bini mai 302 sang labik ndik radaih ndien, palih ruah sa dalam 16 radaih ndien piah nao tal labik ngak ngak bruk saong sang bac. Dom radaih ndien di Moscow hu taong lac bruk biak gheih karei di seni kien truc, hu rilo ga radaih ndien praong siam. Jaik abih danieng hu cih thaot biak mekre meta, thaok binguk ngak meng kareih, thaok binguk pagam meng randaih, dom rup patau sarak.
Bol lin Pakistan khan lac hu 40 bhap bini saong 11 urang lin metai di adit dahlau dalam bruk mesruh metak kan kandah abih di An Do dalam dom pluh thun tapa. Dua taneh ia jaik taphia hu vu khi hat nhan ini patuh phao taong gauk dalam 4 harei, bruk kan kandah di Ấn Độ - Pakistan catang tagok jeng mesuh metak kalin kan, dahlau tuk Tong thong Mỹ Donald Trump iew padeih cuh kayua Washington dang kreh ngak bruk.
Oh lac kham ngak brei takik taong kalin saong brei padeih cuh di dunya, bol lin Israel peih tabiak rilo mbang mesruh kalin khang tame dải Gaza, ngak takik di nyu 25 urang metau saong yaok rituh urang karei njauk rambuac. Bol lin Israel peih veik bruk taong tame khang di dải Gaza di harei 18/3 meng blaoh, piah chap Phong trao Hamas kadun veik bruk chap mek manuac kareik./.
Viết bình luận