Akaok Quốc hội Vương Đình Huệ hu mbaoh tangin brei tabiak sarak

Lambaok Ủy ban Thường vụ Quốc hội (TVQH), Akaok Quốc hội Vương Đình Huệ hu mbaoh tangin brei tabiak sarak ka : 499 di Ủy ban TVQH mbang 15 ka bruk tangi sua di mbang nyom ka 9. Sarak ba tabiak bruk lac: khik ramik siam mekre, an ninh năng lượng, tuk halei jeng caga ginup xăng, menyek piah pablei. Gam song nan, ngak salah harak gar pok tagok Quốc hội danak dak hukum taneh riya (pasiam veik), Hukum palei salih taneh riya sang danaok (pasiam veik) song dom hukum hu pagam tal khik ramik bruk chính trị, ka nyu lagaih song urak ni piah yasa dalam bruk ramik veik dom bruk ka taneh riya.

Ngak tui Sarak ka 08 harei 28/3/2022 di Thủ tướng Rajaei ka bruk peih ngak sarak daong jien pah sang ka urang ngak, urak ini, gah BHXH Việt Nam hu caga blaoh menuac ngak, salih bharau jalan ngak harak gar, pandar công nghệ thông tin piah taduan mek, brei thau bruk blei BHXH di urang ngak piah taduan pok jien daong ini hu samar di abih.

Urak ini, jit ruak covid-19 di 2 tỉnh Tiền Giang, Bến Tre jeng dok di tanut glong. Njauk caik hatai lac jit ruak njom mbak samar dalam sang bac. Rilo anek saih njauk njom ruak mai sang pambak ka amaik ame song gauk gar dalam sang. Urakni , dalam tỉnh Bến Tre hu urang F0 hu pagam tal sang bac jiak 16.000 urang. Sở Y tế tỉnh Tiền Giang brei thau, dalam tỉnh Tiền Giang dok di pakat 2 (bhum katam); hu 10 dalam 11 huyện, ban sit sdi pakat 3 (bhum kanyik), di ban Gò Công di pakat 2 (bhum katam).

Sở Ngak nong saong patagok palei pala tỉnh Bình Thuận brei thau, dom gah padang ngak ar tasik daok pataom menuac ngak, pandap panda, jamriak mac moc piah jhul samar bruk padang ngak, samar pasiam bruk glut jaleih takai tasik dak harei dak trak damak. Danak dak ar pacang glut jaleih takai tasik phường Hàm Tiến, ban Phan Thiết atah 640m, hu ngak haong yaom jien abih tih 45 tỷ đồng. Tal urak ini, ngak hu blaoh 120m takai ar, labaih 80m tabung tauk.

Tui sarak di 2 mintri Công Thương haong Tài Chính, meng tuk tame harei 01/4/2022, xăng E5RON92 trun 1.021 đồng/sa lít dut song yaom urak ni, daok  27.309 đồng/sa lít; xăng RON95-III trun 1.039 đồng/sa lít, glong di abih lac yaom 28.153 đồng/ sa lít. Jeng tui sarak ni, menyek diesel 0.05S tagok 1.447 đồng/sa lít, yaom bahrau lac 25.080 đồng/sa lít. Langiu di nan, menyek gaih tagok 1.519 đồng/sa lít, lac yaom  23.764 đồng/sa lít song menyek mazút tagok 506 đồng/sa kg dut song yaom urak ni. Piah hu yaom yau nan, meng hu je khik ramik môi trường hu Ủy ban Thường vụ Quốc hội brei adat trun meng 700-2.000 đồng/sa lít/sa kg tui janih.

Rajaei Mỹ harei kabroi (31/3) brei thau, Mintri Pablei salih Mỹ dalam dom harei tal meda ba tabiak rilo jang dom bruk taong phạt pamaong tame gah quốc phòng, jalan par angaok langik haong jalan tasik di Nga, gam haong nan pabak tame 120 urang di Nga haong Bêlarút tame harak angan taong phạt. Bruk taong phạt nan meda pacang Nga blei công nghệ di phương Tây saong kan nduac dauk hu dom bruk taong phạt khang. Nhà Trắng jeng hu panuac lac Gilang pariak negar Nga tagok yaom jien Rúp oh njauk.

Bol bala Nga hu jao bruk pasang iek sang mac điện hạt nhân Chernobyl ka gah Ukraine song daok tabiak truh hadei di sa bilan khik iek. Dalam tuk nan, bruk mesruh gauk jeng dok rah tabiak di Kiev song dom labik karei karei .Bruk ba bol lin tabiak hu rah tabiak dalam tuk mintri Quốc phòng Nga brei patrun sit veik chiến dịch di dom gah Kiev song Chernigov, gam song nan ba lin tabiak truh dom mblang mesruh.

Abih tih 41 taneh ia daong brei hu sanya labaih 2,44 tỷ đôla, (bahrau samu meteh pok jien 4,4 tỷ đô la) bo Liên hợp quốc ieu daong ngak pahla ka Apganixtan. Panuac ieu daong hu ba tabiak dalam tuk dunya daok suh sah ka bruk Taliban oh brei uranaih kumei nao bac phổ thông trung học. Kadung jien uranaih Liên hơp quốc (UNICEF) kuhria mboh lac 1 triệu uranaih Apganixtan njauk lavang lavaih trak daok mbuan metai, meyah oh hu daong brei chip./.

Urang lang: M.Phuong – Hani Pha – 1/4