Mintri jien padai ieu kakei doanh nghiệp bảo hiểm njauk langyah biak catang dom đại lý bảo hiểm eng drei salih karei dom khau tin hu ndem tal dalam harak yaih khan pandap ba tal bruk urang blei njauk maluk. Cục khik ramik, pasang iek bảo hiểm (di Mintri Jien padai) hu mbang ngak bruk haong urang labaok di dom doanh nghiệp bảo hiểm ka bruk khik ramik chất lượng bruk ngak di đại lý bảo hiểm saong chất lượng di bruk sangka tal urang blei. Cục khik ramik, pasang iek bảo hiểm hu ieu kakei dom doanh nghiệp bảo hiểm samar drah, sami samar pasang iek gilac veik abih tih dom jalan pablei salih saong taong yaom veik di doanh nghiệp, jalan ngak di dịch vụ urang blei hu tani tanat ngak njauk tui dom adat di hukum.

Sở Jalan mbak Pajeng ba TP.HCM bahrau hu harak samar payua tagok UBND TP, caong likau pabak danak dak cao tốc TP.HCM- Mộc Bài tame angan danak dak praong di taneh ia. Bruk caong likau ini piah hu pachreih daong phun jien meng kadung jien pakat negar peih ngak danak dak saong jhul samar tukvak buh jien ka danak dak.  Jalan cao tốc ni tuk ngak salah, nyu patagok hu bruk pambuak Bhum Đông Nam Bộ, Bhum Kinh tế praong gah Meraong haong gah kinh tế Đông - Tây, lac jalan radaih katut panak di abih pambuak TP.HCM haong Campuchia tapa pabah mbang negar pakat dunya Mộc Bài.

Huyện Định Quán, tỉnh Đồng  Nai  daong 35 triệu đồng sa baoh sang urang taong cap ikan salih bruk ngak. Dom urang taong ikan padeih bruk, pandap panda taong cap njauk pakauk dalam bruk taong cap ikan di kraong Trị An, di labik Định Quán meda hu daong piah salih bruk ngak. Dalam mbang ka 1 ini, Định Quán hu 187 baoh sang ngak bruk lưới te saong ngak bruk “lợp xếp” hu daong salih bruk ngak. Dom urang taong ikan hadei di tuk taduan hu jien daong salih bruk ngak njauk padeih bruk, pandap panda taong cap ikan njauk pakauk dalam tỉnh Đồng Nai.

Urak ini tỉnh Tiền Giang daok samar ba tabiak ngak dom jalan pacang caga haong ruak Covid-19 daok mbuan tamuh tabiak veik. Meng akaok thun tal ini, dalam tỉnh hu 35 urang njaom Covid-19 tapa test samar kháng nguyên dương tính saong oh hu meuac metai. Urak ini dalam tỉnh hu 04 urang ruak Covid-19 daok taong ruak, dalam nan hu 01 urang ruak trak daok taong ruak di Sang iek ruak Đa khoa tỉnh Tiền Giang.  Sở hu tabiak jalan ngak, ramik veik dom papan ndih iek ruak di dom tal taong ruak, dalam nan hu 220 papan taong ruak ka urang ruak tal 3, hu ramik caga di 4 sang iek ruak dalam tỉnh.

Bier harei kabroi (17/4), urang pan akaok Gilang paraik kanja dhar Bình Dương brei thau, gilang pariak njauk blah Sacombank Bàu Bàng hu peih ngak gilac veik. Menuac blah di Bilik giao dịch Gilang paraik Sacombank Bàu Bàng, ban sit Lai Uyên, huyện Bàu Bàng, tỉnh Bình Dương) lac N.T.P, umo 23 thun, daok di phường Thành Tâm, ban sit Chơn Thành, tỉnh Bình Phước. Jalan pandiak kabroi, P. tame gilang paraik saong par phao kateik gheih, ieu urang ngak ba jien tabiak. Cang tuk ja blah oh caik harai, urang khik gilang paraik  kareik pabang, gam haong urang ngak saong 2 urang tuai cap khik P. Dalam tuk daok taong pah gauk, P. hu cuh 2 siu mai gah urang likei khik gilang paraik min patuah saai ini njauk rambuac hanjul. Sa urang kumei ngak dalam gilang hadei di tuk hu mbaok tame pacang khik urang ini jeng njauk rambuac hanjul saong var drei.

Anak bruk srau kadau khang di Xu-đăng ngak ka jaik 100 urang metai, Liên minh châu Âu bahrau hu panuac ieu padeih chip bruk pamaoh gauk, taong paoh gauk di taneh ia châu Phi ini. Liên minh châu Âu mboh lac, dom gah brei padeih bruk pamaoh gauk, ngak brei patrun bruk daok catang, iek praong bruk nhân đạo dunya saong khik caga rahra.  Liên minh châu Âu pok meyaom yaok kham merat piah daong ginum biai, langyah saong jhul patagok bruk patui jalan dân sự di Xu-đăng.

Dom urang ngak praong di Mintri Ngoại giao saong Quốc phòng dua taneh ia Nhật Bản saong Hàn Quốc bahrau ginum biai di ban ine Seoul  (Hàn Quốc), peih tabiak veik bruk ndem mayai nao mai an ninh mbang camriep dalam 5 thun tapa. Dahlau di nan, mbang ndem mayai nao mai an ninh di dom urang kanja Ngoại giao saong Quốc phòng di Nhật Bản saong Hàn Quốc hu njauk padeih meng di thun 2018. Dalam sa pathau khan bahrau ba tabiak harei kabroi, Mintri Ngoại giao Hàn Quốc pathau khan lac, dua gah taneh ia ini tui kuhria lac pataom tame ginum biai ka bruk an ninh di Đông Bắc Á jang yau di kaoh pulao Triều Tiên, pambuak di dua gah ka an ninh quốc phòng saong dom kein lagaih karei.

Dom menuac njauk bahrau Covid-19 di  Philippines daok tagok veik haong 20 urang metai bahrau ini. Mintri Y tế Philippines brei thau, dalam adit blaoh, Philippines hu 2 rabau 380 urang njauk Covid-19, kuhria rah tapa, yaok harei hu  340 urang njauk bahrau. Dom urang njauk ruak bharau Covid-19 tagok 23% duk haong adit camereip di bilan 4/2023. Adit blaoh, Philippines khan lac mboh hu dom urang ruak njauk biến chủng phụ di Omircon lac XBB.1.9.1, hu gah Y tế dunya dak tame angan “biến chủng njauk tui iek”.