Di var ginum biai Rajaei bilan 3, peih tabiak di melam 3/4, javap calei panuac tangin sua di gah ngak mbao ka jalan langyah ka dom urang pandar laik phone tut angan meng CMND, min oh ka pabak CCCD dalam cơ sở dữ liệu negar,  Thứ trưởng Mentri Thong tin saong Truyen thong Nguyễn Thanh Lâm brei thau: Dom laik phone hu tut angan meng CMND meyah hu khaw tin ginup tui bruk ba tabiak njauk brei pandar. Gah mạng brei pasang iek dữ liệu dalam cơ sở dữ liệu di gah mạng saong harak gar tut angan di urang pandar phone. Bruk nan gah mạng brei ngak eng, oh kan kandah hagait tal bhap bini.

UBND tỉnh Bình Thuận bahrau brei adat ka Tổng Công ty Cổ phần blei tame, pablei tabiak saong padang ngak Việt Nam saong Công ty Cổ phần buh jien tame saong Kỹ thuật VNCN E&C patui bruk mek haluk tuh ka danak dak ngak jalan cao tốc labik Vĩnh Hảo - Phan Thiết. Hadei di tuk mek ginup taneh  pabak ka danak dak, dua doanh nghiep brei ngak pasiam alam môi trường, kareik pabah mbang mỏ, biyar veik mỏ saong taneh riya ka karja palei khik ramik. Danak dak jalan cao tốc Vĩnh Hảo - Phan Thiết atah labaih 100km. Tukvak urak ini, jalan cao tốc Vĩnh Hảo - Phan Thiết daok kurang labaih 920.000 m3 haluk piah ngak móng, mbaok dom jalan pataom, jalan gar, jalan tagok tatua cầu vượt.

 Pambuak tal bruk phun kayau hijao dalam sang bac THCS Trần Văn Ơn (Quận 1) jaleih, ngak brei 7 urang njauk rambuac di page harei 3/4. UB bhap bini Ban bara HCM tacei ba Sở Pato megru samar pambual haong UBND Quận 1 peih bruk rivang dom anek saih saong urang nao jalan njauk rambuac; duah thau bruk rah tabiak, sang bac THCS Trần Văn Ơn pambuak haong  gah chuc nang  ba dom urang gaok bala nao iek ruak chip, brei urang tame sang iek ruak daong ka manuac njauk bala, gam daong dom urang nan kuhria abih tih labaih 16 trieu dong.

 Dalam tuk gah chức năng saong kanja palei daok kham merat pasiam veik bruk glut jaleih taneh ngak ka 1 baoh sang laik trun kraong saong 10 baoh sang oh hu jalan nao, rahtabiak di gah jalan kraong Đốc Phủ Hiền di ấp Phú Thuận, xã Tân Phú Đông, ban Sa Đéc, tỉnh Đồng Tháp ye hu 2 baoh sang karei  daok mbuan njauk glut jaleih. Urak ini, xã Tân Phú Đông daok jak ba dom baoh sang tabiak truh labik daok njauk glut jaleih, abih di nyu nan lac takik nao mai, ngak mbnag ngak huak di labik ini. Daok labik glut jaleih ngak kan kandah tal 11 baoh sang, kanja palei hu ngak salah bruk taoh talaih dom baoh sang taik tahak saong dom baoh sang njauk glut jaleih piah trun manieng dom kan kandah tal dom sruh gilai daok nduac tapa ini.

 Meng ini tal harei 3/5 anak tal, di Palei Ilamu - Dulich dom bangsa Viet Nam pak di Đồng Mô, Sơn Tây, Hà Nội hu peih ngak dom bruk bilan 4 ngan hoang kadha “ Ilamu dom bangsa Viet Nam” rik daong pachreih tui Harei Ilamu dom bangsa Viet Nam(19/4). Bruk ngak di bilan 4 hu mbaok di labiah 100 bhap bini di 16 bangsa, lac: Tày, Nùng, Dao, Mông, Mường, Thái, Khơ Mú, Tà Ôi, Cơ Tu; Xê Đăng, Bahnar, Gia Rai, Raglai, Chăm, Ê Đê, Khmer saong dom nghe nhan, nghe si, dien vien ba mai ka labik ilamu dom kadha biak gheih. Bruk hu makna praong “ Harei Taneh ia yasa” meda hu peih nyaom darak pasar bhum ceik ngan hoang kadha “Sambo mau  Lào Cai”.

Quốc hội Malaysia hu brei tapa dom salih bahrau adat hukum praong, dalam, hu gam bruk klaak duas ba nao pametai bắt buộc, trun dom duas njauk kaoh tui duas tử hình saong klaak kaoh duas daok guk tal luac rai. Tui dom bruk pasiam veik bahrau hu brei tapa, dom pilih ruah hu salih ka duas ba nao pametai  hu taong havei saong caik  guk meng 30 tal 40 thun. Tukvak daok guk ini meda pandar ka taong abih dom urang njauk kaoh duas daok guk tal luac rai. Daok guk tal luac rai, hu hukum Malaysia brei adat ngan haong tukvak lac 30 thun, meda hu khik tamo. Jeng tui hukum pasiam veik, duas ba nao pametai meda hu klaak ngan haong dom urang ngak duas biak trak damak min oh ngak pamatai mauac yau ye pablei salih phao ndao saong cap khik manuac.

Rajaei Nhat Ban khan brei thau lac meda padeih dom bruk pasang iek jalan tapen negar pacang jit ruak COVID -19 meng harei 8/5 nan lac tukvak taneh ia ini  brei trun pakat jit COVID-19 sumu kum mùa. Ini lac sa bruk peih tabiak jalan  ngak birau di Nhat Ban piah ba siam mekre birau  ka dom bruk kinh te - xa hoi hadei di jit ruak. Chánh Văn phòng Rajaei Nhật Bản Hirokazu Matsuno ndem camviac laic rajaei brei salih dom jalan pacang jit yau urak ini hadei di tuk pasang iek bruk jit ruak dalam saong langiu negar, jeng yau dom jalan pasang iek  tapen negar  kayua dom taneh ia karei di nyaom dom taneh ia kong nghiep patagok dang kaok di dunya ( G7) daok ngak.

Harei ini, hala ndok di Phần Lan hu tuan gah langiu jabat di Kapul Hiệp ước Bắc Đại Tây Dương (NATO) di ban ine Brussels (Bỉ). yau nan, taneh ia Bắc Âu hu jeng taneh ia ka 31 di kapul ini. Phần Lan saong Thuỵ Điển hu brei padeih bruk oh pambuak gauk gah quân sự dui atah rilo piluh thun saong hu  nộp harak likau tame NATO thun 2022. Harak likau tame di 2 taneh ia Bắc Âu ini hu taduan mek di Nyaom biai pakat glaong abih di NATO di bilan 6/2022.