Le jao brei Giaỉ bao chi pakat negar mbang XVII - thun 2022 hu peih ngak dalam praong prang di melam ini 21/6 di Cung ilamu Lao động Hữu nghị Việt Xô, njauk di tuk Pahadar  98 thun Harei BCCM Việt Nam. Hội đồng chung khảo palih ruah hu 157 kadha tame chung khảo saong alin brei 9 Giải A, 24 giải B, 46 giải C, 45 giải Khuyến khích ka dom urang cih vak hu kadha vak gheih di abih. Tui panuac khan di urang lambaok Hội đồng chấm Giải báo chí Pakat negar 2022, thun ini hu rilo kadha vak ka bruk birau duah mboh, brei panuac ka dom jalan tacei ba, sarak di Đảng, Hukum di Karja. Abih di nyu lac bruk kham merat  pasiam veik bruk patagok KT -XH hadei di jit COVID-19, dom bruk XH pandiak yau: pablei salih manuac, bruk dauk ndih tapui mbang pah…Rilo kadha vak biak njauk, ngak brei manuac sia druat druai, brei mboh bruk var klak rup drei ka bruk ngak di urang vak, hu pambak praong dalam XH. Hu thau, Rayo sap ndem VN hu 6 kadha mek hu giải bao chí pakat negar.  

UBND Quận 6, Ủy ban Mặt trận Negar Việt Nam TP. Hồ Chí Minh pambuak haong Mbao Lao động bahrau peih bruk alin hadiah paok jien daong bac da-a ka dom anek saih, sinh viên bangsa Lo gaok kan kandah di dalam ban thun 2023. Taong abih tih pandap hu jao lac 300 paok pandap, hu yaom 300 triệu đồng. Bruk daong bac taa ka dom adei anek saih, sinh viên bangsa takik gaok kan kandah, piah pachraih  dom adei kham marat bac taa, paglaong ilamo saong peih praong harei hadei.

 Bhap bini Cam Islam tỉnh  An Giang hu labaih 2.800 baoh sang, ngan haong jaik 11.200 urang. Meng hu bruk sangka , daong di dom pakat karja, nan ye bruk ngak mbang  kinh te, ilamu, XH di bangsa Cam daok di An Giang dak harei dak hu paglong. Tỉnh padang hu 2 labik daok ka bhap bini nan lac labik daok di xã Châu Phong saong Khu dân cư Vĩnh Trường. Gam haong nan,  xã Quốc Thái daok quy hoạch  padang ngak jalan tame labik daok di bhap bini Cam saong xã Đa Phước (huyện An Phú) peih bruk padang ngak labik daok di bhap bini hu darak pasar. Saong daok hu padang ngak jaik 30 baoh sang jum pataom, sang anit ranam ka bhap bini Cam.

Thun ini, tỉnh Trà Vinh rami ramik kadung jien jaik 626 tỷ đồng piah peih ngak dom danak dak paglaong raidiuk ka mikva bangsa takik, abih di nyu nan lac bangsa Khmer. Dalam nan hu daong taneh riya ka labaih 40 baoh sang, daong sang danaok ka labaih 525 sang, salih bruk ngak ka labaih 275 sang, ia pandar parabha ka jaik 40 sang, buh jien tame padang ngak dua danak dak ia pataom gauk. Gam tui di nan, peih ngak danak dak pala phun jru tavao kan duah di huyện Trà Cú, daong padang peih bruk mbang ngui ka labaih 60% sang mikva bangsa takik saong dom baoh sang kan kathaot daok di puk biak kan kandah.

Meng harei ini mbiah tal harei 23/6 di tỉnh Tây Ninh peih ngak Le vía Bà. Meng  thun 2018, Lễ vía Bà Linh Sơn Thánh Mẫu di ceik Bà Đen hu taduan lac drap ar  ilamu oh mbih di pakat negar. Le hoi thun ini hu peih ngak ginup dom adat  meng kan. Ini lac tuk piah ka bhap bini  mai kakuh saong rivang baha praong siam gheih angaok tabung ceik, praong abih lac rup patau Phật Bà Tây Bổ Đà Sơn glong abih di tabung ceik saong labik parang iek thaot binguk di Phật giáo, dalam nan hu ngọc xá lợi Đức Phật Thích Ca Mâu Ni, kayua Liên đoàn Phật giáo dunya alin brei.

Rajaei Ấn Độ daok kham marat ngak trun manieng dom bruk metai kayua nhiệt độ tagok glaong. Nhiet do tagok glaong daok ngak ka bilan pandiak di Ấn Độ jeng pandiak bhang biak glaong jang tuk halei, abih di nyu nan lac dom bhum đô thị tuh bê tông. Gah barak saong gah Timun di Ấn Độ hu mboh nhiet do tagok tal 46 độ C dalam adit ini. Dom jabat y tế khan lac hu rilo urang tame sang iek ruak saong metai kayua mabuk pandiak. Dom urang ilamo brei thau dom mbang pandiak yau nan daok jeng trak damak jang saong rahtabiak yaok harei di grauk bhum Nam Á kayua njauk kan kandah di bruk biến đổi khí hậu.

Urang dang akaok Cao ủy Liên hợp quốc (LHQ) ka urang tị nạn  (UNHCR) brei thua lac hu labiah 500.000 urang tabiak truh Sudan hadei di tuk mesruh gauk tamuh tabiak di taneh ia ini. Sudan njauk dui katung tame bruk mesruh gauk di dom gah quan su dalam 2 bilan tapa  ngak brei labaih 2.000 urang metai saong 2,5 trieu  urang klaak sang danaok  nao labik karei. Tui Kadung jien Uranaih  Liên hợp quốc, dom mbang mesruh gauk dalam dom harei tapa ngak brei takik abih 330 urang metai, labaih 1.900 uranaih njauk rambuac saong labaih 1 trieu adei nao labik karei daok.

Quốc hội Estonia bahrau brei tapa hukum njauk adat ka bruk lakhah di urang đồng giới, ngak ka taneh ia ini jeng taneh ia Baltic camriep abih jao ka dom urang đồng giới hu quyen lakhah tui njauk adat hukum. Hukum ini hu pandar meng di thun 2024. Thủ tướng negar ini Kaja Kallas brei thau lac, Estonia daok dak padang sa taneh ia hu quyen di yaok urang hu pok glaong saong yaok urang meda hu eng drei anit ranam gauk saong amuk hadah mbaok mata ka taneh di drei. Bruk ini brei mboh lac, Estonia samu gauk di dom taneh ia hu gam yaom glaong./.