Bộ Chỉ huy Quân sự tỉnh Long An haong dom kapol nyaom saong UB bhap bini huyện  Đức Huệ birau peih ngak danak dak “ Tet Bol lin – Bhap bini”  Thun nasak Tapai 2023 di xã bhum taphia negar Mỹ Quý Đông, huyện Đức Huệ. Danak dak jak ba hu jaik 1,6 tỷ đồng meng bruk XHH piah alin pandap ka bhap bini mbang Tet. Dom huyen, ban sit karei jeng jak ba hu labaih 2 tỷ đồng peih ngak danak dak “ Tet Bol lin – Bhap bini” pak di dom huyen, ban sit nan.  

Liên đoàn Lao động ban Cần Thơ peih ngak danak dak “Tết jum pataom - Xuân pambuak gauk” saong “darak Tết Công đoàn” thun 2023. Di danak dak, mban peih bruk hu jao 8.500 paok pandap (yaok paok hu yaom 500.000 đồng) ka dom urang ngak gaok kan kandah, dom urang njauk bala tuk ngak bruk trak, urang njauk ruak kan kandah, đoàn viên kumei daok matain saong urang raong anek sit mala 6 bilan. Daok danak dak “darak Tết Công đoàn thun 2023”, Thành ủy Cần Thơ jao 2.000 paok pandap (yaok paok hu yaom 500.000 đồng) ka đoàn viên, urang ngak daok dalam ban.

Sở Cong thuong  TP.HCM brei thau, urak ini phun jien di dom D.N caga pandap panda pabak ka darak pasar Tet thun ini lac 20.000 tỷ đồng, dalam nan pandap pablei khik tani tanat yaom meblah labaih 8.000 tỷ đồng. Langiu di nan, rilo D.N, hệ thống pablei lẻ yau: Satra, Sài Gòn Co.op, Big C, MM Mega market…jeng daok pataom tame peih ngak rilo danak dak khuyen mai, pablei lap pandap Tet. Abih di nyu nan lac, rilo đơn vị brei trun yaom lap dom janih pandap pandar yaok harei dalm 2 harei jaik Tet, nan ye bhap bini oh huac pandap tagok yaom dalam tuk Tet.

Dom po bein di Ninh Thuận daok jar var sangka, caga yaok rabau chậu nho cảnh ngan haong rilo thaik thaok bahrau, gheih mekre piah pabak ka darak pasa Tết Nguyên đán thun sak tapai 2023. Tui Sở Ngak nong saong patagok palei pala tỉnh Ninh Thuận, dom thun jaik di ini, rilo po bein daok jhul samar bruk cak rok patagok dom janih phun nho cảnh. Ini lac dom pandap gheih mekre nan ye hu tuai pilih ruah blei di tuk Tết. Bruk salih tapa pala nho cảnh oh lac daong ka urang pala tagok jien mek tame bo daok pandar siam lagaih dom prein khang ka taneh riya saong kein lagaih di langik tasik piah paglaong yaom pandap panda angan je di pak ini.

UB bhap bini tỉnh Ba Ria – Vung Tau birau hu panuac ieu  So  Ngak nong saong patagok palei pala haong dom gah pambuak tal pasang iek dom kapal  gilai oh ka hu brei harak adat chap mek kaya ikan saong oh pagam jamraih tui iek kapan gilai. Urak ini, tỉnh Ba Ria – Vung Tau hu 1.973 kapal gilai ikan hu  brei harak adat taong chap kaya ikan, dalam nan hu 147 kapal gilai labaih 15 m oh hu pagam jamraih  tui iek kapan gilai njauk tui bruk ba tabiak. Kayua yau nan ye,  UB bhap bini tỉnh brei thau, dahlau harei 30-12-2022 kapal gilai halei oh hu pagam mac jamraih  tui iek kapal gilai ye oh brei tabiak tasik; daok gilai oh hu harak adat taong chap ikan, hadei di harei 30-1-2023 njauk taong phat tui adat hukum.

Meng harei 4/1, Jabat lambaok negar Mỹ di Cuba hu pambuak veik ginup abih dom dịch vụ pabak thị thực tame negar ka rahra Cuba, 5 thun hadei di tuk jabat ini kareik pabah mbang pambuak tal bruk kamlah gauk ka prein yava di dom urang ngak gah ngoại giao Mỹ di bhum taneh Caribe ini. Taong yaom ka bruk ngak ini, akaok mintri Ngoại giao Cuba brei thau lac jalan langyah thị thực ka urang tame negar di jabat lambaok negar Mỹ di La Habana lac sa bruk njauk ngak."

Mbao Nikkei di Nhật Bản brei thau, Tập đoàn Dell di Mỹ brei padeih pandar “chip” kayua TQ ngak tabiak di thun 2024 dalam tuk huac bruk catang tagok di Mỹ haong TQ. Dell hu khan haong dom labik pabak pandap ka jalan ngak di tap ndoan lac takik pandar chip kayua Trung Quoc ngak tabiak. Dell caong khin dom labik ngak dom linh kien karei jneg yau dom c.ty pagam pandap mac moc piah caga ngak tabiak mac jamraih di dom taneh ia karei langiu di Trung Quoc. Dalam tuk nan, hang HP jeng daok peih bruk pasang iek dom labik pabak pandap ka drei piah taong yaom bruk meda ngak hu piah panduan ba labik ngak saong pagam tabiak truh negar Trung Quoc.

Di Afghanistan, yaok ribau uranaih njauk tame sang iek ruak kayua njauk ruak viêm phổi saong dom janih ruak ka jalan suak yava karei kayua suh laar, eih lipa, lavang lavaih. Tui dom urang daong brei, bruk tachrauk nerak jeng daok rahtabiak trak damak jang tuk rahra cuh nerak saing katak piah ngak pandiak ba tal bruk uranaih njauk ruak suak yava tagok glaong. Dom jabat daong ba brei thau, bruk sarau kadhau di Afghanistan meda rahtabiak trak damak jang. Bruk pakauk urang kumai ngak bruk dalam kapul langiu rajaei di Afghanistan daok ngak ka labaih 180 kapul dunya padeih ngak bruk dalam dom bilan laar ini./.