Harei pataom pakacah online “Duah thau ka bruk siam mekre salamat hacih saat dalam bruk ngak” pakat ban raya thun 2022

Piah daong dam dara lac urang bangsa takik, Paka 25 Hakum Dam dara hu ndem cambaic laic: Karja brei daong dahlau ka dam dara bangsa takik dalam bruk bac da-a, ngak bruk, padang mbang ngui, iek glang prein yawa, pasram rup pabhap; Daong dam dara bangsa takik khik ramik, patagok ilamu bangsa, dak padang raidiuk ilamu, klaak dom adat cambat tanarakun oh daok lagaih; Brei palih ruah dahlau bruk pato pakai, pabak ilamu saong ba tame quy hoach piah hu urang jakar pan akaok, khik ramik ngan saong urang jakar, công chức, viên chức lac dam dara bangsa takik dalam jabat, kapol nyaom, đơn vị di Karja; pachreih doanh nghiệp, peih bruk brei palih ruah dahlau dam dara urang bangsa takik tame ngak bruk.

Pachreih tui bilan urang ngak 2022, Liên đoàn Lao động ban raya Hồ Chí Minh bahrau peih bruk Harei pataom pakacah online “Duah thau ka bruk siam mekre salamat hacih saat dalam bruk ngak” pakat ban raya thun 2022. Tame nyaom pakacah, urang pakacah hu vak tapak angaok dom trang tin điện tử di Liên đoàn Lao động ban raya, Mbao điện tử Người Lao động, app Mbao Người Lao động ngan song kadha ka dom bruk gah siam mekre salamat hacih saat dalam bruk ngak, Hukum Công đoàn, bruk pacang caga COVID-19...

Birau tame ngak gah che bien kaya nong min Cong ty Trách nhiệm hữu hạn Sản xuất saong Thương mại nông sản Thái Thuận (xã Nhơn Sơn, huyện Ninh Sơn, tỉnh Ninh Thuận) samar hu labik pablei di darak pasar dalam negar. Hu bruk daong meng phun jien pachreih công di negar, công ty buh jien tame ngak sang xưởng, jamriah lahon meng ia đa năng, mac bluh thu, mac papaok piah ngak tabiak dom pandap che bien meng baoh jadal táo saong nho yau ye táo bluh thu dẻo, ô mai táo, xi rô táo, giấm táo...Mbiah tal ini, công ty hu 10 pandap mek hu angan pandap OCOP pakat tỉnh.

100 container asar pa aok blait yaom jiak 1 ribau tỷ đồng pablei tapa Italia mbuan si njauk meblah mek tuk dom doanh nghiệp Việt Nam oh ka taduan hu jien hagait meng gah blei, bo hu jao jiak abih harak gar song gah blei daok caga cang di pabah lamnge piah taduan mek pandap. Bruk pachot prong oh ka bhian mboh ini hu lang talaik meng bruk ba tangin tame samar drah di rajaei, Mintri Công thương song dom mintri, dom gah pagam tal, Thương vụ Việt Nam di Italia haong bruk pambuak gauk biak siam meng gah Đại sứ quán song dom jabat chức năng di Italia. Harei 7/4, ong Nguyễn Đức Thanh, Tham tán thương mại Việt nam di Italia brei thau: Urak ni, dok 23 container lahik harak gar dok hu langyah patui di nan. Meng bruk ni, mboh lac bruk caik hatai sangka dalam pablei salih, duah thau cambaih gah pambuak bruk blei pandap piah plaih njauk lah pasot dalam pablei salih lac kadha prong ka dom doanh nghiệp Việt.

 Pambuak tal bruk muk Nguyễn Phương Hằng, harei 7/3, Thượng tá Lê Mạnh Hà, Pho akaok jabat Tham mưu Công an Ban raya HCM brei thau, Jabat Cảnh sát pasang iek (CSĐT)-Công an Ban raya HCM daok samar duah thau piah ngak brei cambaic laic bruk ngak suan di muk Nguyễn Phương Hằng, tui nan ngak cambaic bruk dom urang pamuak tal bruk nan. Dahlau di nan, harei 24-3, Cơ quan CSĐT Công an Ban ray HCM hu ba tabiak piah kaoh tui hukum, chap muk Nguyễn Phương Hằng piah duah thau bruk “Pambak tame dom quyền tự do dân chủ ngak jhak tal kein laba di Karja, quyền, kein laba tui hukum di kapol nyaom, menuac urang”.

Jabat khik ramik jru tavoa di Liên minh châu Âu (EMA) hu brei adat klauk vắc xin pacang Covid-19 ka 4 ka urang umo meng 80 thun tagok. Min, jabat ni, ndom lac dok biak avar piah pasang iek bruk pandar mbang vắc-xin ka 4 ka tong abih bhap bini rahra. 

Anh daok kuhria jalan peih praong điện hạt nhân saong điện hangin langiu tasik piah patagok bruk pabak năng lượng eng drei, dalam tuk yaom kaom tagok glong saong kan kandah meng bruk mesruh di Ucraina. Dahlau di nan, rajaei Anh khan brei thau meda pakauk blei menyek saong dhang di Nga tame di puac thun ni, tui nan meda klak khí đốt di Nga dak aval dak siam.

Thượng viện Mỹ harei 07/04 hu njauk hatai bruk muk Kentaji Brown Jackson ngak Thẩm phán Tòa án Tối cao. Ni lac, mbang camereip dalam sajarah dakrai Mỹ hu sa urang kamei thẩm phán klik sambo dalam Tòa án tối cao hadei di 233 thun./.

Urang lang: Hani Pha – Bhumi – 09/04