Pamaong tal Pahadar 134 thun harei manek Chủ tịch Hồ Chí Minh, dah page ini, di Hà Nội, Liên đoàn pablei salih saong kong nghiep Việt Nam peih Mbang ginum biai ngan haong asal kadha “Jalan sahneng Hồ Chí Minh haong ilamo pablei salih”. Di Mbang ginum biai, dom urang roh duah ilamo gam haong dom kapul nyaom, doanh nghiep gam ndem mayai nao mai ka dom asal kadha, yau ye Jalan sahneng Hồ Chí Minh ka đạo đức doanh nhân, jalan sahneng Hồ Chí Minh haong ilamo doanh nhân; Doanh nhân Việt Nam patagok dom yaom glaong jalan sahneng Hồ Chí Minh dalam bruk ngak, khik ramik doanh nghiệp saong padang ngak ilamo doanh nhân; Bruk ngak di xã hội, hatai ngak bruk di bangsa dalam doanh nghiệp di zaman mbeik drei tame dunya. 

Meng hatai caong daok jaik rahra, caik hatai tui pang sap ndom biai di rahra, Thành ủy Thủ Dầu Một, tỉnh Bình Dương hu peih bruk "Cà phê mesup" di 14 phường dalam ban. Yaok adit sa mbang, di jabat atau di mblang bein khu phố, urang pan akaok phường saong ban mai taom gaok, ndom biai nao mai haong rahra tapa bruk "Cà phê mesup". Di pak ini, rahra hu pachreih ndom biai, ba tabiak dom hatai sahneng ka bruk dak padang puk palei, jeng yau dom cuang kandah, tavak tavaiy njauk ngak pasiam veik. Meng bruk "Cà phê mesup", rilo bruk yau ye nerak tachauk alam môi trường, raong sau peih palao, bruk oh siam dalam rahra... hu karja langyah samar drah saong siam lagaih, rik daong paglaong raidiuk bhap bini.

Ban Pleiku, tỉnh Gia Lai hu 37 palei bangsa takik, rilo meng lac urang Jrai. Dom thun tapa, Thành ủy Pleiku hu pato pakai Mặt trận saong dom kapul nyaom chính trị - xã hội ban, dom xa, dom phuong ba tabiak peih ngak dom jalan langyah bruk cak rok patagok kinh tế, caik hatai langyah dom bruk ka rahra, pataom prein tame peih ngak dom danak dak, bruk ngak kinh tế saong dom sarak ngan haong mikva bangsa takik. Meng nan, raidiuk, mbang ngui di rahra dak harei dak hu salih bahrau saong glaong tagok. Tal urak ini,taong abih dom palei hu chi bộ, taong abih chi bộ palei hu ginup dom urang ndang lac urang pak di labik. Ban saong dom gah pambuak bruk, dom urang ngak pahla hu daong padang ngak, ramik pasiam  sang danaok ka 98 sang kathaot, sang jaik kathaot.

Meng labaih 60 rabau phun tanot daok dalam tukvak paik baoh, jaik 1.000 sang urang Khmer di tỉnh An Giang hu jien mek tame meng bruk mek ia tanot saong ngak jeng saradang ia haong labaih pluh labik ngak saradang. Pandap ngak meng dom bruk ngak hữu cơ hu doanh nghiệp pambuak bruk blei 80% thun 2025 saong blei taong abih di thun 2030. Tapa nan, ngak jeng saong cakrok dom chuỗi ngak pandap pambuak haong pablei tanot hữu cơ hu chứng nhận; kein laba mek hu meng tanot, pandap ngak meng tanot hữu cơ glaong jang meng 1,5 – 2 mbang duk haong jalan ngak bhain randap yau dahlau daih.

Harei ini, Sở padang ngak tỉnh Bà Rịa - Vũng Tàu brei thau lac, hadei di panuac khan di Rayo sap ndem Việt Nam, Sở hu Harak samar drah  ka 2481 ieu kakei Tổng công ty Cổ phần Jit vu Dầu khi Việt Nam (PTSC) pabak abih tih harak gar pambuak tal mblang taneh di labik 284 jalan Nguyễn An Ninh, phường 7, ban Vũng Tàu, dahlau harei 16/5/2024. Dom harei tapa, 120 baoh sang rahra ngan haong jaik 500 urang daok di labik pataom gauk pak labik ka 284, jalan Nguyễn An Ninh, phường 7, ban Vũng Tàu biak suh sah hatai, kayua labik daok jaik pataom mek bo po buh jien tame lac PTSC oh ba tabiak makna hagait.

Sa kapul dom urang ilamu di tỉnh Hồ Bắc, Trung Quốc bahrau khan lac nhân bản hu gen pacang ruak rỉ sắt di phun đậu nành. Tapa nan hu caong lac meda daong ba tabiak sa dalam dom jalan ngak bahrau ka dom cuang kandah dalam bruk ngak nong di dunya. Ruak rỉ sắt lac sa dalam dom ruak palai pajoa ka phun pala, rilo abih lac phun đậu nành, ngak brei hala meda nyu jruh saong ngak trun biak rilo dom baoh mek hu. Tuk camereip mboh lac, dom phun đậu nành salih gen hu prein pacang ruak biak rilo duk haong dom phun đậu nành oh ka salih gen.

Tổng thống Brazil Luiz Inacio Lula da Silva brei padeih mbang nao ngak bruk di Chile dalam adit ini piah pataom prein tame bruk pacang caga di rajaei anak bala hajan ia sua biak trak damak. Bruk  padeih nao nan hu ba tabiak dalam tuk hajan khang saong ia sua ngak ka labaih 600 ribau urang njauk klak sang danaok. Urak ini jeng daok 127 urang lahik dalam tuk hajan jeng ka oh padeiih tuh trun di rilo bhum palei pak Brazil. Ini hu maong lac bala langik tasik biak trak damak abih ka oh bhian mboh jaik di ini di Brazil saong bala ini jeng brei mboh, dom kanjak jhak di BDKH ngan haong anek manuac. 

Gah cảnh sát pacang caga ma túy tỉnh Bokeo, gah barak negar Lào bahrau cap mek hu biak rilo ma túy daok hu khik piah, cap mek 2 urang gam haong 14 triệu asar ma túy tổng hợp haong rilo janih phao ndao. Ini lac sa dalam dom bruk hu  cảnh sát pacang caga ma túy tỉnh Bokeo taong tayah saong cap mek hu dom ma túy tổng hợp biak praong. Dahlau di nan, urang jakar tỉnh Bokeo jeng mboh hu bruk pajeng ba biak rilo ma túy, cap mek hu 8 triệu asar ma túy tổng hợp trak abih tih labaih 800 Kg haong dom janih dom pandap pambuak tal.