Ndom ka bruk likau pabak căn cước công dân ka uranaih umo mala 14 thun tui hatai caong di rahra, ndem mayai haong báo chí, Đại tá Vũ Văn Tấn - Phó akaok Cục Cảnh sát khik ramik hành chính ka trật tự xã hội (C06 – Mintri Công an) brei thau, bruk ini oh mek ngak, bo hu ngak tui hatai caong di rahra. Di mbang nyaom ka ka adat hukum dalam bilan 4 ini, Ủy ban Thường vụ Quốc hội hu brei panuac ka danak dak Hukum Căn cước. Tui kuhria danak dak hukum meda hu Quốc hội pasang iek di mbang nyaom ka 5 anak tal.

Liên hiệp dom kapul nyaom hữu nghị TP.HCM brei thau, Sở Jalan mbak Pajeng ba TP taduan tui panuac likau di Kapul hữu nghị Việt Nam - Lào TP.HCM ka bruk daong abih jien sahui bac saong pakacah peih radaih mô tô dua kong hạng Al di 171 SV Lào haong Campuchia daok bac megru di Thành phô. Urak ini hu 171 SV Lào saong Campuchia daok bac megru, daok daok di dom KTX SV di TP.HCM, dom adei bhian ndik radaih nao bac, nao darak pasar...Min dom anek saih SVLào saong Campuchia oh ka thau cambaih ka adat hukum jalan mbak di VN, saong oh hu harak adat peih radaih mô-tô 2 kong hang A1 di Việt Nam.

Tỉnh Bình Thuận bahrau tacei tabiak 33 danak dak ngak suan adat hukum. Sở Xây dựng tỉnh Bình Thuận bahrau hu harak ieu dom po buh jien tame ngak, pablei salih taneh riya, sang danaok di dalam tỉnh pasiam veik bruk giao dịch, pablei salih saong salih quyen pandar taneh riya, sang danaok ngan haong 33 danak dak labik rahra, labik đô thị, du lịch padeih padei. Sở ini jeng hu taduan rilo panuac pathau khan di báo chí saong harak pathau khan di rahra ka bruk po buh jien tame saong kapul parabha dom danak dak pablei salih taneh riya, sang danaok di dalam tỉnh peih bruk ieu pablei, salih quyen pandar taneh riya, sang danaok tapa dom jalan khik labik, kakei dahlau labik, tut angan tame labik piah pataom mek jien di urang blei. Dalam tuk nan, dom jalan ini oh hu brei adat dalam Hukum sang daok, Hukum pablei salih taneh riya, sang danaok.

Đồng Nai ieu 4 doanh nghiệp ngak njauk bruk pabak số liệu môi trường.  Sở Tài nguyên & Môi trường tỉnh Đồng Nai bahrau hu harak văn bản ka 2297 payua 4 doanh nghiệp dalam tỉnh peih ngak adat patrun meneing bruk phát thải khí sang camin ngan saong labik phát thải khí sang camin brei yaok pataom khí sang camin gah chất thải. Tui nan, dom doanh nghiệp phát thải khí sang camin brei yaok pataom, lac: Cty CP Dịch vụ Sonadezi, Cty CP Môi trường Sonadezi, Cty CP Thương mại xây dựng Đa Lộc, Cty TNHH Phúc Thiên Long. Asal kadha hu gah chức năng ieu ngak catang lac pabak số liệu ngak bruk, brei thau dom bruk pambuak tal duh ka yaok pataom khí kính di cơ sở ka thun 2022 payua mai ka mintri Tài nguyên & Môi trường.  

Tui Jabat di Mban tacei jalan pacang caga bala meng langik tasik saong daong duah urang njauk bala di tỉnh Tiền Giang, khat lahik kayua hajan khang di bier harei 15-16/4 meng blaoh daok tagok glaong, abih di nyu nan lac bein phun mbang baoh angan je njauk khut biak trak. Abih tih dom khat lahik kayua hajan ribuk meng bloh di tỉnh Tiền Giang tui kuhria lac labaih 7,3 tỷ đồng; dalam nan hu gam khat lahik sang danaok di rahra lac labaih 1,7 tỷ đồng, bein phun mbang baoh labaih 5,6 tỷ đồng.

Harei ini, Nyaom biai Ngoại trưởng G7 rah tabiak di ban padeih padei Karuizawa, tỉnh Nagano (negar Japon)  daok ginum biai rilo bruk an ninh di dunya, abih di nyu lac dom bruk srau kadau khang abih urak ini lac Ucraina,  an ninh di châu Âu saong bhum Ấn Độ Dương - Thái Bình Dương saong bruk kham merat ba Triều Tiên mai veik ginum biai ka danak dak hạt nhân. Dom Ngoại trưởng kapul dom taneh ia hu bruk kinh tế cakrok (G7) caong khin langyah 2 bruk suh sah praong di Đông Bắc Á haong bruk duah jalan ngak ngan haong bruk Đài Loan (Trung Quốc) haong dom bruk cuh iek tên lửa jalan atah oh hu pasang iek di Triều Tiên.

Pui mbang glai abih labaih 930 héc-ta – Yaok rituh urang njauk paduan ba nao daok di labik karei. Kanja France brei thau lac, takik di nyu lac 930 hécta glai njauk pui mbang abih dalam sa bala khuah glai oh pasang iek hu bahrau ini di bhum tapen negar Tây Nam negar ini, jaik taphia haong Tây Ban Nha. Labaih 460 urang lin padam khuah hu ba mai padam pui khuah glai rahtabiak di dom puk palei di tỉnh Pi-rơ-nét O-rần-ta-lét. Min, dom kham marat padam khuah daok gaok kan kandah kayua hangin khang ngak brei kapul padam khuah oh pandar hu kapar haok piah daong padam khuah. Kanja palei khan lac, hu labaih 300 urang hu  ba tabiak truh 2 palei.

Thái Lan khan lac dom urang njaom Covid-19 tagok rilo hadei di Tết Songkran. Cục pasang iek jit ruak Thái Lan brei thau dom menuac njauk Covid-19 tui kuhria meda tagok hadei di Harei pataom Songkran. Ong Tares - Cục pasang iek jit ruak brei thau, dom urang njaom Covid-19 hadei Tết Songkran meda glaong jang duk haong tuk uan thun bahrau  dương lịch tuk dom jalan pacang caga Covid-19 hu pacadu.  Tui ong Tares, meng harei 9-15/4 meng bloh, Thái Lan hu 435 urang njaom Covid-19 bahrau daok taong ruak di sang iek ruak, kuhria rah tapa yaok harei hu 62 urang ruak, glaong jang 2 mbang meteh duk haong adit dahlau di nan. Dalam nan, 30 urang njauk viêm phổi, lac tagok 58%, saong 19 urang njauk suak yava meng jamriak, tagok 36%. Jeng dalam tukvak ini, Thái Lan hu 2 urang metai kayua Covid-19