Melam daoh take "Hatung hatian gah Meraong"hu peih tabiak tuk malam blaoh di TP.HCM, piah pambuak pagam, pambak tabiak bruk klah rabha haong bhap bini gah brak saong rik pataom jien daong ka bruk pasiam dom khut tayah, khat lahik di rabuk, ia sua. Taong abih pok jien labaih 5 tỷ đồng pataom mek hu tapa malam daoh take hu payua tal Kadung jien Hatai ameh Việt di Rayo papar binguk Việt Nam piah padang veik palei Nủ saong dom labik karei gaok kan kandah meng rabuk. Langiu di nan, malam daoh take jeng hu to yaom dom pandap kayua dom urang ngak pahla rik pataom saong payua pok jien nan mai brei kadung jien di danak dak.

UBND TP.HCM bahrau hu sarak brei adat pandar yaom taneh urak ini piah kuhria jien  kak je dalam tuk cang patabiak yaom taneh bahrau. Tal puac bilan 8 bahrau meng blaoh, TP.HCM hu labaih 8.800 ho so pambuak tal taneh riya gaok kandah kandaiy kayua oh ka hu yaom taneh bahrau hadei di tuk Hukum Taneh riya thun 2024 hu brei pandar meng harei 1-8-2024. UBND TP.HCM jao Cục Thue TP tui bruk di drei, pambuak haong Sở Tài nguyên saong Môi trường, Sở Jien padai saong dom gah pambuak tal, langyah dom ho so daok kandaong meng harei 1-8 tui adat hukum.

Hệ thống klauk jru VNVC bahrau tabiak mbaok saong peih bruk klauk vắc xin pandiak tabiak darah di hãng jru Takeda, Japon brei ka uranaih umo meng 4 thun saong urang praong di jaik 200 pasak dalam negar. Ini lac mbang camereip rahra taneh ia drei hu pandar vắc xin ini hadei di rilo thun jit ruak pandiak tabiak darah tamuh khang. Ini lac sa dalam dom janih vắc xin hu cang maong di abih tuk yaok thun taneh ia drei hu yaok ratuh rabau urang njauk ruak pandiak tabiak darah, menuac ruak metai jeng daok glaong meyah oh hu taong ruak samar drah.

Bruk ngak iek pala padai chất lượng glaong saong tathuak nerak biar gam haong patagok hijao di tỉnh Đồng Tháp hu trun jien ngak tabiak, patagok chất lượng asar brah, patagok jien laba, patrun njaom nerak langik tasik saong patrun tathuak nerak sang kreih camin jaik 5 tấn sa hecta. Tui ong Nguyễn Phước Thiện, Phaok akaok UBND tỉnh Đồng Tháp, bruk ini dahlau abih lac nao tal bruk patrun yaom ngak tabiak ka urang ngak nong, nan ye, caong khin urang ngak nong pandar tui bruk ngak tabiak, khik kajap asal kadha bruk ngak. Gam haong nan caong ka dom doanh nghiệp, gah daong jien daong prein patui veik daong saong nao gam haong tỉnh Đồng Tháp peih ngak bruk.

Biar harei kabroi 22/9, UBND tỉnh Hậu Giang peih bruk jao jaik 2.700 pok jien bac Kadung jien pachreih bac Phạm Văn Trà, yaom abih tih 3 tỷ đồng brei ka dom sinh viên, anek saih sang kan kathaot, jaik si kan kathaot, sang sarak karja, sang biak kan kandah, anek saih matui, jaoh jo kham merat yam tagok dalam raidiuk…Dalam nan, jien bac brei ka sinh viên đại học lac 02 triệu đồng sa pok, sinh viên cao đẳng 1 triệu 500 rabau đồng sa paok, anek saih dom pakat tiểu học, THCS, THPT, urang bac di hệ giáo dục thường xuyên lac 1 triệu đồng sa paok, daong ka dom adei kham merat yam tagok, khang takai yam angaok jalan bac ta-a.

Labaih 130 urang dang akaok Negar saong urang dang akaok Rajaei hu mbaok tame Nyaom biai pakat glaong abih Harei hadei, peh tabiak dahlau Adit pakat glaong Đại hội đồng Pambuak Negar Dunya tame harei 24/9. Ini lac mbang camereip sa harei pataom mbaok yau nan hu peih ngak dalam mbang nyaom biai yaok thun di Đại hội đồng Pambuak Negar Dunya. Dom panuac kakei khang payua nao dahlau aapakar, Tổng thư ký Pambuak Negar Dunya Antonio Guterres brei thau Harei pataom mbaok thượng đỉnh Hadei harei lac “banyuer sa mbang dalam raidiuk” piah langyah dom kan kandah dunya urak ini saong bahrau danei, gam haong nan salih bahrau thể chể oh daok njauk zaman.

Kapul ngak bruk di Tổng Lãnh sự quán (TLSQ) Việt Nam daok di Luangprabang haong dom urang ngak pahla Việt Nam saong Lào hu nao ravang, tangi sua, pachreih ba, daong ka urang Việt saong urang Lào gaok khat lahik kayua rabuk YAGI di tỉnh Luongnamtha njauk ia dauk. Tui TLSQ Việt Nam di Luangprabang, pok jien rik pataom hu nan, hu ba tal tangin 500 baoh sang njauk khut tayah, khat lahik trak kayua rabuk, yaok sang hu 1.000.000 kíp (lac labaih 1 triệu VNĐ). 

Cảnh sát Thái Lan meda mek mẫu ia me-ik atau darah piah pasang iek nồng độ cồn dalam darah. Dom urang peih nduac radaih hu cồn dalam darah glaong tapa 50 mg, atau 20 mg haong urang ala 20 thun umo, hu maong lac mebuk alak saong hu kaoh dúa peih nduac radaih tuk mebuk alak. Tui hukum bahrau ini, meyah nồng độ cồn dalam darah glaong tapa tanut brei, urang peih nduac radaih hu gaok taong phạt meng 5.000 baht - 20.000 baht (samu 4-15 triệu VND) atau phạt daok guk glaong abih 1 thun dalam mbang akaok ngak suan.