Thủ tướng Rajaei bahrau mbaoh tangin tame Harak brei ngak Quy hoạch tỉnh Sóc Trăng tukvak 2021-2030, pamaong tal thun 2050. Tui nan, jalan ngak tal thun 2030, kham marat ba Sóc Trăng jeng sa tinh cak rok patagok di bhum ĐBSCL; ngak kong, pablei salih, dịch vụ cak rok patagok, ngak nong bahrau saong khang kajap, peih ngak pabah lamnge  di langiu pabak tasik Trần Đề saong hu hệ thống kết cấu hạ tầng samu gauk, dak harei dak bahrau; hu hệ thống đô thị cak rok patagok tui jalan hijao, thông minh, khang kajap. Pamaong tal thun 2050, Sóc Trăng jeng bhum palei cak rok patagok prein khang di bhum ĐBSCL pambuak haong cak rok patagok pabah lamnge Trần Đề...

mBan Bangsa tỉnh Bình Thuận bahrau peih Nyaom biai pato pasram, pabak khau tin ka 87 urang hu angan je dalam bhum DTTS saong urang jakar, urang ngak bruk dalam Jabat Bangsa dalam tỉnh. Tui ong Nguyễn Minh Tân, Akaok mBan bangsa tỉnh Bình Thuận, hadei di nyaom biai ini, mBan Bangsa hu ba kapul urang hu angan je nao ravang iek, bac megru ilamu di dom tỉnh, ban dalam bhum piah mek ilamu pathau khan, peih dom bruk pakacah gauk anit ranam taneh ia dalam palei saong ravang iek dom bruk ngak, dom jalan ngak hu kein laba di dom tỉnh karei.

Dalam tỉnh Tiền Giang urak ini hu jaik 7.500 ha phun thanh long, năng suất hu jaik 35 tấn/ha saong yaok thun hu labaih 260.000 tấn baoh, bhian hu pablei tabiak negar langiu. Tỉnh hu peih ngak danak dak “padang ngak talei pambuak gauk ngak mbang – duah jalan pablei tabiak baoh thanh long tỉnh Tiền Giang tukvak 2020 - 2025 saong ba tabika jalan ngak tal thun 2030” piah paglaong yaom kaom, kein lagaih saong prein maraik gauk di pandap panda tui jalan pambuak gauk ngak mbang saong pablei salih, kham marat tal thun 2025, peih praong mblang taneh pala thanh long mek hu tanut chuan asal kadha di GAP tagok 3.600 ha. 

Dom gah dom kapul Bộ đội Biên phòng dalam tỉnh Bà Rịa - Vũng Tàu hu peih rilo bruk iek glang dom uraniah bhum tasik tapen negar di tỉnh piah ka dom adei hu me-in Tết Trung bui sambai, chreih chrai. Tui danak dak, mBan peih bruk hu brei 180 pok pandap ka dom uraniah dalam xã Phước Thuận, kuhria tabiak yaom jien lac 36 triệu đồng; dalam nan, Đồn Biên phòng Phước Thuận hu daong 15 triệu đồng di urang jakar, urang lin rik tame saong jak ba dom urang ngak pahla daong tame.

Piah pachreih ba dom uranaih, Jabat pacang khuah padam khuah Công an tỉnh Bạc Liêu bahrau peih danak dak “bui sambai Tết Trung thu” saong pachreih tui Danak dak “Kayua sa Việt Nam hijao – Daong prein pala 1 tỷ phun hijao” thun 2023 di ban sit Giá Rai, tỉnh Bạc Liêu. Di Danak dak, Jabat pacang khuah padam khuah Công an tỉnh hu alin pandap ka 150 anek saih di dom labik sit pak Sang bac Tiểu học Phong Tân di puk 20, xã Phong Tân, lac: 1.000 baoh siphau, 500 mbaik mbút; 40 kadung teik; pandap panda bac taa; 30 bộ khan aw; 20 gom trung thu saong 200 phun hijao. Tapa nan, Jabat pacang khuah padam khuah jeng hu khan brei dom adei anek saih thau ka hukum jalan mbak, pato tacei dom asal kadha piah daong ka dom adei saneng mboh dom bruk ngak di drei tuk hu mbaok tame peih radaih di jalan.

16 urang urang metai dalam sa mbang khuah mỏ dhang di ban Bàn Châu, tỉnh Quý Châu, gah Tây Nam Trung Quốc. Karja ban Bàn Châu brei thau, apui khuah di maong 8- 10minit harei 24/9, ngak brei 16 urang gar di gah dalam. Makna di pui khuah lac mai meng khuah băng chuyền. Pui hu padam hadei di nan min mboh lac 16 urang kan si diuk hu. Dalam thun 2022, Trung Quốc hu 168 mbang bala pambuak tal mỏ dhang, ngak brei 245 urang metai.

Hãng tin RT brei thau, dalam thun 2022 di ban ine Moskva di Nga dom urang oh hu bruk ngak trun daok 2,2% dut saong 2,6% di thun 2021. Yau nan bruk urang lahik bruk ngak di Moskva hu trun bier di abih dalam dom ban praong di Nyaom dom gah kinh te cak rok patagok saong bahrau tamuh dang akaok di dunya (G20). Tui jalan kuhria di Gah Lao động dunya (ILO), dang hadei Moskva lac Tokyo ngan haong dom urang lahik bruk ngak lac 2,6% saong Bắc Kinh lac 3,1%. New York dang di ka 7 ngan haong dom urang lahik bruk ngak lac 4,3%, London patui di nan lac 4,4%. Yaom lac gaok bruk taong phat di gah phương Tây saong bruk tabiak truh di dom cty praong di negar langiu, ban ine di Nga jeng daok tagok rilo.

Dalam bruk roh duah ia bulan, Gah Hàng không & Vũ trụ Mỹ (NASA) ngak hu bruk praong, tuk mbang camereip abih ba mai baoh taneh sa  mẫu vật tiểu hành tinh langiu langik tasik, daok atah di baoh taneh 6,2 tỷ km. Tui kuhria, harei ini (25/9), mẫu pandap ini hu kapal haoh praong pajeng pandap di bol lin ba nao pasak Vũ trụ Johnson di NASA. Harei paguh (26/9), pa-op caik pandap nan hu peih tabiak piah parabha pandap jeng dom pok sit, payua nao ka jaik 200 urang ilamu daok di 60 bilik ngak iek angaok dunya./.