Mban Bí thư bahrau ba tabiak sarak ka bruk peih Tết thun sak tapai 2023. Dalam nan sangka tal dom sang sarak kanja, urang gaok kan kandah, sang kathaot, mikva gaok bala, jit ruak, bhum atah biyah, bhum tapen negar, bhum kaoh pulao, mikva bhum bangsa takik saong bhum ceik...;Peih ngak siam bruk rivang, tadhau ayuh Tết thương bệnh binh, sang liệt sĩ, sang buh prein ka taneh ia, urang hu angan je dalam bhap bini bangsa, halau janeng hu angan je…mban bí thư kakei lac oh peih bruk nao ravang, tadhau ayuh tết pakat glaong saong urang par akaok; pakauk bruk alin pandap Tết ka urang par akaok dom pakat. Pasang iek catang, khik tani tanat salamat pandap mbang, pacang caga jit ruak, abih di nyu nan lac jit ruak COVID-19, cúm, ruak pandiak tabiak darah, ruak đậu mùa khỉ.

Biar harei 21/11, dalam họp báo ka Nyaom biai peih ngak danak dak bruk ngak di rajaei peih ngak sarak 24 thun 2022 di Bộ Chính trị ka patagaok KTXH, khik kajap quốc phòng, an ninh bhum Đông Nam Bộ tal thun 2030, pamaong tal thun 2045 saong peih ngak bruk đầu tư bhum, Bộ KH-ĐT brei thau, nyaom biai tui kuhria hu peih tabiak harei 26/11 di Bà Rịa – Vũng Tàu, kayua Thủ tướng Phạm Minh Chính dang akaok. Bruk hu makna biak praong ka patagok di bhum Đông Nam bộ. Ini lac labik dui pachreih hu phun jien FDI praong abih, meblah labaih 41%.

Dah page ini, Mbang Ginum biai ilamo pakat negar ka ong Võ Văn Kiệt, kayua Học viện Chính trị negar Hồ Chí Minh saong Ban Tuyên giáo Trung ương  peih tabiak di Ban raya HCM. Jeng dalam harei ini, di Vĩnh Long hu peih bruk Patabiak bộ tem bưu chính “Pahadar 100 thun harei manek Thủ tướng Rajaei Võ Văn Kiệt”; gam haong nan lac peih pakak Sang bac THPT Nguyễn Hiếu Tự; saong danak dak ilamo chính luận ka Thủ tướng Võ Văn Kiệt. Harei 23/11, Harei pahadar 100 thun Harei manek Thủ tướng Võ Văn Kiệt hu peih tabiak di Pasak Ginum biai tỉnh Vĩnh Long.

Pambuak tal bruk njauk jru mek ngak brei rilo anek saih di Khánh Hòa tame sang iek ruak, Bộ Y tế brei chuyên gia pacang jru mek dang akaok tame daong taong ruak. Tal melam 21/11, dom anek saih njauk jru mek tagok tal 648, 1 anek saih 6 thun metai; dom labik y tế daok taong ruak 211 anek saih, 21 anek saih trak urak ini hu tani tanat. Meng bruk ini, rilo sang bac daok samar pasang iek veik, ngak catang bruk tui iek dom labik ngak mbang huak ka anek saih bán trú. Mintri Pato Megru ieu urang pan akaok UBND dom tỉnh, ban tacei pato dom sang bac ngak catang dom bruk gah adat hukum ka siam mekre salamat pandap mbang huak. Dom sang bac brei pasang iek catang asal di kaya pandap saong bruk ngak pandap mbang, khik ramik, pajeng ba pandap mbang huak.

 Hajan khang dalam 3 harei tapa ngak ka rilo labik jalan tapen tasik tỉnh Ninh Thuận njauk glut jaleih. Mban Salamat jalan mbak tỉnh brei thau labik njauk glut jaleih di xã Phước Dinh gah nao tame xã Phước Diêm, huyện Thuận Nam. Di dom labik jalan jaik tal xã Phước Diêm, rilo taneh, patau praong meng mangaok ceik taglung trun mbaok jalan, ngak kan kandah tal manuac saong radaih nao mai di jalan mbak. Jeng kayua hajan khang dui atah, rilo labik jalan di ban Phan Rang – Tháp Chàm, huyện Ninh Hải njauk ia dauk meng 2 tấc tal meteh mét.

Karja Indonesia daok samar pasiam dom khut tayah meng mbang megei baoh taneh khang 5,6 độ rah tabiak tuk biar harei 21/11 di Tây Java, megei baoh taneh ngak khut, tayah labaih 1.770 baoh sang, sa sang bac jaleih, điện klaoh, jalan mbak, talei phone jeng klaih klaoh. Takik di nyu labaih 56 urang metai saong labaih 700 urang njauk rambus, jaik 3.900 rahra di Cianjur lahik sang danaok. Gah tui iek bala meng langik tasik negar Indonesia tacei pato brei samar parabha pandap mbang menyum ka bhap bini.

Trung Quốc bahrau hu 3 urang metai kayua ruak COVID-19 di Bắc Kinh. Ini lac dom urang metai camriep kayua virus corona dalam 6 bilan tapa di taneh ia ini. Urak ini dom urang njauk ruak di Trung Quốc jeng daok tagok, yaom lac Sarak oh hu Covid-19 daok hu peih ngak catang. Ủy ban Y tế negar Trung Quốc brei thau, negar ini hu 26.824 urang njom dalam harei 19/11, jaik tal tanut tabung glaong di bilan 4. 

Dua urang hu jalan tagok ngak Thủ tướng Malaysia lac ong Anwar Ibrahim saong Thủ tướng dahlau daih Muhyiddin Yassin daok samar padang kapul pambuak gauk rilo di abih, hadei di mbang pilih ruah urang ka Quoc hội di harei 19/11 jhul taneh ia ini mbang camereip abih laik tame bruk oh hu đảng/liên minh halei hu tal 112 dalam abih tih 222 urang dalam Quoc hoi. Di Malaysia, Pato hu quyền tacei menuac tagok ngak Thủ tướng, menuac bo patao mboh lac taduan hu bruk pachreih tui di rilo urang abih dalam Quoc hoi./.