Ngak bruk haong Mban Thuong vu Tỉnh ủy Bến Tre ka bruk ba tabiak jalan pasang iek Mban Thuong vu Tỉnh ủy Bến Tre, ong Phan Đình Trạc, Ủy viên Mentri Chính trị, Bí thư Trung ương Đảng,Trưởng Ban Nội chính Trung ương caong khin dom urang di Kapol  pasang iek pambuak bruk khang kajap haong pakat ủy, gah Đảng, jabat, đơn vị hu pasang iek lac salah bruk ba tabiak saong dom asar kadha  njauk brei caik hatai piah bruk pasang iek hu siam, njauk tui hukum di Đảng ka bruk pasang iek njauk, lagaih. Bruk pamong tal tapa pasang iek lac piah rik tame ngak siam jang, lagaih jang Sarak Nyaom roya 13 di Đảng, Sarak Nyaom roya tỉnh Đảng bộ.  

Tui kuhria, 3 bilan akaok thun 2025, Sang bac Đại học Nam Cần Thơ brei peih pakak “Viện Ilamu prein yava DNC” padang dalam mblang bein sang bac di quận Ninh Kiều. “Viện Ilamu prein yava DNC” hu padang ngak haong yaom jien abih jaik 600 tỷ đồng. Viện glaong 10 tal, dalam nan, tal 6 saong tal 7 hu padang ngak yau sa Sang iek ruak dahlau meng lâm sàng (Sang iek ruak dreih yau lâm sàng). Tuk ba tame ngak bruk, hu daong ba Việt Nam jeng sa dalam dom taneh ia pato pakai menuac ngak hu angan je glaong samu haong dom sang bac đại học praong dalam bhum Đông Nam Á.

Pambuak tal bruk ngak pap uranaih di Mái ấm Hoa Hồng, tuk camereip Jabat Cảnh sát điều tra Công an Quận 12 mboh lac, 5 urang khik iek uranaih di Mái ấm Hoa Hồng ngak pap uranaih. Yau nan min di tuk pasang iek, hu mbaok 2 urang daok khik iek uranaih di labik ini. Ngak bruk haong jabat pasang iek, muk Nguyễn Thị Ngọc Cẩm taduan lac, hu rilo mbang taong paoh dom uranaih. Bruk ngak nan di muk Cẩm ginup lac duis “ Ngak pap urang karei” tui hukum di paka 140 Bộ luật Hình sự, nan ye kong an Quận 12 hu ba tabiak Sarak chap mek  amuk ini piah duah thau ngak brei cambaic laic.

Hajan rabuk tukvak tapa ngak khut sang danaok, bein phun mbang baoh di mikva urang ngak nong dalam tỉnh tỉnh Hậu Giang. Kuhria meng akaok thun tal ini, hajan rabuk ngak brei par 7 tabung pacang, jaleih 6 sang saong par tabung 33 baoh sang di bhap bini...  Langiu di nan, dalam tỉnh daok hu 22 labik glut jaleih atah abih tih 610m; taneh lahik 2.950 m2. Tui khuria, khat lahik kayua bala meng langik tasik lac jaik 4 tỷ 400 trieu đồng. Hajan praong dui atah, ia angaok dom kraong, ribaong meda tagok samar di tanut glaong; meng nan ia ndik meda ngak brei dauk dom labik, ngak kan kandah tal bruk nao mai, ngak mbang ngak huak di bhap bini. 

UBND TP. Phan Thiết, tỉnh Bình Thuận hu ba dom radaih saong jak ba manuac urang hu mbaok di labik mbon cuah bhong gah ngaok tuh trun jalan Nguyễn Thông di phường Phú Hài. Meng harei 3 tal harei 5/9 hajan khang ba tal cuah bhong meng gah angaok tuh trun jalan biak ralo cakak gar jalan. Gah chuc nang  hu mbaok di labik nan, piah cakak dom radaih oh brei tapa, yau nan min, hu urang peih radaih patuh khin tapa saong njuak cuah ba theik nao atah. Urak ini, di labik mbon cuah nan hu rilo radaih saok, radaih pajeng hu ba mai  piah kuac cuah tagok.

Rajaei Campuchia bahrau tabiak panuac brei thau ka bruk khau tin ja meda tagok rilo tuk gah chức năng duah mboh hu labaih 1.700 tin ja dalam 6 bilan akaok thun ini, tagok 12% duk haong tukvak ini thun blaoh. Urang brei panuac di Mintri Thông tin Campuchia kakei brei caik hatai ka khau tin suan, oh njauk, oh biak, piah ngak srau kadau dalam bhap bini, cagar veik rajaei Campuchia, ndom jhak dom urang dang akaok taneh ia.

Cộng hòa Dân chủ Công-gô, urak ini lac pasak jit ruak đậu mùa khỉ, meda taduan hu 100.000 mbang jru vaccine akaok meti piah pacang ruak ini. Labaih 17.500 mbang urang ruak saong  629 urang metai hu mboh di labik ini kuhria meng akaok thun saong urak ini, janih virut ini hu mboh takik di nyu lac 13 taneh ia châu Phi karei. Tui kuhria mboh dahlau abih tih 200.000 mbang jru hu klauk dalam adit ini. Ruak đậu màu khỉ ngak brei pandiak, pandik talang, saluak kalik yau tamuh baoh mun saong ngak brei metai.

Yaom pandap panda kaya mbang di ban Gaza, labik gaok kan kandah abih kayua eik lipa, daok tagok khang ngak ka urang Palestine meda lac oh ginup jien piah blei kaya mbang halei. 41 đôla tok blei hu 3 baoh bei prang di Gaza, dalam tuk dahlau mesruh, yaom oh ka tal 1 đô la. Yaom kaom dom kaya pandap pandar yaok harei tagok jang 4 mbang. Urak ini, labaih 495.000 menuac di Gaza daok dang anak bruk oh hu kaya mbang biak khang saong trak damak di abih./.