Di Mbang ginum biai ka 8, Quoc hoi mbang 15 peih tabiak di harei kabroi hu brei tapa Sarak di Quoc hoi ka bruk brei tapa harak caong di Thu tuong Rajaei ka bruk pok ngak dom Pho Thu tuong Rajaei vaktu 2021- 2026 ngan haong dom ong: Nguyễn Hòa Bình, Uy vien Mentri Chinh tri, Bí thư Trung ương Đảng; Hồ Đức Phớc, UVTƯ Đảng, Bí thư Ban Cán sự Đảng, Akok Mentri Jien padai; Bùi Thanh Sơn, UVTƯ Đảng, Ủy viên Ban Cán sự Đảng Rajaei, Bí thư Ban Cán sự Đảng, Akok Mentri Ngoai giao. Pho Thu tuong Hồ Đức Phớc daok ngak Akok Mentri Jien padai mbiah tal tuk hu ngak salah bruk pok ngak Akok Mentri Jien padai. Pho Thu tuong Bùi Thanh Sơn daok ngak veik Akok Mentri Ngoại giao.

Mintri Jien padai Việt Nam saong Jabat cak rok patagok France (AFD) bahrau mbaoh tangin tame Harak Sanya Danak dak “Padang ngak ar tasik biển Tây meng Cái Đôi Vàm tal Kênh Năm saong kè pacang caga glut jaleih takai tasik dom labik mbuan glut jaleih meng pabah kraong Ông Đốc tal pabah tasik Bảy Háp, tỉnh Cà Mau”. Danak dak hu abih tih phun jien labaih 31 triệu euro. Bruk ini piah peih ngak dom jalan langyah danak dak piah pacang caga glut jaleih takai tasik, pasiam veik glai njom ia mbak meng jalan lagaih haong langik tasik, gam tui di nan daong ka rahra lagaih haong pacang caga biến đổi khí hậu.

Urang ngak nong tỉnh Bạc Liêu daok tame bilan yuak padai He thu. Bilan padai thun ini yuak hu rilo, pablei hu yaom nan ye mikva biak uan tabuan. Padai yuak hu meng 6 tal 7 tấn sa hecta. Urak ini, padai tathak hu urang blei meng 7.600 – 8.800 đồng sa kilo, tui pajaih padai. Mbiah tal tukvak ini, urang ngak padai yuak hu labaih 7.100 ha dalam abih tih labaih 58.800 ha hamu padai He thu. Ngan saong padai yuak hu saong yaom padai yau urak ini, mikva hu laba labaih 60%.

Sở pato magru TP.HCM bahrau hu pato tacei, adat cambaih laih ka dom paok jien pataom mek akaok thun bac 2024-2025. Dalam nan brei thau dom paok jien pataom mek di dom labik pato magru oh hu salih angan saong tamuh tabiak dom paok pataom mek langiu di adat. Tanut pataom mek ini lagaih haong bruk anak mata di pak ini, mayah ramik tagok dut saong thun dahlau ye njauk langyah, tantu cambaih laih saong hu bruk njauk gauk di amaik ame anek saih. Sang bac daa anek saih gam hu mbaok tame pambuak gauk pasang iek, tui iek dom  jalan rami ramik pasiam veik ka nyu lagaih.

Dalam thun bac ini tỉnh Long An brei trun meteh jien bac ngan haong uranaih mam non umo ala 5 thun daok bac di dom sang bac mam non di karja saong bac oh abih jien taong abih anek dsaih THCS dom sang bac di karja dalam tỉnh. Meng thun bac 2025 - 2026 anak tal, tỉnh Long An brei bac oh mek jien ngan haong uranaih mam non umo ala 5 thun daok bac di dom sang bac mam non di karja dalam tỉnh. Abih di nyu, dom sang bac brei caik hatai tal labik  pato pakai, ramik ngak brei mekre meta  labik sang bac, bilik bac, laneng lahei, hacih sa-at, taduan raok anek saih tame thun bac birau.   

Hajan ia sua di dom labik pak Bangladesh ngak ka 23 urang metai, ngak kan kandah tal jaik 6 trieu urang saong ngak ka yaok ratuh ribau sang njauk panduan ba nao daok di labik karei. Dom khau tin di mangaok rayo papar binguk brei mboh rilo bhum labik taneh praong njauk ia dauk tuk ia kraong nduac tame meng adit blaoh. Hajan ia sua jeng ngak kan kandah tal bruk pala drak saong jalan mbak nao mai di rilo labik praong. Karja samar drah ba kapul pacang caga bala peih bruk daong duah, parabha pandap panda daong brei saong pasang iek dom pasak hu labaih mateh trieu urang daok plaih nyaih.

EE lac labik peih ngak mạng di động praong abih di negar Anh meda ba tabiak tacei pato birau kakei dom urang amaik ame juai brei uranaih umo ala 11 thun pandar samartphone. Tacei pato birau di kong ty hu kakei dom amaik ame tok brei ka uranaih pandar phone tangin piah payua tin nhan saong iew pang. Langiu di nan, brei hu bruk pasang iek di amaik ame ngan haong urang umo ala 16 thun saong takik pandar mạng xa hoi ngan haong uranaih umo 13 thun. Urak ini dom taneh ia brei pakauk anek saih pandar smartphone dalam tuk bac.

Sa bruk chi trich biak khang meng dom urang ngak gah alam langik tasik pamaong tal bruk urang kaya mada Elon Musk tuk brei kaoh labaih 500.000 phun hijao piah padang ngak sang mac Tesla pak Đức. Meng di bilan 5/2024, dom urang ngak gah alam moi truong hu panuac chi trich bruk peih praong sang mac saong kham marat nduac tame labik ini. Oh padeih di nan, yaok piluh urang trun jalan hu pataom gauk di gah langiu labik sang mac piah cagar veik danak dak dalam rilo bilan gam./.