Patui danak dak mbang nyaom 23, page ini 11/5, brei panuac tame harak pathau khan di Rajaei ka bruk peih ngak patak pataom, pacang palai pajua thun 2022, UB TVQH hu panuac brei pasiam dom cuang kandah, tavak tavaiy dalam bruk parabah, jao phun jien ngak mbang; peih bruk padang ngak, jao brei saong ba tame pandar, bayar jien, quyet toan njauk sumu tukvak dom bruk ngak tui Sarak ka 43, dom danak dak hu makna praong di negar saong 3 Danak dak pakat negar tui Sarak di QH. Gam haong nan, brei thau cambaic bruk di kapol nyaom, menuac urang dalam peih ngak, jhul khang bruk pacang caga tham  nhũng, tieu cuc, palai jien padai karja.

Mintri Công an caong ba rilo thông tin cá nhân tame CCCD. Dalam nan njauk caik hatai lac pabak adat ka bruk ba dom thông tin tame thẻ CCCD yau ye: thẻ BHYT, sổ BHXH, harak adat peih radaih, văn bằng, chứng chỉ, harak khai sinh, harak hôn thú. Ini lac dom bruk rilo meng tani tanat, hu pandar gam gam di rahra. Daok bruk ngak thẻ CCCD, Mintri Công an hu panuac caong pasiam, pabak tui jalan ngak lac neh tabiak karei ka rahra umo mala 14 thun saong rahra meng umo ginup 14 thun tagok.

Dom harei puac bilan 4, akaok bilan 5, padiak di Ban raya HCM dui atah, nhiệt độ glong ba tal bruk pandar pandap meng điện piah ngak la-ar tagok, meng nan bruk pandar điện gam gam tagok glong abih. Dalam harei 6/5 mboh lac hadom điện pandar tagok tal  94,802 triệu kWh, glong abih kuhria meng dahlau mai di ban raya. Tổng kong ty Điện lực Ban raya HCM pachreih bhap bini padar điện patak pataom, salamat saong oh brei tagok glong jien pandar điện njauk brei ngak tui 4 Njauk, nan lac: Njauk tuk, Njauk labik, Njauk bruk pandar gam haong dom jalan ngak karei.  

Langik pandiak dui atah ngak ka rilo sang daok di xã bhum tapen negar Bù Gia Mập, huyện Bù Gia Mập, tỉnh Bình Phước kurang ia pandar biak khang. Mboh hu bruk kan kandah ini di bhap bini, dalam dom harei tapa, Kapul Kinh tế-Quốc phòng 778 (Quân khu 7), Đồn Biên phòng, Bein pakat negar Bù Gia Mập pambuak gauk daong ia pandar yaok harei ka mikva daok dalam dom palei kurang ia hacih piah pandar, piah mikva tani tanat raidiuk, yam tapa kan kandah di bilan pandiak.

Harei 10/5 tỉnh Sóc Trăng hu sa urang ruak metai kayua COVID-19. Ini lac urang metai akaok meti kuhria meng akaok thun 2023 di Sóc Trăng lac kayua COvID-19. Meng akok thun tal ini Sóc Trăng hu 35 mbang urang njom COVID-19, dalam nan hu 13 urang hu taong dhit ruak. Urak ini gah Y te tỉnh  hu caga blaoh blai dom bruk jhak meda rah tabiak; pakhang bruk peih ngak dom jalan pacang caga  COVID-19 di dom labik pato pakai; dom labik y te saong bhap bini piah samar thau, langyah sumu, oh caik jit njom mbak tabiak saong tamuh di labik; pakhang bruk khik iek, dut iek ruak piah pacang caga COVID-19 di dom labik taong ruak. Tui nan, gah y te patui bruk brei klauk jru vaccine pacang COVID-19 ka urang di nyaom mbuan njom ruak glong.

Nyaom biai pakat glaong Kapul Dom taneh ia Đông Nam Á (ASEAN) mbang ka 42 peih tabiak di Indonesia hu brei tapa Tuyên bố ka bruk pacang pablei salih menuac saong pachot online. Panuac nan sa mbang tra brei mboh bruk njauk jhul patagok bruk pambuak gauk ngak samar drah di ASEAN dalam langyah dom kan kandah di anak meta saong di harei hadei  tamuh tabiak meng bruk pandar rilo công nghệ, pambak tame dom công nghệ bahrau saong daok cakrok. Tui hãng tin AP, kol pablei salih menuac saong kol pachot tapa mạng daok jeng bruk praong dalam bhum Đông Nam Á.

Kapol Chữ thập Đỏ saong Trăng lưỡi liềm Đỏ dunya brei thau, dom taneh ia chau Á meda dang anak rilo kan kandah, khat lahik kayua pandiak daok jeng bruk dalam tukvak anak tal. Bruk pandiak hu mboh di ralo taneh ia châu Á - Thái Bình Dương yau Malaysia, Nepal, Bangladesh, Ấn Độ, Thái Lan…nhiet đo glong abih jaik 45 độ C. Nhiệt độ biak glong haong khong khi jhak ngak kan kandah trak tal bruk ngak mbang di bhap bini, ngak jhak tal prein yawa yaok trieu urang tuk ralo urang ruak jalan suan yawa, pandiak tabiak darah, tim mach saong metai.

Urang jakar Mexico brei thau lac Mỹ pateok tabiak labaih 2 triệu 800 rabau urang “di cư” di dom pabah mbang negar dalam labaih 3 thun tui Paka 42, sa jalan ngak piah patrun patakik dom kan kandah pambuak tal jit praong COVID-19 meda abih tukvak dalam harei ini (11/5). Bilan 3/2020, Tổng thống Mỹ tuk nan, lac ong Donald Trump hu ba tabiak sarak brei patakik nhập cư tapa jalan tapen negar angaok thu, mangaok jalan mbak haong Mexico, piah pacang caga bruk njaom mbak jit COVID-19, daok hu ieu lac Paka 42. Dalam tuk Mỹ tabiak jalan ngak ini piah pacang cakak bruk njaom mbak di SARS-CoV-2, Mintri Nội vụ Mexico hu panuac lac bruk nan meda ngak brei trak damak jang mbang tamuh jit ruak kayua yaok rabau urang di cư mbuan gaok bala glaong jang meng dom bruk pateok tabiak rilo menuac./.