Page ini 14/2, Thu tuong Rajaei hu công điện payua tal dom Mentri nan lac: Kong an, Giao thong van tai; UB Salamat jalan mbak pakat negar; UB bhap bini tỉnh Quảng Nam samar pasiam bruk hadei bala ngaok jalan mbak rah tabiak biak trak di tỉnh Quảng Nam; samar pasang iek ngak brei cambiac laic kayua meng hlei ba tal bala, langyah catang dom kapol nyaom, urang ngak suan ba tal bala nan. Tui pathau khan samar meng UB Salamat jalan mbak pakat negar, mong 4 tuk page harei 14/2, di jalan ĐT 606 huyện Tam Hiệp, tỉnh Quảng Nam hu rah tabiak bala angaok jalan mbak biak trak kayua ô tô pajeng tuai hu biển kiểm soát 76B -000660 saong radaih pagam rơmooc hu bien kiem soat 92H-00433, 92R-00469 ginuh gauk; bala ngak metai 8 urang, rilo urang njauk rambuac.

Dah page ini (14/2), Mintri ngak nong saong patagok palei pala pambuak haong UBND tỉnh Lạng Sơn peih Mbang nyaom jhul khang bruk pablei salih kaya nong, kaya ikan Việt- Trung dalam tukvak bahrau. Dom urang lambaok hu ginum biai ka bruk ngak di Quảng Tây dalam bruk pablei salih di dua gah saong pamaong tal bruk paglaong bruk pambuak di Quảng Tây saong Trung Quốc; Dom adat di dua gah ka bruk pasang iek jit ruak di thực vật saong salamat pandap mbang ngan haong pandap panda hu asal thực vật pablei tapa Trung Quốc; Pablei tabiak kaya nong, pandap panda tame Trung Quốc…Rilo urang lambaok caong maong Mintri Công Thương saong dom gah chức năng bhian pambuak gauk ka khau tin ka dom sarak, jalan ba tabiak cak rok patagok pablei salih dunya, pambuak di doanh nghiep dua gah saong pato tacei doanh nghiep ngak njauk dom adat dua gah ka pandap panda, kaya nong pablei tabiak negar langiu.

Thau ka bruk ngak tabiak, pablei salih dalam dom bilan anak tal daok gaok rilo kan kandah, rilo doanh nghiệp di tỉnh Bình Dương daok patui bruk kham merat sangka ka raidiuk urang ngak meng dom che do phuc loi yau daong jien pah sang tro, daong urang ngak koing kumei, peih cửa hàng pablei pandap mbang trun yaom…Rilo doanh nghiep  daok sangka  raidiuk  akaok sahaneng ka urang ngak kong yau: peih bruk ndem meyai  di doanh nghiệp, da-a urang ilamu tam ly hu angan je mai tacei pato bruk daok dang ndem meyai saong jalan diukrai ka urang ngak kong, daong ba urang khang hatai jang dalam bruk padang raidiuk haniem phol; peih dom bruk ngak anit ranam, ba tangin haong gauk daong dom urang kan kandah piah padang ngak bruk jum pataom, pambuak gauk.

Di mbang ginum biai “padang ngak WebGIS pabak ka bruk khik ramik saong pathau khan khau tin, daong ka bruk quy hoạch, pataoh, salih angan jalan, danak dak rahra di TP.HCM” kayua Pasak roh duah đô thị saong cak rok patagok saong Pasak pandar khau tin địa lý TP.HCM hu peih tabiak di dah page ini (14/2), dom chuyên gia brei thau lac, urak ini ban raya hu jaik 400 angan jalan daok njauk salih. Dalam nan hu 311 jalan deih haong 132 angan jalan, 38 jalan oh njauk, 21 jalan oh hu makna. Rilo chuyên gia hu likau yaok angan jalan njauk hu sa mã QR piah quét tame lac hu khau tin.

Hadei rilo thun njauk khat lahik gam, bilan tabau 2022-2023 ini urang pala tabau di Trà Vinh hu laba, kayua tabau njauk bilan saong hu yaom. Urak ini, yaom tabau jnaih 10 chữ saradang hu kong ty blei yaom 1.200 đồng sa kilo saong yaom meda glong jang meyah tabau hu labaih 10 chữ saradang. Yaom nan, hadei tuk kaoh tabiak abih jien buh tame ngak urang pala tabau  labaih meng 30 tal 40 trieu dong sa hecta. Bilan tabau 2022 -2023 taneh pala tabau di Trà Vinh trun meng 5.000 ha trun daok labaih 1.100 ha. Kayua rilo thun yaom tabau tuk halei jeng biar, yau nan ye  urang pala tabau  salih tapa pala phun karei. Ong Trần Ngọc Hiền, Tong yam ndoc Công ty tabau saradang Trà Vinh brei thau, taneh pala tabau urak ini tok ginup ka sang mac di kong ty ngak bruk labaih 1 dalam 3 binah prein khang.

Dom paka bahrau abih hu Uỷ ban châu Âu pathau khan brei mboh lac, dom gah kinh tế par pandar jien gam saong gauk di châu Âu- Eurozone hu pacang caga siam jang abih di hatai caong ngan haong dom mbang sarau kadhau dalam thun 2022 nan ye meda plaih hu bruk suy thoái dalam tukvak katut, gam tui di nan jeng caong maong cak rok patagok kinh tế thun 2023 jeng hu patagok tal tanut glaong jang dut saong kuhria dahlau deih. Dom makna praong hu daong ka châu Âu plaih hu bruk suy thoái lac kayua gah kinh tế dalam kapul hu pacang caga hu haong mbang sarau kadhau năng lượng siam jang dut saong hatai caong. Dom bruk daok huac hana ka bruk kurang gah pabak khí đốt, meda lac njauk cakak dien salih di gauk oh hu peih tabiak, yaom khí đốt urak ini di tanut bier jang di tanut yaom dahlau di tuk rahtabiak bruk mesuh gauk di Nga-Ukraine.

Thủ tướng Malaysia Anwar Ibrahim birau brei thau, meda oh hu bruk brei ba tabiak thue pandap saong thue dịch vụ atau jien je pandar halei karei.  Salih tame nan, Rajaei meda duah jalan brei cakak trun jien daong ngan hong  dom urang jien duah tame glong saong dom urang kaya meda. Panuac nan hu ba tabiak dalam tuk jien cai pandar tagok glong ngak kan kandah tal bhap bini Malaysia. Ong Anwar Ibrahim, urang ngak Thủ tướng Malaysia meng bilan 11/2022, brei pasang iek veik taong abih Danak dak daong jien di Rajaei. Tui nan, Danak dak daong jien njauk brei daong dahlau ka dom nyaom urang jien mek tame biar takik.

Rilo athur glai di Australia daok dang anak bruk mbuan lahik nao kayua lahik alam raidiuk di bruk kaoh mek kayau saong khuah glai. Piah pacang caga haong bruk dak harei dak rahtabiak di urak ini, urang khik ramik sinh vật học Matt Stephens di taneh ia ini hu ngak tabiak labik kadauk ka yaok ratuh janih athur. Ini lac pandap panda Hollowhog, pandar piah kuac mek gilaong phun nhân tạo ngak labik daok saong labik caik manek ka athur. Gilaong nhân tạo ini cak rok patagok saong daok miat gam haong tukvak praong tagok di phun, abih di nyu nan lac lagaih haong alam môi trường. Dom chuyên gia sinh vật học jia lac jalan ngak ini meda daong ka athur glai raidiuk pamaong tame gilaong saoh di phun meda raidiuk anak bruk mbuan lahik nao di urak ini./.