Mbang nyaom ka 4 Quốc hội mbang XV rahtabiak dalam harei ini (2.3.2023) di Sang Quốc hội. Quốc hội brei tapa sarak pok ong Võ Văn Thưởng, Ủy viên Mintri Chinh trị, Thượng trực Mban Bí thư, ngak akaok negar CHXHCN Việt Nam tukvak 2021 – 2026.  Hadei di tuk pok tagok, akaok negar bahrau ong Võ Văn Thưởng hu tuyên thệ nhậm chức anak Quốc hội tui adat.

Hu labaih 91.000 anek saih tut angan mbang 1 Pakacah taong yaom prein bac di Đại học Quoc gia Ban raya HCM peih tabiak di harei 26/3 anak tal. Mbang 1Pakacah taong yaom prein bac di Đại học Quoc gia Ban raya HCM hu peih tabiak di 21 tỉnh, ban saong brei thau bruk pakacah di harei 4/4. Hadei di nan, blah web tut angan di Đại học Quốc gia TP.HCM hu peih brei ka anek saih pakacah Mbang 2 di harei 28/5. Thun ini, hu jaik 90 sang bac đại học, cao đẳng dalam negar  hu pandar tanut Pakacah taong yaom prein bac di Đại học Quoc gia Ban raya HCM piah palih ruah tame bac.

Harei 1/3, Tỉnh Đoàn Tây Ninh peih bruk tabiak mbaok, peih ngak bilan dam dara thun 2023, haong yaom jien di dom danak dak, bruk ngak jak ba dalam harei tabiak mbaok dalam tinh lac jaik 1,4 tỷ đồng, gam haong labaih 1.000 harei ngak halain hatain di  urang đoàn, dam dara. Ngan haong kadha “Dam dara Tây Ninh khang hatai yam tagok, nao dahlau dalam bruk salih số”, Bí thư Tỉnh Đoàn Tây Ninh Nguyễn Thanh Tùng ndom lac: Yaok urang doan, dam dara njauk  ba akaok nao dahlau dalam bruk dak padang kanja số, xã hội số, kinh tế số; eng drei paglaong prein số. Ini lac jalan cak rok patagok bruk ba akaok nao dahlau, halan hatian, sahneng duah bahrau di urang ranaih umo, rik daong peih tabiak rilo siam lagaih piah pasram, rik prein tame saong praong tagok.

UB bhap bini tỉnh Bến Tre, daok pok tagok Mentri Ke hoach saong Đầu tư, Mentri Jien padai pasang iek, pataom veik pok tagok Thu tuong Rajaei mbaoh tangin  brei ngak danak dak jalan tapen tasik pambuak tỉnh Bến Tre haong tỉnh Tiền Giang saong Trà Vinh piah ginup kadha peih ngak dom bruk patui di nan saong samar peih ngak danak dak. Danak dak hu ngak haong yaom jien tui kuhria lac labaih  8.409 tỷ đồng. Tapa nan, rik daong patagok  kinh te – xa hoi di dom tỉnh ini jeng yau di bhum taneran kraong Cuu Long.  

Piah patagok yaom glaong, tani tanat bruk pablei tabiak dom janih baoh kayau, Sở Ngak nong saong patagok palei pala tỉnh Bà Rịa- Vũng Tàu daok pato tacei, daong dom bhum palei, hop tac xa, doanh nghiep saong urang nong ngak tabiak dom bhum pala sa janih, padang  mã số bhum pala. Tal urak ini, Bà Rịa- Vũng Tàu hu 12 bhum pala phun mbang baoh hu pabak mã ngan haong mblang taneh praong labaih 528ha saong 2 labik papaok kaya nong hu pabak mã. Dalam thun ini, tinh meda daong pabak mã số bhum pala ka dom janih baoh kayau hu pala rilo yau ye: thanh long, durain…

Di tỉnh Đồng Nai bahrau hu sa urang metai kayua ruak pandiak tabiak darah. Urang metai lac amuk Đ.T.C., ndih tapui thun 1970 di xã Lâm San, huyện Cẩm Mỹ. Harei 17/2, amuk C. mboh glaih, pandik tung di labik thượng vị nan ye hu urang dalam sang ba nao iek ruak di sa bilik iek ruak gah langiu saong hu brei thau lac njauk laka di jalan tung pruac kayua vi khuẩn. Harei 19/2, kayua mboh ruak trak nan ye amuk hu urang dalam sang ba nao Sang iek ruak Chợ Rẫy, TP.HCM. Di pak ini, bác sĩ iek ruak saong hu brei thau lac njauk ruak pandiak tabiak darah trak. Dalam tukvak taong ruak mboh lac ruak di amuk C. oh trun saong mboh trak damak nan ye dom urang dalam sang likau ba urang ruak nao sang. Bier harei 26/2, urang ruak metai di pak sang.

Taong yam ndok gah Y tế dunya (WHO) brei mboh hatai pandik harao hadei di tuk nao rivang iek sa sang iek ruak di bhum tây bắc Syria, labik hu labaih 4.000 urang metai kayua bala magei baoh taneh biak trak damak di akaok bilan dahlau. Urang dang akaok WHO brei thau lac, dom pandap panda hu daong brei hu blaoh tapa dom pabah mbang negar jeng oh ginup piah daong ka dom urang njauk bala magei baoh taneh ini. Rilo sang iek ruak daok dalam bruk biakkan kandah kayua kurang pandap panda y tế saong jru tavao. 

Bhap bini ban New York (Mỹ) tatuak drei mboh hu tuyet laik kapal biak takik hu dalam bilan La-ar ini . Tuyet laik di Bein bingu Pasak  di ban dalam page harei 1/3 kapal labaih 4,6 cm. Ini lac mbnag akok meti  di ban ini mboh tuyet laik kapal  labaih 2,5 cm dalam bilan La-ar thun ini. Dom sang bac brei kareik pabah mbang,m dalam tuk ban daok caga ka mbang tuyet laik kapal abih. Jabat khik iek samar chip di karja ban New York jeng kakei bhap bini takik nao mai.

Peih ngak dom kadha pahat rup yau ye nao takai samar dalam 11 minit yaok harei, meda hu siam ka prein yava, daong patrunbruk mbuan njauk ruak tai baoh, ung thư saong dom makna karei ba tal metai lahik  glaong di abih. Kapul urang ilamo dunya hu pataom iek veik bruk meng 196 roh duah ngan haong 30 triệu urang brei mboh lac, yaok 6 urang metai aval meda hu 1 urang meda pacang caga hu mayah pahat rup takik di nyu 150 minit yaok adit ngan haong kadha pahat mbaih./.