Mbang nyaom ka 5, QH mbang XV hu peih tabiak di harei 22/5 tal saong tamat di harei 23/6/2023. Dalam mbang nyaom ini, QH brei pabak 2 danak dak hukum, 1 dự thảo sarak pok tagok QH pasang iek, brei tapa tui njauk jalan ngak di 1 Mbang nyaom yau: Danak Hukum pasiam veik, pabak dom paka di Hukum  Công an bhap bini; Danak dak Hukum Xuất cảnh, nhập cảnh di bhap bini Viet Nam saong Hukum nhập cảnh, xuất cảnh, quá cảnh, cư trú di bhap bini Viet Nam; Dự thảo Sarak pasiam veik, pabak Sarak ka 85 ka bruk mek phieu tín nhiệm, buh phieu tín nhiệm ngan haong urang hu chức vụ kayua QH, Hoi ndong bhap bini palih ruah atau mbaoh tangin brei ngak.  

Akaok UBND TP.HCM Phan Văn Mãi bahrau mbaoh tangin tame harak payua tal dom sở Jalan mbak pajeng ba, Nội vụ, Tư pháp, Công an TP, mBan salamat jalan mbak ban raya saong UBND dom quận huyện, ban Thủ Đức ka langyah bruk ngak di urang dang akaok saong pakat phó di urang dang akaok hu jao ngak bruk di jabat, kapul chức năng, kanja palei tui thẩm quyền khik ramik di UBND ban piah caik rahtabiak bruk ngak suan adat hukum ka bruk pandar mbaok jalan, takai jalan oh khik hu salamat jalan mbak ba tal bala jalan mbak. Ban raya hu jao ka dom puk palei jhul khang bruk pasang iek, khik ramik piah duah mboh, langyah catang dom bruk mboh lac ngak suan.

 Dom harei tapa, rilo po bein di Bình Dương haduh hatai anak bruk co klaik măng cụt metah. Kol nan oh lac paik baoh bo daok jaoh dhar, ngak jhak tal bein phun măng cụt. Ngan haong dom pandap mbang “ hot trend” yau laba măng cụt, măng cụt metah tut sara, măng cụt metah  daok hu rilo urang blei piah mbang, nan ye yaom kaom jeng tagok glong, labaih 80.000 đồng sa kilo măng cụt daok kanduh, hatai măng cụt meng 400.000 – 500.000 đồng sa kilo. Yau nan min, bruk paik măng cụt metah  ngak phun laman, jhak tal bilan hadei, yau nan ye di Bình Dương biak takik po bein pablei măng cụt meda.

Dalam tuk daok ngak bruk di tasik, 5 urang ngak di gilai, saong 1 urang peih gilau di Công ty tani tanat hàng hải Tây Nam bộ saong 3 urang mangaok gilai di Công ty điện lực tỉnh Kiên Giang di gilai BV 0257 gaok bala di bhum tasik Kiên Giang hu gilai pasang iek, daong duah urang njauk bala BP 20.19.01, di đồn Biên phòng Thổ Châu, Bộ đội Biên phòng Kiên Giang tabiak daong, ba tame ar salamat. Dahlau di nan, di  maong 2 jala pandiak harei 18/5, gilai pasang iek, daong duah urang njauk bala BP 20.19.01, di bilai Biên phòng Thổ Châu, Bộ đội Biên phòng Kiên Giang daok khik iek ye taduan hu tín hiệu ieu daong urang njauk bala meng gilai BV 0257, kayua ong Đinh Cao Ánh peih gilai.

Pahadar  133 thun Harei menek Chủ tịch Hồ Chí Minh (19-5-1890 - 19-5-2023), Muyim Hồ Chí Minh birau taduan rilo pandap quý ka Wa Ho meng di gauk gar  liệt sĩ Nguyễn Thị Triển (1940-1967), lac urang kumei bol lin cuh laik kapal haok trinh sát thaok binguk melam akaok meti di bol lin Mỹ melam 27-7-1966.  Meng bruk lac urang akok meti cuh laik kapal haok trinh sát thaot binguk melam,  Akok negar alin Huân chương Chiến công hạng 3 saong hu WaHo alain đồng hồ cuk di tangin. Min, urang kumei bol lin nan plang lahik  dahlau di tuk hu harak meyaom saong pandap meng payua mai palei. Pandap đặc biệt nan hu khik piah tani tanat, baoh sang iek yau drap ar praong.

Mintri Ngoại giao Mỹ bahrau ba tabiak dom panuac ieu kakei nao mai ngan haong rahra tuk nao du lịch di Ca-ri-bê saong Nam Mỹ di bilan pandiak ini. Mintri Ngoại giao Mỹ hu pathau khan dom panuac ieu kakei nao mai hu ba tabiak dalam 3 adit tapa ngan haong Haiti, Colombia, Gamaica, Chile, saong Peru. Panuac ieu kakei nao mai tal Haiti hu caik di tanut glaong abih ngan haong panuac kakei lac taneh ia ini hu maong mboh rilo bruk cap khik con tin ngan haong dom urang njauk bala lac rahra Mỹ.

Dom urang jak ba ka prein yawa saong alam noi truong di Lien minh châu Âu (EU) daok iew jak ba adat pakauk dalam bhum ngan haong đầu lọc pakao piah pacang caga njom nerak saong takik sauk pakao. Tui yaok kuhri di Gah Y te dunya,  đầu lọc pakao hala urak lac janih hareik ralo kadua hu duah mboh di tapen tasik châu Âu. Hà Lan  lac sa dalam dom taneh ia  nao dahlau dalam bruk brei adat pakauk  akok lọc palao. Akok Mentri cơ sở hạ tầng Hà Lan lac, sa adat pakauk eng drei di yaok sa taneh ia meda cagar veik hiệp định pablei salih tự do châu Âu, yau nan ye, brei njuak gauk hasa adat pakau dalam bhum taneh.

Rajaei Nhật Bản kuhria lac njauk jak ba labaih 3 ribau tỷ Yên (22,2 tỷ đôla) yaok thun piah peih ngak sarak sangka uranaih bo Thủ tướng Fumio Kishida hu ba tabiak. Meng bilan 3, rajaei Nhật Bản hu ba tabiak jalan ngak paglaong bruk sangka uranaih dalam 3 thun anak tal, piah ngak salih gilac bruk manek daok patrun min bruk daong ka paok jien sahui praong ini tapa tagok yaom jien je jeng ka oh cambaih laih. Tui jalan ba tabiak, rajaei meda peih praong kadung jien dalam 3 thun meng di thun jien padai 2023 - 2025 saong tani tanat paok jien njauk hu di puac tukvak sarak./.