Harei ini (11/10), hu peih tabiak mbang nyaom ka 7, Hội đồng bhap bini (HĐND) TP.HCM mbang X. Tui kuhria mbang nyaom ini, HĐND ban meda pasang iek tapa dom harak pathau khan di UBND ban pambuak tal gah đầu tư công saong rami ramik dự toán kadung jien kanja. Taphia di nan, brei panuac saong pasang iek tapa harak pathau khan ka yaom jien bac saong daong jien bac ngan haong gah pato pakai mầm non saong pato phổ thông công lập; sarak pambuak tal paok jien daong ka urang ngak tự do, sang kan kathaot, sang jaik kathaot njauk kan kadah kayua jit ruak COVID-19. Bruk njauk caik hatai nan lac, mbang nyaom ini, HĐND ban meda pataom prein tame ngak bruk nhân sự di UBND saong HĐND Ban raya HCM.

Uan Harei salih số pakat negar (10/10), tỉnh Cà Mau ba tame pandar Hệ thống brei thau bruk khik ramik taneh riya VNPT- iLIS. Tapa nan, dom khau tin ka taneh riya, bruk quy hoạch, yaom taneh jeng hu ba tabiak khan brei thau. Bhap bini meda mbuan hu mboh di mangaok phone tangin atau janih pandap halei hu pambuak Internet. Hệ thống hu padang ngak tui môi trường số, daong ka jabat  chức năng puk palei khik ramik taneh riya hu siam lagaih, saong daok hu daong ka rahra duah thau khau tin hu mbuan, sahnang.

Tapa 6 bilan peih tabiak, pabah mbang khau tin dịch vụ công saong Tổng đài 1022 – pandar Long An số hu taduan labaih 200 khau tin khan brei thau di bhap bini pambuak tal bruk mbang ngui saong raidiuk di bhap bini. Ngan haong dom khau tin pambuak tal bruk khiếu nại, tố cáo, Tổng đài 1022 hu ba tapa jabat chức năng langyah tui njauk thẩm quyền. Ini lac gah khau tin pambuak atah di karja cơ sở, daong pathau khan dom jalan ngak, sarak di Đảng, Kanja tal bhap bini.

Harei 10/10, rilo labik pablei xăng menyek di dalam tỉnh Bình Dương, Đồng Nai, Kiên Giang, An Giang, Đồng Tháp padeih pablei atau pablei takik, bhap bini biak glaih glar nao tal rilo labik meng blei hu xăng menyek. Daok di TPHCM, kuhria tal biar harei 10/10, hu 121 dalam abih tih 550 labik pablei xăng menyek oh daok xăng piah pablei. Kayua yau nan ye, UBND TPHCM pok panuac tagok Mintri Jien padai brei pasang iek saong  kuhri kuhria veik chi phí dalam bruk kuhria yaom kaom xăng menyek yau ye chi phí kinh doanh saong jien laba định mức. Gam haong nan, hu panuac caong Mintri Jien padai, Gilang pariak karja, dom jabat pambuak tal, daong langyah dom kan kandah di doanh nghiệp pablei salih xăng menyek.

Dalam melam 9/10 saong dah page 10/10, di huyện Hàm Thuận Nam, pasak thanh long di tỉnh Bình Thuận, hu hajan khang dui atah, ia hajan duk hu tagok tal labaih 170mm ngak dauk yaok ratuh héc ta thanh long di mikva urang nong saong yaok ratuh drei manuk ada metai, rilo mblang taneh pala njam patam jaleih, khut. Taong abih tih khut khat tuk camriep tui kuhria lac labaih 1 ty 6 rituh trieu đồng. Urak ini, mban pacang caga ribuk ia sua saong bala meng langik tasik di huyện daok pato tacei dom puk palei daong bhap bini tani tanat raidiuk hadei di tuk ia dauk sang danaok, abih di nyu nan lac yaok ratuh héc ta thanh long.

Thủ tướng Malaysia Ismail Sabri Yaakob tabiak panuac giải tán Hạ viện mbang 14, peih jalan ka bruk tổng tuyển cử dahlau tukvak. Tui hukum, nhiệm kỳ di Hạ viện mbang 14 di Malaysia dui atah tal bilan 7/2023 saong tổng tuyển cử hu peih tabiak dahlau di bilan 9/2023. Yau nan min, meng bruk brei giải tán Hạ viện, Malaysia njauk peih tổng tuyển cử dalam 60 harei.  Ủy ban bầu cử Malaysia meda samar brei thau tukvak pilih ruah menuac ka Hạ viện.

Bol bala negar Somalia (SNA) brei thau lac dom kapul di taneh ia ini pametai hu labaih 200 phiến quân al-Shabab dalam sa bruk hu peih tabiak sa harei dahlau nan di ban Bulaburte. Dom bilan jaik di ini, dom kapul rajaei Somalia saong Liên minh châu Phi hu peih paha rilo labik tabiak truh tangin kol phiến quân, min kol al-Shabab jeng daok pasang iek dom bhum di gah maraong saong gah kreih negar di taneh ia Đông Phi ini.

Sa urang roh duah ilamu di Trung Quốc bahrau duah mboh phun kayau taha, praong, glaong labaih 83 mét, hu duah mboh dalam glai tamo di Sát Ngung. Tui kuhria mboh, phun kayau ini hu meng 380 thun dahlau. Di bilan 5 meng bloh, dom urang ilamu jeng duah mboh dom phun biak praong, glaong labaih 75 mét dalam glai Sát Ngung. Phun kayau taha, praong, glaong abih hu mboh di dunya lac phun hồng sam tamuh di California, Mỹ, glaong jaik 116 mét, samu haong sa baoh sang glaong 40 tal./.

Urang lang: Thu Thảo & M.P – 11/10/2022