Harei ini 4/6, di mbang nyaom ka 7, Quoc hoi tame bruk tangi sua saong javap calei dui atah 2 harei meteh. Sa dalam dom bruk dom kadha hu urang Quoc hoi sangka saong tangi sua lac gah ilamo, the thao saong dulich, cambiac laic yau: bruk pato pakai saong sarak ngan haong urang pakacah the thao; Duah bruk ngak ka urang pakacah, nghe si hadei tukvak pakacah, parang iek tabung glong; Bruk roh duah pandar ilamo, sajarah di taneh ia piah cak rok patagok kong nghiep ilamo, sarak jak ba prein khang  xã hội dalam bruk cak rok patagok dulich.  

Di TP.HCM, mbang pakacah pilih ruah anek saih tame tal bac 10 thun bac 2024-2025 peih tabiak dalam 2 harei lac 6/6 saong 7/6, hadei di nan lac mbang pakacah tamat THPT pakat negar di harei 27/6 saong 28/6. Piah khik kajap bruk pabak điện gam gam, tani tanat, duh siam ka mbang pakacah pilih ruah anek saih tame tal bac 10 saong pakacah tamat THPT thun 2024, Tổng Cty Điện lực TP.HCM (EVNHCMC) ieu dom Cty Điện lực padang jalan ngak saong khik kajap điện di dom labik peih pakacah di dalam ban raya. Gam haong nan, pasang iek veik taong abih bruk pabak điện di dom labik tabiak đề saong in sao đề thi, dom labik pakacah, labik chấm thi, dalam nan hu jalan pabak điện di sang bac.

Hadei di 15 thun dak padang palei pala birau, huyen Xuân Lộc, tỉnh Đồng Nai mek hu tanut chuan palei pala birau. Thun 2014, Xuân Lộc lac huyện akaok meti di taneh ia mek hu tanut chuan palei pala birau. Thun 2018, huyen ini jeng hu TƯ palih ruah lac sa dalam 4 labik dalam negar peih ngak iek bruk padang ngak palei pala birau kieu mau. Dalam dom thun tapa, Xuân Lộc ngak hu rilo bruk praong, jien mek tame kuhria yaok tui akok manuac  dalam huyen tal thun 2023 hu 90 trieu dong sa urang sa thun, ta-eng bhum palei pala  hu labaih 83 trieu dong, tagok 45,9 trieu dong dut saong thun 2014.

Peih ngak Sarak 05/2019/NQ-HĐND ka bruk dui pachreih, daong pato pakai paglaong ilamu menuac ngak dalam tỉnh, hadei di 5 năm, Bình Dương dui pachreih hu 109 urang hu ilamu bac ta-a meng đại học tagok mai tỉnh ngak bruk. Meng yaom daong 400-600 triệu sa bác sĩ mai ngak bruk di Bình Dương tui Sarak 05/2019 ye yaom jien buh tabiak lac labaih 38,5 tỷ đồng. Jeng tui bruk daong meng Sarak 05, dalam 5 thun tapa, labaih 49.000 mbang urang jakar, công chức, viên chức di Bình Dương hu brei nao bac megru, paglaong ilamu dalam taneh ia haong yaom jien sahui daong labaih 102 tỷ đồng.

Muyim tỉnh Lâm Đồng daok peih pabah mbang oh mek jien labik yaih khan ilamo - alat ragam dom tỉnh Lâm Đồng. Ini lac bruk ngak dalm dom bruk di Adit ameh dulich Lâm Đồng mbang ka 3 thun 2024. Pak ini, yaok labik parang iek hu yaih khan ilamo dalam tỉnh yau: dom labik padang bruk ngak meng kan, menyim khan bai bangsa, pak, padang ngak veik dom rija roya…Labik yaih khan ilamo - alat ragam dom bangsa tỉnh Lâm Đồng peih pabah mbang tal harei 6/6/2024.

Harei kabroi (3/6), Đại sứ Việt Nam di CH Séc Dương Hoài Nam hu mai ravang saong ngak bruk haong ban Plzen saong bhap bini urang Việt daok diukrai, ngak bruk di pak ini. Meng hu 3.500 urang Việt daok di pak ini, meblah 40% dom urang negar langiu, lac jalan lagaih piah jhul patagok talei rohim di dua taneh ia cakrok patagok. Tukvak tapa, langiu di bruk kham merat peih ngak dom bruk pato saong bac sap Việt ka dom rai ka 2,3; Kapul urang Việt Nam daok di Plzen daok hu peih rilo bruk ngak khik ramik ilamu Việt, tapa nan, pambak tabiak dom siam mekre di taneh ia, anek menuac Việt Nam brei ka menuac sia pak ini thau tal.

Vien Bầu cử Taneh ia Mê-hi-cô (INE) khan brei thau bruk yaok pataom phieu tapa nan mboh lac urang dahlau daih ngak Thị trưởng Mexico City, amuk Claudia Sheinbaum mek hu rilo phieu abih hu jayak praong dalam mbang palih ruah  peih tabiak harei 2/6 tui tukvak pak ini. Tapa nan, amuk Claudia Sheinbaum, Thị trưởng Mexico City dhlau daih  hu jeng urang kumei tagok ngak Tổng thống akok meti  dalam sarajarah  taneh ia Bắc Mỹ ini. Tổng thống birau tame ngak bruk di drei meng harei 1 bilan 10 anak tal.

Sa langyah  bahrau hu khan brei thau di mangaok Tạp chí di Hà Lan kayua Viện Dinh dưỡng saong mbang uan peih ngak, brei mboh lac bruk mbang pandapngak samar drah meda pambuak tal 1/3 menuac takik ndih hu dalam bol bhap rahra. Pandap ngak samar urak ini hu biak rilo di vil val kol drei yau ye giăm bông, xúc xích, ia menyum hu ga, kem, ahar kẹo…Iek tui bruk di 39.000 menuac, dom urang ilamu mboh lac 20% menuac oh ndih var hadei di pabak tame 16% năng lượng meng pandap mbang ngak samar./.