Di mbang nyaom ka dom bruk praong piaj langyah, taduan, rami ramik pasiam veik, ngak salah dự thảo Sarak di Quốc hội ka bruk ngak iek dom jalan ngak sarak angan je piah cak rok patagok Ban raya Hồ Chí Minh di Ủy ban thường vụ Quốc hội hu peih tabiak di dah page ini (15/6), Akaok Quốc hội Vương Đình Huệ brei thau lac; dom danak dak hu angan buh jien tame đầu tư công ban raya patui veik rami ramik phun jien; daok ka oh hu angan đầu tư công ye Hội đồng bhap bini ban raya hu thẩm quyền pabak tame angan. Pambuak tal bruk biyar jien harak pambuak gauk ngak Padang ngak - Chuyển giao (BT), akaok Quốc hội hu ieu kakei patui veik pasang iek dom cơ sở chính trị, thực tiễn saong bruk deih yau gauk ngan haong dom danak dak hukum, roh duah panuac likau dalam bruk pandar kadung taneh biyar ka taong abih tih dom danak dak BT. Di sarak ưu đãi urang buh jien tame jalan ngak, ieu kakei roh duah veik 1 paka peih ngak biak catang, ngak sir cơ sở chính trị, pamaong tame pháp lý.

Mbang pakacah tamat THPT thun 2023 peih tabiak dalam dom harei lac 27, 28 saong 29-6 saong hu peih ngak yau thun 2022. Harei brei thau ka bruk pakacah lac di mon 8 harei 18-7; salah bruk pilih ruah brei harak tamat THPT suai abih lac di harei 20-7. Tui Mintri Pato Megru, bruk in tabiak, pajeng ba, khik piah đề thi, dom tỉnh ban brei khik kajap siam mekre, salamat, padang ngak labik saong pandap pabak ka bruk chấm thi. Peih bruk chấm thi njauk tui adat ba tabiak payua harak gar chấm thi mai ka Mintri

Tui Mintri Y tế, Gah Y tế dunya (WHO) di Việt Nam, Kadung jien Uranaih Liên Hợp Quốc meda hu hu daong ba samar drah ka Việt Nam ka 200.000 mbang vaccine 5 dalam 1 piah klauk ka uranaih dalam umo tui adat. 9 janih vaccine dalam Danak klauk jru peih praong hu ngak tabiak dalam taneh ia, urak ini dak abih vaccine DPT (mbang klauk kakei veik ka uranaih umo meng 18 - 24 bilan). Min, tukvak kurang vaccine ini jeng daok dalam tukvak uranaih ka oh tal tukvak klauk kakei veik. Kayua yau nan ye, meng di tuk hu peih ngak bruk to yaom, pablei salih vaccine ye jeng daok samu piah hu vaccine DPT piah klauk ka uranaih tal umo 24 bilan thun.

Pambuak tal bruk khut labik “gối cầu” jalan metro ka 1 rah tabiak di bilan 10/2022, mesup ini (15/6), mBan khik ramik jalan pasei đô thị TP.HCM, po padang ngak danak dak brei thau, bruk pasiam veik labik khut nan hu ngak salah bloh. Dalam pathau khan dut iek di “gối cầu” kayua Liên danh Sumitomo-Cienco 6 (SCC) pok tagok hu ndom lac: Dom gối cầu urak ini biak tani tanat “oh hu bruk megei nao mai halei njauk menyai di gối cầu hadei di tuk “hàn – tari” pagam haong jalan ray saong dalam luac tukvak nduac iek meng blaoh”.  Jalan metro ka 1 (Bến Thành - Suối Tiên) urak ini ngak hu labaih 95% abih tih dom bruk, tui kuhria hu nduac iek di tuk lễ 2/9/2023.

Mblang taneh mbum tabau ngak saradang di Trà Vinh mboh daok  tagok gilac veik, hadei di rilo mbang trun gam gam kayua urang nong ngak khat lahik. Mbang pala tabau thun ini hu jaik 200 ha tabau hu pala bahrau, mblang taneh pala hu jaik 1.200ha, tagok labaih 200ha so dut saong mbang tabau thun dahlau. Makna lac kayua mbang bahrau blaoh urang nong ngak tabiak hu laba, gam tui di nan Công ty Cổ phần tabau saradang Trà Vinh hu sarak daong piah cak rok patagok pandap panda tabau.

Tui pasak Dữ liệu ia saong Khí hậu negar Thái Lan, ia dalam dom danao praong padang ia di Thái Lan daok di tanut mboh duh hatai, tok hu 19% piah pandar saong pruh ka phun pala, khik caga sinh thái. Labik kraong Chao Phraya caong hu 12 tỷ mét khối ia dalam bilan thu saong akaok bilan hajan, min urak ini abih tih ia di  4 danao praong di Thái Lan tok pabak hu 4,5 tỷ mét khối ia. Urang jakar ngak praong di Thái Lan caong lac meda pabak hu 7,5 tỷ mét khối ia dalam tukvak 140 harei daok veik di bilan hajan thun ini.

Tui Pasak Yaok pataom saong Dữ liệu di Kapul Điện lực Trung Quốc, ​​dalam mbang tabung glaong di bilan Pandiak thun ini cung cầu điện năng negar ini meda khik tani dalam bhum sit, bhum mbuan rahtabiak bruk kurang dien di tukvak tabung glaong. Tui kuhria, bilan Pandiak thun ini, gah Tây Nam saong kreih negar Trung Quốc meda hu takik hajan jang saong nhiet do glaong jang. Mbang hajan rilo labik trun meng 20%-50%, dom labik rahtabiak pandiak biak khang. Dom hajan takik meda ngak kan kandah tal bruk pabak saong parabha dien.

Dom sinh viên meng Đại học San Marcos saong dom urang roh duah tuk camereip duah mboh mbuk saong hộp sọ di xác ướp dalam tuk kuac raok, roh duah, dahlau di tuk duah mboh binah daok veik di xác ướp pak labik kuac raok di Lima. Rilo janih pandap karei hu dar, lam haong xác ướp lac tangei, hala cô-ca saong dom janih asar bo urang jia lac sa binah di pandap ngak adat paling yang. Urang roh duah angan Miguel Aguilar ndom lac: Kol dahlak duah mboh sa baoh kubo klak hu xác ướp di urang hu asal Tây Ban Nha. Nan lac sa baoh kubo patau. Nyu hu umo thun jaik 3.000, saong meda lac di saman ilamu Manchay – sa ilamu biak cakrok di dom thung lũng di Lima meng 1.500 tal 1.000 thun dahlau Công nguyên.