Rilo anek hu gru pato kakei dahlau di tuk tame pakacah 

Pathau khan haong QH anak mbang tangi sua page ini 9/6, Akok Mentri jalan mbak pajeng ba Nguyễn Văn Thể brei thau, anak dom bruk ngak hu cambaic laic tapa bruk mek jien jalan điện tử oh padeih radaih dut saong bruk yer jien tapak, mbiah tal ini, taong abih dom balai mek jien ginup pandap piah pagam jam raih, ba tame pandar mek jien điện tử oh padeih radaih. Hu 113 balai mek jien dalam negar hu ba tame pandar mek jien điện tử oh padeih radaih, dalam nan, Mentri Jalan mbak pajeng ba  khik iek 69 balai, bhum palei khik iek 44 balai. Ong Nguyễn Văn Thể mboh lac, meda ngak njauk tui Sarak pambuak BOT hu mbaoh tangin blaoh, brei adat dom danak dak hu mek jien tui tuvak dalam sarak pambuak bruk dalam thun 2022.

Mbang pakacah  tamat trung học phổ thông thun ni  hu rah tabiak dalam 2 harei lac harei 7 song harei 8 bilan 7. Tui yaok pataom di mintri pato megru, dalam negar hu labaih  1 triệu 2 ribau  anek saih tut angan tame pakacah, tui kuhria harei brei thau kết quả pakacah tốt nghiệp lac harei  24/7. Kadha pakacah tamat trung học phổ thông thun ni, oh tabiak di binah ilamu  tinh giản dalam 3 thun bac njauk kan kandah kayua jit  COVID-19. Nan lac, panuac ndom di urang lambaok mintri pato megru dalam nyaom biai online di harei kabroi ka bruk peih mbang pakacah  tamat THPT thun 2022.

Dalam tỉnh Đồng Tháp hu labaih 1.000 ha taneh pala sen - caraih, pataom ralo di dom huyen : Tháp Mười, Cao Lãnh, Tam Nông, Tân Hồng saong Lấp Vò. Yau nan min, labaih 4 thun jaik ini, rilo taneh pala caraih ruak bruk gha, hlak mbang hala ba tal trun asar, ngak brei mikva urang nong  khat lahik. Mikva pala caraih daok haduh hatai  kayua oh ka jalan pacang caga atau jru taong ruak nan ka phun caraih.

Ban Chấp hành Đảng bộ tỉnh Bình Thuận mbang XIV hu peih nyaom biai piah pasang iek, duah thau trách nhiệm  song kỷ luật dom urang đảng ngak suan, ngak labaih, kurang. Tui nan, tabiak bruk Cảnh cáo ong  Xà Dương Thắng, Tỉnh ủy viên, Bí thư Huyện ủy Bắc Bình, Bí thư Đảng ủy Sở padang ngak dahlau daih , Yam ndok  Sở padang ngak dahlau daih. Langiu di nan, dok hu dom urang karei njauk kỷ luật meng bruk Khiển trách.

Cong an tỉnh Bình Phước pambuak saong Công an huyện Bù Đăng, tỉnh Bình Phước daok duah thau piah ngak brei cambaic laic  bruk metai di ong Nguyễn Thanh Tuấn , umo 46 thun, daok di xã Bình Minh, huyện Bù Đăng njauk jru mek kayua mbang ikan padoc ikan caklaic. Dahlau di nan,  harei 6/6, ong Tuấn  blei ikan caklaic mai mbang nhau haong gauk. Hadei tuk mbang menyum baloh, ikan daok labaih piah tame tu, oh khik piah la-ar. Tal biar harei 7/6, ong Tuấn mek ikan caklaic tabiak am veik piah mbang. Min hadei di tuk mbang blaoh, ong glok ta-ok rilo, thaoh tian hu darah saong hu urang dalam sang ba tame iek ruak chip. Tal jalan pandiak harei 8/6, ong Tuấn metai.

Tổng Thư ký Liên hợp quốc (LHQ) Antonio Guterres hu panuac lac bruk mesruh gauk di  Ukraine meda ba tal bruk srau kadau dalam xã hội song  kinh tế di dunya, tui nan ngak brei trak damak jang dom kan kandah di dom mbang srau kadau karei bo dunya dok dang anak, lac biến đổi khí hậu, jit prong COVID-19 song bruk likei kamei oh samu gauk. Ong ndom lac bruk mesruh gauk gam song dom bruk khủng hoảng karei, dok mbuan ba tal "sa bruk eik lipa oh ka bhian mboh, dui tui bruk srau kadau gah  kinh tế song  xã hội".

Harei 8/6, Tong yam ndoc WHO Tedros Adhanom Ghebreyesus  brei thau hu labaih 1.400 mbang urang ruak đậu mùa khỉ dalam thun ini di châu Phi saong 66 urang metai. Yau nan min, dom taneh ia di dunya tok caik hatai tal ruak đậu mùa khỉ tuk mboh hu urang ruak di dom taneh ia kaya meda. Yaom lac ruak đậu mùa khỉ mbuan njom mbak di dom labik biak takik mboh hu manuac ruak, min ong Ghebreyesus ndom lac ruak ini meda pacang caga hu di tukvak urak ini.

Brei panuac di tuk peih bruk padang ngak, pasiam veik quân cảng Ream, di tỉnh Preah Sihanouk  harei  8/06, Phaok Thủ tướng gam lac akaok mintri  Quốc phòng Campuchia Tea Banh brei thau: "Hu urang lac căn cứ Ream tuk ngak pasiam bloh hu bol bala Trung Quốc pandar. Oh, oh njauk yau nan". Tui akaok mintri  Quốc phòng Tea Banh, Campuchia oh brei adat ka taneh ia halei padang căn cứ quân sự di negar ni, kayua bruk nan lac ngak suan hukum negar di Campuchia./.

Urang lang: Ái Nghiêm -Hanipha- 9/6