Tukvak tut angan puac di abih lac harei paguh 23/8

Mbang tut angan hatai caong pilih ruah tame ĐH thun 2022 hu tamat di biar harei 20/08. Dom anek saih halei gaok bruk langiu hatai caong bo oh ka tut angan hu hatai caong pilih ruah tame dom sang bac ĐH, meda payua harak mai labik:  pvluong@moet.gov.vn  di Vụ Pato pakai ĐH, Mintri Pato Megru. Tukvak tut angan puac di abih lac harei paguh 23/8. Mintri Pato Megru jeng brei dui atah tukvak bayar jien lệ phí tut angan pilih ruah ngan saong dom hatai caong pandar jalan pilih ruah iek tui bruk pakacah tamat THPT hu ngak meng harei 24/08 tal 17 tuk harei 31/8.

Urak ini bruk klauk jru vaccine COVID-19 di dom tinh ban oh ka hu yau bruk ba tabiak, abih di nyu nan lac mbang klauk ka 3, ka 4 saong klauk ka uranaih umo mala 12 thun. Dalam tuk nan dom urang njauk ruak COVID-19trak daok tagok, urak ini dom urang ruak trak saong metai ka oh klauk vaccine COVID-19 meblah meng 23-25% di dom gah. Kayua yau nan ye, Mintri y te hu ieu kakei dom tinh, ban pasang iek, padang angan khik tamik, tui iek saong klauk vaccine ka dom urang umo praong thun, urang hu ruak dahlau dalam rup tui njauk tukvak piah khik tani tanat kein lagaih di vaccine.

Tỉnh Sóc Trăng kuhria padang jalan radaih tapen tasik pambuak Trà Vinh, Bạc Liêu saong pambuak pagam haong labik patagok kinh tế Đông Tây. Danak dak lac jalan pakat II, atah abih tih labaih 85km. Akaok jalan meng tatua Mỹ Thanh 2 pambuak haong jalan roya Nam Sông Hậu saong nduac rah tui takai tasik di ban sit Vĩnh Châu, jhung jalan pambuak tame jalan mangaok ar tasik di tỉnh Bạc Liêu. Tuk jalan ngak salah bloh, hu daong pacang ia mbak, ia ndik, lagaih haong biến đổi khí hậu.

Tỉnh Bình Dương daok samar drah brei biyar paok jien daong pah sang ka urang ngak tui Sarak 08 di Thủ tướng Rajaei. Urak ini tinhbahrau biyar hu ka jaik 176.000 urang ngak ngan haong paok jien labaih 180 tỷ đồng (samu 26% dut saong yaom jien daong lac 692,3 tỷ đồng). Tui Sở Lao động-Thương binh saong Xã hội, makna di bruk biyar jien daok bier lac kayua bruk rami ramik, pandar yaom jien peih ngak sarak daok suai nan ye ka oh mai tal tangin urang ngak.

UB pasang iek Tỉnh ủy Đồng Nai brei duah thau bruk amuk Huỳnh Kim Yến, diuk ong Dương Minh Dũng - Bí thư Huyện ủy Long Thành blei, pataom taneh ngak nong di labik taneh hu quy hoạch ngak danak dak. Dahlau di nan, di tỉnh Đồng Nai hu báo chí brei thau ka bruk amuk Huỳnh Kim Yến haong amuk Huỳnh Quyên Thu (adei di amuk Yến) blei labaih 10ha taneh ngak nong di xã Phú Hữu, huyện Nhơn Trạch saong 2 urang nan dang angan jaik 30 sổ đỏ. Dom taneh ini jeng daok dalam quy hoạch danak dak labik daok Phú Hữu, hu UB bhap bini tỉnh Đồng Nai tabiak harak mek veik taneh meng bilan 5-2013.

 Mintri Nội vụ Campuchia bahrau peih tabiak danak dak pasang iek veik urang negar langiu daok dalam taneh ia saong daong ka dom urang njauk bala di bruk pablei salih manuac. Dom urang jakar Campuchia brei thau lac meda paglaong dom bruk pasnag iek piah pacang caga haong bruk pablei salih manuac saong dom kapul tội phạm pagait pachot manuac urang negar langiu mai taneh ia ini ngak bruk suan adat hukum. Jabat chức năng Campuchia hu padang ngak jalan pandiak meng sap Khmer, sap Trung Quốc saong sap Anh piah ka dom urang njauk bala pathau khan veik, gam tui di nan jeng sanya lac daong ka dom urang njauk bala.

Tui jabat pacang caga samar drah bala meng langik tasik di tỉnh Thanh Hải, Trung Quốc, kuhria tal biar harei 21/8, dom menuac metai kayua ia sua di Thanh Hải melam 17/8 meng bloh tagok tal 26 urang, urak ini jeng daok hu 5 urang lahik. Labaih 1.500 baoh sang saong 6.200 menuac gaok kan kandah. Gah chức năng daong hu 23 urang lahik kayua hajan ia sua. Trung Quốc daok dang anak rilo bala kayua hajan ia sua gam haong pandiak bhang di rilo labik karei di gauk.

Hu veik 4 sruh gilai pajeng pandap panda hu tabiak truh pabah lamnge di Ucraina, patagok dom sruh gilai tabiak truh pabah lamnge du Biển Đen di Ucraina tui sanya pablei ngu coc tabiak negar langiu kayua Liên hợp quốc ngak trung gian tagok 31 gilai. Dalam tuk nan, Tổng thư ký Liên hợp quốc Antonio Guterres hu nao rivang Pasak rami ramik di Istanbun (Thổ Nhĩ Kỳ), kapul pasang iek bruk pablei ngu coc tabiak negar langiu di Ucraina. Gam haong nan ndom lac, bruk ba veik pandap panda saong khak drak di Ucraina saong Nga tabiak dunya lac biak njauk ngak piah tani tanat yaom kaom darak pasa pandap panda saong trun yaom ka urang pandar./.

 Urang lang: Thu Thao & M. Phuong – 22/08