“TPHCM njauk roh duah peih veik 3 jalan metro birau pambuak mblang kapal haok  Cần Giờ”- dom đơn vị roh duah ba tabiak bruk angaok nan  di mbang ginum  di  Sở jalan mbak pajeng ba Ban raya peih tabiak, biai ka bruk pasiam veik dom jalan mbak dalam đô thị, jalan pasei pambuak dom bhum, dom jalan pasei dalam negar tame Ban raya. Dom panuac ba tabiak nan  hu pasang iek langyah, ba tame Đồ án  pasiam bruk Quy hoach padang Ban raya HCM tal thun 2040 saong pamong tal thun 2060, jeng yau piah dom tỉnh Bhum ĐNB pasang iek, ba tame asar kadha  Đồ án pasiam veik Quy hoạch di dom tỉnh. Ta-eng jalan pasei  dalam đô thi, dom nyaom roh duah, likau brei hu jalan pasei  pambuak dom sang ga pajeng tuai  di Mblang kapan haok  dunya Tân Sơn Nhất piah tame tal pasak  Ban raya HCM saong Thủ Thiêm, pambuak Mblang kapal haok dunya Long Thành.

Cty TNHH Caty Food hu jabat di TP.HCM saong Cty Cổ Phần Khỏe đẹp 365 hu jabat di Mỹ bahrau mbaoh tangin pambuak bruk độc quyền pablei di Hoa Kỳ mì mbang chip hu asal baoh thanh long dalam nan.  Mì ini hu angan ieu lac  Caty saong VinaCaty. Dalam Mì hu asal baoh thanh long lac pandap kayua Sang bac Đại học Công thương TP.HCM, Viện Khoa học Kinh tế & Công nghệ Sài Gòn (IST) pambuak gauk roh duah jalan ngak saong pasang iek, piah patagok jang yaom di nyu saong hu labik pablei ka baoh thanh long. Lô pandap mẫu camerteip abih hu ba tapa Hoa Kỳ di bilan 6 meng blaoh. Hadei di tuk mbaoh tangin tame harak pambuak bruk, lô pandap ka 2 tui kuhria hu ba tapa meng 2 container 40 feet.

Lien doanh po dau tu Tổng Công ty Phát điện 1 (EVNGENCO1)saong Lien daonh Viet – Nga (Vietsovpetro) birau po panuac tagok urang pan akaok tỉnh Trà Vinh ka bruk buh jien tame danak dak pasak điện hangin hu prein khang 2.000MW di labik  tasik di tỉnh. Bruk ba tabiak nan hu Bí thư Tỉnh ủy Trà Vinh - Ngô Chí Cường njauk hatai ka jalan peih ngak saong brei ka 2 doanh nghiep  nan peih bruk pasang iek di bhum tasik di tỉnh. Mbiah ini, Trà Vinh hu 5 danak dak điện hangin  hu ba tame talei điện pakat negar ngan haong prein kahng 322MW.

Urak ini cuah mala kraong di tỉnh Tiền Giang daok biak rilo, dalam tuk nan bruk caong pandar cuah dalam padang ngak lac biak glaong. Nan ye tỉnh Tiền Giang daok peih ngak dom bruk piah samar mek cuah pabak ka dom danak dak padang ngak praong saong bruk padang ngak di bhap bini haong doanh nghiệp.  Tapa pasang iek, di kraong Tiền, kraong Vàm Cỏ urak ini hu 35 labik hu cuah praong, labaih 40 triệu mét khối. dalam tuk nan, bruk caong pandar cuah di labik ini piah ngak pasamu mbaok taneh saong padang ngak meng ini tal thun 2030 lac biak glaong. Kuhria rah tapa yaok thun, Tiền Giang caong hu labaih 3 triệu 300 rabau mét khối cuah; kayua oh ka kuac mek dom labik hu cuah praong, nan ye daok kurang cuah, yaom tagok glaong, gam haong nan, bruk klaik mek cuah biak kan pacang cakak ba tal khat lahik kaya pandap ini.

Yaom lac njauk iew brei padeih ngak bruk kayua oh hu salamat, yau nan min  mbiah tal ini, rilo kuan café tapen tasik di ban Vũng Tàu, tỉnh Bà Rịa-Vũng Tàu jeng daok peih pablei, oh caik hatai tal panuac tacei ba di karja ban. Dahlau di nan harei 20/7, UBND Ban Vũng Tàu  iew 8 quan café tapen tasik brei padeih pablei kayua oh hu salamat, mbuan rah tabiak bala saong hu taong phạt bloh , brei chap ngak min oh ka pasiam. Ban Vũng Tàu iew dom labik pablei salih  angaok nan brei padeih chip saong tok hu peih pablei veik hadei di tuk hu pakat angaok brei adat.

Melam bloh (23/7), Đảng Bhap bini Campuchia, kayua Thủ tướng Hun Sen dang akaok, brei thau lac mek hu jayah biak khang dalam bruk pilih ruah dalam harei nan.  Đảng ni mek hu jayah khang dalam bruk pilih ruah, min urak ini oh ka kuhria hu abih dom kaghaiy mek hu dalam Quốc hội. Tapa nan brei mboh hatai jia di bhap bini Campuchia tame bruk pan akoak di Đảng Bhap bini.  Urak ini mban bầu cử taneh ia jeng daok yaok pataom phiếu meng grauk labik dalam taneh ia saong khan brei thau di harei 9 bilan 8. Ini lac bruk pilih ruah mbang ka 7 di Campuchia kuhria meng thun 1993.

Gilang pariak Nhan dan Trung Quoc meda brei “ ramik pasiam” dom sarak taneh riya ka lagaih haong dom ban praong. Kayua rilo thun tapa, sarak iek catang drap ar padang piah mesre jien daok ngak kandah po đầu tư blei sang daok di dom ban praong yau Bắc Kinh saong Thượng Hải. Urak ini, dom urang blei sang hu ho so padang drap ar njauk brei bayar jien dahlau glong jang saong brei mesre takik jang tuk khin blei hu baoh sang akaok meti. Urang njauk ngak tui sarak yau dom urang blei sang ka dua. Di ban ine Bắc Kinh, urang blei sang mbang ka dua brei bayar jien  dahlau 80% yaom sang. Dalam tuk nan urang bl,ei sang mbang akok meti njauk bayar dahlau 40% yaom sang min.

Dom urang ilamu tatuak drei tuk pasang iek, mboh kim loại ra-ai eng nyu siam veik. Sa kapul roh duah meng Bilik ngak iek pakat negar Sandia saong Đại học Texas A&M (Mỹ) pasang iek prein pasiam veik di kim loại, meng bruk pandar kính hiển vi điện tử ba tapa máy chuyên dụng piah dui dom akaok di sa candaih bạch kim 200 mbang sa giây. Hadei di nan, urang tui iek bruk eng drei siam veik di sa candaih bạch kim biak sit. Hadei di 40 minit tui iek, labik ra-ai angaok candaih bạch kim nyu gam gauk veik. Bruk nan meda ba tal cakrok patagok dom janih pandap bahrau khang kajap jang./.