Dah page ini, di Sang Quốc hội, peih mbaok mbang nyaom 22 di Ủy ban Thường vụ Quốc hội (TVQH). Peih tabiak dalam 2 harei mateh, di mbang nyaom ini, Ủy ban TVQH pasang iek, brei panuac ka 11 asal kadha, dalam nan hu pasang iek pathau khan ka bruk pasang iek asal kadha di Kapul pasang iek di Quốc hội ka “bruk jak ba, khik ramik saong pandar dom prein khang pabak ka bruk pacang caga jit ruak COVID-19; bruk peih ngak sarak, hukum ka y tế cơ sở, y tế dự phòng” saong pasang iek pathau khan taong abih bruk pasang iek harak gar quy phạm hukum di gah khik ramik di Hội đồng Bangsa, dom Ủy ban di Quốc hội.

Kapul pambuak bruk 8 tỉnh "Tây Bắc peih praong" lac: Hòa Bình, Sơn La, Điện Biên, Lai Châu, Lào Cai, Yên Bái, Hà Giang, Phú Thọ bahrau peih Nyaom biai peih bruk yaih khan du lịch bhum ĐBSCL. Di Nyaom biai, lambaok 8 tỉnh "Tây Bắc peih praong" hu yaih khan tapa ka langik tasik gheih mekre, dom pandap mbang meng kan di dom bangsa, dom yaom glaong ilamu, sajarah ginreih pambuak pagam haong bruk padang taneh ia saong khik taneh ia di bnagsa. Tapa nan, caong khin pambuak siam haong bhum ĐBSCL, ngak jeng dom tour du lịch gheih mekre di dom janih du lịch sinh thái, du lịch tâm linh…

Hadei di 4 harei peih tabiak, Harei pataom Du lịch TP.HCM thun 2023 pachreih hu labaih 190.000  tuai mai rivang main pablei salih, jien mek tame tui kuhria hu 105 tỷ đồng. Amuk Nguyễn Thị Ánh Hoa, yam ndok Sở du lịch TP.HCM taong yaom lac, dom pandap panda du lịch bo dom doanh nghiệp saong dom tinh, ban ba mai harei pataom hu bruk pambuak di dom gah, dom bruk ngak, dom bhum. Ini oh lac bruk ngak piah pabak ka urang pandar bo daok lac harei harei pataom piah ka dom urang ngak du lịch; langyah dom kan kandah dalam bruk pilih ruah urang ngak di dom gah. Bruk njauk mayai di Harei pataom ini lac sàn giao dịch bruk ngak ngan haong labaih 1.000 labik ngak bruk.

Urak ini, di tuk tabung glaong bilan pandiak, baoh la-u di tỉnh Tiền Giang haong Bến Tre pablei biak laik, biak nduac, yaom tagok. Urak  ini, di bein pablei baoh li-u yaom meng 60.000 đồng tal mangaok 70.000 đồng sa pluh  (12 baoh), tagok jang bilan blaoh 15 rabau đồng sa pluh. Tui dom po bein, baoh la-u yaom 40.000 đồng sa pluh lac hu laba ye. Tiền Giang saong Bến Tre urak ini hu labaih 30.000 ha phun la-u. Ini lac janih phun mbuan pala, phun jien takik, diuk hu dalam pandiak bhang, ia njom mbak, oh njauk hagait yaom lac ia mbak 1 phần nghìn. Di tukvak ini, yaom lac pandiak bhang, ia taba takik min dom bein la-u jeng daok hijao siam, brei baoh rilo.

Công an tỉnh Đồng Nai bahrau cap khik hình sự urang brei masaiy laba glaong di dalam huyện Nhơn Trạch. Dahlau di nan, harei 5/4, di ban sit Hiệp Phước, Kapul Cảnh sát hình sự Công an huyện Nhơn Trạch hu  mboh Nguyễn Ngọc Đức (ndih tapui 1975) daok pataom mek jien laba saong jien jung di urang ngak di dom labik sang trọ.Công an hu pataom mek rilo ATM, Căn cước công dân, Harak chứng minh nhân dân saong Sổ bảo hiểm xã hội bo Đức khik piah di dom urang masaiy. Tapa pasang iek, công an mboh lac: meng bilan 1/2023 tal urak ini, Đức hu brei ka 100 urang masaiy, rilo meng lac urang ngak di dom labik ngak kong. Taong abih tih paok jien bo Đức brei masaiy lac labaih 400 triệu đồng, jien laba 121% sa thun.

Pasak roh duah di Gilang pariak Kasikorn bahrau ba tabiak roh duah brei mboh Thái Lan daok dang anak bruk mbuan jeng sa xã hội biak taha di thun 2029 kayua bruk ndih tapui di taneh ia ini daok daok dalam kapul biar abih di mangaok dunya. Urak ini, bruk ndih tapui di Thái Lan tok daok di tanut 0,76% thun saong dam dara tok hu 1,33% menuac sia dalam taneh ia. Makna ba tal trun menuac sia dalam dom thun tapa yau ye jit praong Covid-19 ba tal haduh hatai saong dom kan kandah ka bruk ngak mbang, kinh tế - jien padai. Gam haong nan, dak harei dak hu rilo dam dara di Thái Lan tok diuk tok pasang biak suai damuai saong oh khin hu anek.

Kanja Tunisia brei thau, takik di nyu hu 20 urang châu Phi lahik hadei di tuk sruh gilai di dom urang ini karam di tasik. Sruh gilai gaok bala tuk daok kham marat tapa Địa Trung Hải piah tal Italia. Rajaei Italia brei thau lac, dom urang di cư suan hukum tal taneh ia ini tui kuhria tagok tal 3 mbang dalam 3 bilan akaok thun, tagok labaih 20.000 urang. Thủ tướng Italia kakei lac, châu Âu mbuan gaok sa mbang urang di cư praong abih meng Bắc Phi tal takai tasik Italia mayah kinh te di Tunisia oh hu pasiam veik.

Hãng jru Moderna di Mỹ brei thau, vắc xin pacang ung thư, dom ruak tim mạch saong eng drei plaih njaom mbak ruak meda hu di thun 2030, daong plaih di metai ka yaok triệu menuac di dunya. Yam ndok y tế di Moderna jia lac hãng meda pabak vắc xin pacang “taong abih dom janih ruak” dalam takik di abih lac 5 thun tal. Dom roh duah ka vắc xin brei mboh rilo siam lagaih saong Moderna daok patagok vắc xin pamaong tame dom janih khối u karei di gauk. Tui gah Y tế Dunya (WHO), dom ruak tim mạch saong ung thư lac makna ba tal metai dang akaok di dunya./.