Rilo kadha pok meyaom urang gru jru 

Melam kabroi 27/2, Thủ tướng Chính phủ Phạm Minh Chính hu mbaok saong pok panuac brei thau di Danak dak ilamo “Bol lin ao putih” kayua Mintri Y tế pambuak haong Rayo papar binguk Việt Nam peih tabiak piah pok manyaom dom urang lin aw putih, dom bruk var klaak rup drei di kapul y bác sỹ, kayua bruk sangka iek glang prein yava ka bhap bini, pahadar Harei urang gru jru Việt Nam 27/2. Urang dang akaok Rajaei brei thau lac, pamaong viek labaih 2 jit praong COVID-19 tamuh tabiak saong ngak kan kandah biak trak damak tal dunya saong taneh ia drei, dom “boll in aw putih” tuk halei jeng lac thaot binguk siam ghieh ka bruk var klaak rup drei, oh thau ghaih ghar, di hatai ngak bruk, di bruk var klaak rup drei, ngak bruk oh thau ghaih ghar, di hatai anit ranam… Rajaei hu pato tacei jalan ka dom Mintri, dom gah samar drah roh duah ba tabiak harak siam lagaih ngan haong urang ngak gah y tế. Gam harei, di Jabat di drei, akaok negar Nguyễn Xuân Phúc hu taom mbaok haong Kapul dom urang lambaok urang jakar y tế angan je di dalam taneh ia.

Jeng di melam 27/2, di ban raya  Hồ Chí Minh, Liên đoàn adat blong Việt Nam (VFF) peih bruk uan raok  taom gaok kapul  U23 Việt Nam bahrau mai tal ban raya Hồ Chí Minh hadei di tuk mek hu  vô địch Giải U23 Đông Nam Á 2022 di melam 26/2 di Campuchia. Akaok negar  Nguyễn Xuân Phúc hu payua panuac tadhau Ayuh ka  đội tuyển U23 Việt Nam. Akaok negar tong yaom jayah ni hu makna biak karei, tuk kol drei hu yam tapa kan kandah kayua jit ruak COVID-19 song brei mboh hatai sahneng biak naih gheih di urang Việt Nam. Tong abih pok jien thưởng di kapul  U23 Việt Nam hu tagok tal  4 tỷ đồng hadei di tuk mek hu  vô địch giải U23 Đông Nam Á 2022.

Ngak tui panuac pato tacei di Thủ tướng Rajaei saong Mintri Công an ka bruk peih ngak dom bruk ngak pasiam viek khut tayah di bala jalan ia ngak kan kandah biak trak rahtabiak di harei 26/2 di bhum tasik Cửa Đại, Hội An, Quảng Nam, Cục Cảnh sát jalan mbak hu ieu phone pato tacei công an dom tỉnh, ban pataom tame pambuak haong dom kapul chức năng samar drah pasang iek, yaok pataom, taong yaom abih bruk pajeng tuai pambuak tal jalan ia dalam taneh ia. Tapa nan pasang iek piah ngak cambaih bruk daok kandaong viek, dom kan kandah dalam bruk pajeng tuai dalam taneh ia, abih di nyu nan lac bruk rami ramik glai ngak kan kandah tal bruk nduac tabiak tuk rahtabiak bala, langyah, taong yaom dom makna ngak tabiak bala di mangaok jalan ia saong ba tabiak jalan piah langyah ngak pasiam veik .

Rilo tỉnh ban dalam taneh ia  hu peih ngak bilan dam dara thun ni. Di  xã Sông Lũy, huyện Bắc Bình, Tỉnh đoàn Bình Thuận hu peih ngak bilan dam dara thun  2022 gam song rilo bruk pamong tame dom bruk ngak : jao brei sang anit ranam, mblang main uranaih,  padang 2 jalan  kiểu mẫu, bruk  “bein phun padang mbang ngui”; brei pandap, pok jien bac ka anek saih hu rai duik kan kandah di dom puk palei  hu tong abih tih jiak 1,3 tỷ đồng.

Labaih 40 doanh nghiệp pilih ruah tapak saong labaih 20 doanh nghiệp pilih ruah online ngan haong labaih 5.000 urang ngak di dom gah, yau ye: Kỹ thuật, tài chính, marketing, jalan mbak, bảo hiểm, taneh riya … hu mbaok tame danak dak “Pachrieh prien ka urang ngak saong Sàn giao dịch bruk ngak” thun 2022 kayua PasakcDịch vụ bruk ngak dam dara TP.HCM peih tabiak di harei 27/2.  Dom bruk bahrau di danak dak pachrieh prein ka urang ngak thun ini hu peih tabiak dalam 4 adit tabung glaong pilih ruah online dalam bilan 3. Urang ngak haong doanh nghiệp meda gaok gauk, sua tangi tapa ứng dụng Zoom. Bruk ngak ini pamaong tal bruk lac pambuak haong dom urang ngak di grauk tinh, ban ngan haong doanh nghiệp di TP.HCM, daong ka urang ngak duah hu bruk ngak lagaih haong drei. Tal urak ini, danak dak hu labaih 3.000 urang ngak saong labaih 30 doanh nghiệp tut angan tame pilih ruah.

Harei 28/02 (tui tuk vak Mỹ) Đại hội đồng Liên hợp quốc eiw pataom  sa mbang nyaom chip biak karei piah ginum biai ka bruk U-krai-na song ni lac mbang ka 11 Đại hội đồng Liên hợp quốc pataom tame sa mbang samar biak karei meng di thun  1950. Panuac cong ni hu batabiak hadei di tuk  Nga harei sut adit dahlau  brei tapa  sa  dự thảo sarak di  Hội đồng bảo an piah  lên án bruk  quân sự di  Nga di  U-krai-na. Trung Quốc, Ấn Độ song dom Tiểu vương quốc A-rập Thống nhất plaik phiếu saoh dalam tuk  11 urang dok veik  plaik phiếu pachreih tui. Dom sarak di  Đại hội đồng Liên hợp quốc oh pambuak pagam hagait min hu pren khang ka chính trị.

Rilo bruk taong phat hu dom taneh ia saong kapul dunya pandar pabak haong Nga, dalam nan hu rilo gah oh njauk lac taeng di gah kinh tế.  Liên đoàn caoh par dunya (FIFA) harei kabroi brei thau lac, dom mbang pacacah di mblang caoh par dunya Nga meda njauk caoh di mbang trung lập saong oh hu manuac sia iek, oh hu hala dok saong daoh kadha daoh quốc ca. Dom kapul caoh blaong dunya Ba Lan, Thụy Điển saong Cộng hòa Séc hu từ chối caoh pacacah meblah mbang pacacah puac abih piah hu tame dat veik (play-off)  piah hu mbaok tame World Cup 2022 ngan haong kapul Nga. Dom kapul ini hu ieu kakei FIFA ba kapul Nga tabiak truh mbang pacacah puac abih piah hu tame dat veik.

Japon hu peih bruk klauk vaccine pacang COVID-19 ka uranaih meng 5-11 thun di Tokyo tui kuhria hu peih prong tabiak  dalam taneh ia dalam bilan 3 anak tal. Japon pandar  vaccine pacang  COVID-19 di hãng Pfizer/BioNTech ka uranaih dalam  umo meng  5-11, ngan song liều lượng samu 1/3 dut song mbang pandar ka dom urang  labaih  12 thun. Tuk vak atah meng 2 mbang  lac  3 adit./.

Urang lang: Hanipha- Thu Thảo -28/2