Jabat rajaei hu ba tabiak harak payua tal dom mintri, dom gah,dom tỉnh ban ka bruk pathau khan, cambaih laih, pato tacei peih ngak adat hành chính (TTHC) hu ieu kakei nộp, ba tabiak harak sổ hộ khẩu bi-ar, sổ tạm trú bi-ar atau harak xác nhận di labik daok. Tui nan, Jabat Rajaei ieu kakei lac dahlau di harei 20/3 anak tal, dom Mintri, dom gah, Ủy ban bhap bini dom tỉnh, ban trực thuộc trung ương ngak salah adat di kanja, quy trình điện tử piah peih bruk yah klaak panuac ieu kakei nộp, ba tabiak Sổ hộ khẩu bi-ar, Sổ tạm trú bi-ar, harak xác nhận labik daok.

Meng akaok thun tal ini, yaom ikan raong dalam lồng bè di Kiên Giang tagok khang saong daok di yaom glaong, daong ka urang raong hu laba hadei di 2 thun gam khat lahik. Urak ini yaom ikan mú trân châu pablei di labik raong yaom 295-300 rabau đồng/kg, ikan bớp yaom 200-220 rabau đồng/kg, mú sao 500 rabau đồng/kg, mú sao thiên nhiên 750 rabau đồng/kg. Hu thau, yaom ini glaong jang jaik dua mbang duk haong tukvak ini thun blaoh. Tui Sở Ngak nong saong Patagok palei pala Kiên Giang, thun 2022, dalam tỉnh hu jaik 3.900 lồng bè raong ikan di tasik,  sản lượng tui kuhria hu  3.372 tấn.

Đồng Nai hu brei thau lac pasak raong glang di dalam taneh ia ngan haong abih tih tapon pabui lac labaih 2,6 triệu drei saong labaih 26 triệu drei manuk. Min, urang raong di pak ini, urak ini daok gaok rilo kan kandah, yaom pandap mbang tagok glaong, jit ruak kan kandah, yaom pablei trun bier ngak ka urang raong lahik abih. Urak ini, rilo baoh sang raong glang abih prein raong gilac veik, njauk duah bruk ngak karei piah ngak. Ong Nguyễn Kim Đoán, Phó akaok Kapul raong glang Đồng Nai brei thau lac, mayah bruk ini dui atah, Đồng Nai meda lahik angan lac pasak raong glang dalam tukvak anak tal. Langiu di nan, gah pabak pandap mbang raong glang meda patrun, bruk duah bruk ngak meda njauk kan kandah. 

Dalam dom bruk di danak dak “salamat ka urang ngak ikan kathaot, kan kandah”, Hội Chữ thập đỏ Việt Nam bahrau alin hadiah jien padang ngak sang salamat, bộ áo phao đa năng ka urang ngak ikan kathaot, kan kandah saong ngak tatua dân sinh di tỉnh Bến Tre. Dalam nan, Tập đoàn Xăng menyek Việt Nam brei 3 tỷ đồng piah ngak tatua dân sinh bhum palei pala saong padang ngak sang salamat ka urang ngak ikan kathaot, Cty Cổ phần Tập đoàn Ngân Tín saong Cty TNHH Đầu tư Quý Hải Phát daong áo phao salamat yaom 750 triệu đồng.

Sang ong Nguyễn Hữu Đây, daok di khu phố Thanh Bình, phường Tân Bình, ban Đồng Xoài, tỉnh Bình Phước bahrau hu Thủ tướng Rajaei alin harak mayaom kayua hu alin 7.000m2 taneh ngak jalan nao mai. Kayua bruk ngak siam lagaih di sang ong Nguyễn Hữu Đây hu ba bruk pabak siam lagaih dalam rahra di dalam ban Đồng Xoài. Rilo baoh sang karei, tui nan jeng hu alin taneh, oh mek jien biyar, piah kanja palei peih mbaok jalan, ngak jeng mbaok mata jalan mbak biak lanieng lanoi, siam gheih di ban Đồng Xoài.

Trung Quốc cuh hu vệ tinh đôi Thiên Hội-6 tagok langik meng pasak Cuh vệ tinh Thái Nguyên di tỉnh Sơn Tây, gah brak Trung Quốc. Tui nan, vệ tinh đôi Thiên Hội-6 hu cuh tagok meng tên lửa jhul Trường Chinh-4C. Dom vệ tinh ini hu pandar piah ngak bản đồ địa lý, pasang iek kaya taneh riya, saong dom bruk karei karei. Meng bruk cuh tagok hu vệ tinh đôi mbang ini, bruk cuh ini lac mbang ka 465 di dom tên lửa đẩy Trường Chinh.

Urang jakar Malaysia daok hu ieu brei peih sa mbang roh duah bahrau ka mbang par MH370, 9 thun hadei di tuk  lahik tabiak truh radar. Bruk nan hu hu ba tabiak hadei di tuk công ty ngak robot hàng hải di Mỹ Ocean Infinity pathau khan lac hu duah mboh bằng chứng bahrau ka labik medil lac labik di MH370. Sruh Boeing 777 peih mbang par MH370 daok di mangaok jalan meng Mblang kapar dunya Kuala Lumpur tal Bắc Kinh ngan haong 239 tuai di harei 8/3/2014 ye lahik tabiak truh radar ka oh tal sa maong hadei di tuk par.

Sa urang likei Thái Lan njauk 2 thun guk kayua pablei lịch in rup cih drei ada katam, njauk tòa án kaoh lac hu makna klao hia hoàng gia. Tòa án hình sự Bangkok kaoh lac, dom cuốn lịch thun 2021 in rup cih ada katam hu makna klao hia hoàng gia, ngak jhak tal angan je di patao. Dom drei da cao su sambo katam bhian lac biểu tượng jo me-in, klao hia, lambaok ka bruk trun jalan ndok dân chủ ở Thái Lan./.