Long An hu 37 labik ngak cong ngan song taneh prong labaih 12.285ha

Thủ tướng Rajaei birau patabiak sarak brei padeih bruk buh jien tame ngak danak dak jalan peih drah samar Biên Hòa - Vũng Tàu tui jalan pambuak công tư ( iew katut lac PPP), janih pambuak bruk BOT. Tui nan, danak dak ini meda hu buh jien tame padang ngak meng kadung jien karja, kuhria tui jien buh tame mngak labaih 17.837 tỉ đồng. Jalan peih ngak atah jiak 54 km nao tapa dua tỉnh Đồng Nai saong Bà Rịa - Vũng Tàu.

Meng akaok thun tal ni, dom labik ngak cong di tỉnh Long An dui pachreih hu 65 danak dak buh jien tame ngak mbang bahrau. Urak ni, Long An hu 37 labik ngak cong ngan song taneh prong labaih 12.285ha. Tỉnh Long An daok brei jhul khang bruk taom gaok, peih ngak di rilo taneh ia piah dui pachreih urang tame ngak mbang; pato pakai urang ngak chất lượng glong, piah pabak ka bruk di dom doanh nghiệp.

Tui Cục Yaok pataom Ban raya HCM, chỉ số yaom kaom bei pandar (CPI) bilan 8 trun 0, 31% dut saong bilan dahlau saong jeng lac bilan kaok meti kuhria meng akaok thun tal ini CPI hu trun. Jeng tui Cục Yaok pataom Ban raya HCM, kuhria abih tih bruk pablei rai saong jien mek tame meng dịch vụ pablei pandar yau ye pablei salih, dịch vụ labik padeih padei, mbang menyum, dịch vụ ba tuai nao ma-in saong dom dich vụ karei di Ban raya bilan 8 sumu 98.840 tỉ đồng, trun hasit dut saong bilan 7. Cambaic laic, dalam bilan 8, jien mek tame di pandap xang menyek 5.691 tỉ đồng dalam bilan 7 ye hu 5.817 tỉ đồng; ô tô dom janih jien mek tame di bilan 8 hu 2.143 tỉ đồng, trun 169 tỉ đồng dut saong bilan 7. Makna ba tal bruk nan, lac kayua radaih ô tô, sang danaok taneh riya saong yaom xang menyek trun

Tui kuhria mboh di Đài Khí tượng thủy văn ban Cần Thơ, dalam dom harei tal, ia di dom krong ribong dalam ban Cần Thơ daok tagok glong. Harei ni, (lac harei 14/8 tui saka ia bilan) ia ndik glong abih di bilai Cần Thơ mangaok krong Hậu meda tagol tal tanut 1,90m, jỉak báo động II. Tui kuhria, ia glong abih dalam mbang ni, meda tagok meng 2mét tal 2mét 5 phân, jiak glong jang tanut báo động III. Tabung glong di mbang ia ndik ni meda rah tabiak meng harei 11 tal 13-9 anak tal. Ia ndik tagok ngan song langik hu hajan ba tal dauh ia di dom labik taneh beir, dom labik jiak tapen krong ribong di ban.

UB bhap bini tỉnh Bình Định hu harak văn bản iew Mentri Ilamu the thao saong dulich pasang iek pok tagok Thu tuong brei angan drap ar pakat negar ka dua rup patau lamen thành Đồ Bàn hu padang khik di thành Nội dalam labik inem krung thành Hoàng Đế (xã Nhơn Hậu, thị xã An Nhơn). Tui hồ sơ inem krung, 2 rup tau limen nan lac dom drap ar sarak di Champa, hu ngak meng patau sa thạch saong nan lac pandap tamo, ta-eng dalam ilamu sarak Cam di abap 12. Ini lac 2 rup patau limen hu sarak vin, praong abih di urang bangsa Cam hu duah mboh kuhria meng lavik mai tal urak ini.

Campuchia mek hu 2 giải thưởng hu angan je kayua Giải thưởng Du lịch dunya alin brei, lac labik Du lịch ilamu dang akaok châu Á song labik Du lịch dang akaok châu Á di urang naraih umo thun 2022. Dahlau di nan, labaih 2 triệu tuai du lịch di dunya hu mbaok tame palih ruah 2 giải thưởng ni ka Campuchia. Giải thưởng Du lịch dunya hu meng thun 1993, urak ni, Giải thưởng hu jeng angan je dang akaok di dunya dalam bruk pok meyaom dom jak jeng siam gheih di gah du lịch

CHDCND Triều Tiên birau brei tapa hukum birau ka vũ khí hạt nhân, hu khan brei thau lac jeng taneh ia hu vũ khí hạt nhân. Brei panuac anak Hội đồng Bhap bini pakat glong, jabat padang ngak hukum di taneh ia ini, Chủ tịch Kim Jong-un khan lac Triều Tiên meda oh klak vũ khí hạt nhân, oh huac dom jalan taong phạt catang meda dui atah yaok rituh thun.

Mintri jien padai Mỹ ba tabiak bruk taong phạt sa hãng kapan haoh pajeng pandap panda hu jabat daok di Iran, pagam tal panuac lac jao kapan haoh oh hu menuac peih di Iran brei ka Nga. Dahlau di nan, di puac bilan 8, Mintri Ngoại giao Mỹ, ndom lac, Nga hu taduan yaok rituh kapan haoh oh hu menuac peih, không kích điện tử meng Iran song kuhria pandar taong tame dom labik di mblang mesruh Ukraina./.

Urang lang: Hani Pha & Bhumi – 09/09