Binh Duong hu patagok dang ka 2 hadei di ban raya 

Tui Mintri ngak nong saong patagok palei pala, 4 bilan akaok thun, bruk pablei kaya nong tabiak negar langiu daok lac bruk hadah di kinh tế taneh ia drei tuk mek hu labaih 17,9 tỷ USD, tagok 15,6% duk saong tukvak ini thun blaoh. 5 janih pandap mek hu yaom jien pablei tabiak negar langiu labaih 1 tỉ USD lac: cà phê, brah., njam patam baoh kraoh, hadang saong pandap kayau. Dalam nan, tagok khang abih lac cà phê ngan haong tanut tagok lac labaih 59%.

Meng akaok thun tal ni, phun jien FDI daok buh khang tame labik ngak kong di Bình Dương ngan saong jiak  1,8 tỉ USD, rilo jang 4 mbang dut song tuk vak ni thun bloh. Dalam tuk nan, phun jien ngak mbang dalam negar lac 9.200 tỉ đồng, tagok jang 5 mbang dut song tuk vak ni thun blohi. Bruk phun jien ngak mbang di negar langiu (FDI) gam gam tuh tame Bình Dương hu rik dong tame peih ngak 2 bruk haong gauk di tỉnh dalam thun ni . 

UBND tỉnh Đồng Tháp bahrau jao harak mayaom ka 4 urang daok di xã Tân Khánh Đông, ban Sa Đéc kayua halan hatain alin taneh praong abih tih jaik 1.600m2 piah ngak dom jalan mbak. 4 urang nan lac: ong Lê Văn Sang, ong Nguyễn Văn Phát; ong Nguyễn Văn Ngọt saong ong Nguyễn Văn Đúng. Dom rik daong di dom urang nan hu daong ka palei padang ngak hu dom jalan puk palei, ba mbuan lagaih ka bruk nao mai, jhul kinh tế cakrok patagok.

Ruak Pandiak tabiak drah dok tagok kayua dok yam tame tuk vak jit. Di ban raya  Hồ Chí Minh, hu 2 urang metai kayua pandiak tabiak drah. Kuhria tal puac bilan 4, ban raya  Hồ Chí Minh hu labaih  5.000 urang ruak, rilo meng lac uranaih. Dalam nan hu labaih  110 urang ruak trak dok tong ruak. Tui dom bác sĩ, hu biak rilo uranaih tame sang iek ruak tuk ruak trak kayua suai thau lac ruak, suai tame sang iek ruak, kayua amaik ame sahneng lac uranaih njauk viêm tarakon, pandiak kayua salih bilan atau kayua COVID-19.

Viện Kiểm sát bhap bini TP.HCM (VKS) hu ngak salah harak truy tố 2 bị can dalam bruk “pametai manuac”, ngak pap urang karei saong padauk urang duas pambuak tal bruk uranaih kumei umo 8 thun njauk urang ngak pap tal metai rahtabiak di baoh sang chung cư di P.22, Q.Bình Thạnh. Tui harak cáo trạng, VKS truy tố bị can Nguyễn Võ Quỳnh Trang (daok yau diuk pasang haong Nguyễn Trung Kim Thái – ame di ranaih kumei N.T.V.A.) ka duas “pametai manuac” saong “ngak pap urang karei. Daok bị can Nguyễn Kim Trung Thái njauk ba tabiak ka duas “ngak pap urang karei” saong “padauk menuac duas".

Tổng thống Nga Vladimir Putin hu mbaoh tangin tame sarak brei peih ngak di anak meta dom bruk gah jien padai dalam talei pambuak bruk haong doanh nghiệp song dom po sre negar langiu. Dalam nan, sarak brei adat bayar sre di Nga, dom menuac urang song ban tự trị jang yau di bhap bini Nga meng jien ruble. Dahlau di nan, Tổng thống Putin hu mbaoh tangin tame sarak  ka dom jalan ngak kinh tế trả đũa, kayua bruk ngak di dom taneh ia oh siam hatai.

Sri Lanka daok njauk yam tapa tukvak kinh tế kan kandah ka oh bhian mboh, takik di nyu lac 2 thun tra. Langiu di nan, sa bruk khủng hoảng jien mbaok jeng kuhria meda jaik rahtabiak di taneh ia kaoh pulao Ấn Độ Dương ini. Ini lac panuac brei thau dahlau di akaok mintri jien padai taneh ia ini anak Quốc hội Sri Lanka. Sri Lanka daok rah tapa tukvak kan kandah ka kinh tế trak damak abih meng di tuk meblah hu độc lập thun 1948, ngan haong bruk kurang điện, kurang biak khang pandap mbang, xăng menyek saong jru tavao ngak ka raidiuk di bhap bini laik tame kan kandah.

Gah Y tế dunya  WHO brei thau, hu gilac 8 taneh ia  hu pathau khan bruk dom urang njom ruak viêm gan oh thau kayua halei di uranaih, patagok dom taneh ia hu urang ruak tal 20. Kurhia tal harei 1/5, hu takik di abih  228 urang njauk ruak meng  20 taneh ia. Jiak abih dom menuac ruak mbiah tal urak ni hu mboh di  châu Âu, min jeng hu dom urang ruak di châu Mỹ, Tây Thái Bình Dương song Đông Nam Á ./. 

Urang lang: Thu Thảo -Hanipha -5/5