Mẫu hộ chiếu bahrau hu ngak biak tani tanat

Ndem tal gah taneh riya di mbang ginum biai dah page ini 1-6 di Quốc hội, amuk Nguyễn Thị Thủy (kapul urang QH tỉnh Bắc Kạn) langyah dom bruk daok kandauk, dom kadha oh siam dalam bruk to yaom quyen padar taneh dalam tukvak tapa, mboh lac “yaom taneh daok jhul tagok glaong ngak ka bruk caong hu sang daok tani tanat di bhap bini jeng atah biyah”. Amuk caong Rajaei patagok bruk pasang iek biak catang; pasang iek gam gam jang dom bruk ini; gam tui di nan, hu panuac caong Mintri Công an pilih ruah dom mbang to yaom taneh riya piah ngak brei cambaih, pasang iek piah paglaong bruk răn đe, pacang caga kol tội phạm dalam bruk ini.     

Mintri Công an brei thau, meng ini tal harei 1-7, tok pabak brei hộ chiếu phổ thông mẫu klak ka rahra meyah hu bruk samar drah, yau ye hu harak nao iek ruak, hu harak nao ngak bruk atau hu harak kapal haoh… Meng harei 1-7, Mintri Công an hu peih bruk ngak hộ chiếu phổ thông mẫu bahrau. Mẫu hộ chiếu bahrau hu ngak biak tani tanat, mangaok yaok blah lac thaot binguk brei mboh ka quyền ngak po taneh ia, inem krung ilamu dane angan di taneh ia. Bruk ini hu daong yaih khan thaot binguk Việt Nam tabiak dunya, brei mboh hu adat cambat, sajarah, labik di taneh ia, ilamu Việt Nam.

Tui Mintri pato magru, mbang pacacah tamat Trung học phổ thông (THPT) thun 2022 hu peih tabiak di harei 7 saong harei 8/7.  Urang pacach lac F0, hu harak xác nhận kayua jabat hu thẩm quyền pabak brei meda hu pilih ruah brei tamat THPT; mayah hu hatai caong hu mbaok tame pacacah njauk nop harak, hu sanya di amaik ame atau urang iek glang brei thau lac njauk hatai pachreih tui. Dom urang pacacah ini hu hội đồng pacacah rami ramik labik pacacah di dom bilik pakacah karei pabak hu bruk pacang caga jit ruak Covid-19.

Sở Lao động thương binh song  xã hội ban raya HCM brei thau, dalam thun ni hu 1,2 triệu urang ngak hu ban raya bayar jien pah sang ngan song pok jien  2.100 tỷ đồng tui sarak ka 08 di  Thủ tướng rajaei. Piah hu dong ba, urang ngak tok ngak harak tui  mẫu, hu po sang  trọ mbaoh tangin tame lac dok pah labik daok  pak nan. Hadei di nan, nộp harak ka doanh nghiệp dok ngak bruk piah hu pataom veik saong payua ka quận huyện pasang iek, brei bayar jien.

Tui Pasak pasang iek ruak kik TP.HCM, kuhria meng harei 20/5 tal harei 26/5/2022, ban raya hu 121 sruh jit pandiak tabiak dahrah bahrau, rilo jang 42 sruh jit dut saong adit dahlau di nan. Min ka oh hu urang metai bahrau. Tal urak ini, dom urang ruak pandiak tabiak darah jeng daok padieh di 7 urang. Gam haong ruak pandiak tabiak darah ye dom urang ruak cambuai, tangin, takai jeng daok tagok glaong. Meng harei 20 tal harei 26/5, ban raya jeng hu veik labaih 1.000 urang ruak cambuai, tangin, takai, tagok 481 urang dut saong kuhria rah tapa dalam 4 adit dahlau.

Đại sứ Mỹ di Liên Hợp Quốc brei thau, Mỹ dok jhul tagok dom bruk tong phạt di Liên Hợp Quốc pamong tame Triều Tiên, meyah negar ni, peih bruk ngak iek hạt nhân mbang ka 7, yaom lac Nga song Trung Quốc meda phủ quyết veik. Đại sứ Mỹ brei thau lac, Triều Tiên dok “kham meret kuhria caga piah peih sa mbang thử hạt nhân”. Bruk prong di abih lac dunya brei peih ngak ginup dom bruk tong phạt hu tabiak blaoh song Mỹ meda jhul tagok dom bruk tong phạt pabak meng Liên Hợp Quốc

Gah Y tế dunya (WHO) brei thau, virus ba tal ruak đậu mùa khỉ daok njom tabiak 30 taneh ia di dynya ngan haong labaih 550 urang njauk ruak. Urak ini WHO daok pasang iek bruk lac ruak đậu mùa khỉ tamuh tabiak hu iek lac bruk  y tế rahra samar drah ngak haduh hatai ka dunya (PHEIC) yau jit ruak COVID-19 atau Ebola halei oh, tapa nan daong jhul samar bruk roh duah saong daong ba piah pacang cakak jit ruak.

Dom mbang hajan khang ba tal ia sua song glut jaleih taneh, ngak brei takik di abih 106 urang metai di gah Đông Bắc Brazil. Hu 24 ban dalam bang Pernambuco njauk tabiak bruk samar drah song labaih 6.000 urang lahik sang danaok. Gah dong duah hu duah mboh yaok pluh urang metai njauk taneh lam, dalam tuk dok hu rilo urang karei lahik. Bruk dong duah dok peih tabiak saong hu bruk daong di trực thăng song saw nghiệp vụ. Rajaei hu brei thau kadung jien gaok bala samar drah hu yaom 1 tỷ reais (labaih 201 triệu USD) ka dom labik njauk khut tayah trak damak./.

Urang lang: Hani Pha & Thu Thao – 01/06