Tui nan, tukvak thị thực điện tử (e-visa) hu dui atah meng 30 tagok tal 90 harei. Hukum jeng brei adat bhap bini di taneh ia hu Viet Nam brei mien thi thực  hu brei tạm trú 45 harei, dut saong dahlau daih lac 15 harei saong hu pasang iek brei thị thực, brei dui atah tui adat. 

Di mbang nyaom ka bruk kinh tế- xã hội bilan 7 saong 7 bilan; bruk ngak, jalan ngak praong dalam bilan 8 thun 2023 di TP.HCM hu peih tabiak di dah page ini (1/8), Akaok UBND TP.HCM Phan Văn Mãi brei thau lac, bruk pataom prein tame peih ngak Sarak 98, samar drah ba dom sarak karei di ban raya lac bruk chính trị, bruk ngak meng baoh hatai saong lac bruk sajarah caik tagok bara di yaok urang jakar, công chức, viên chức saong urang ngak di Ban raya, rik daong ka bruk cak rok patagok di Ban raya saong di dalam taneh ia. Urak ini, HĐND Ban raya hu rami ramik jaik 2.800 tỷ đồng phun jien di kadung jien kanja Ban raya ka bruk patruh eik patrun kan kathaot, ba brei bruk ngak.

UBND tỉnh Bình Thuận birau ba tabiak jalan peih ngak Danak dak pakat negar  patagok KT-XH bhum urang bangsa takik saong bhum ceik. Tui nan, jalan ngak brei cambaic laic dom bruk ba tabiak kham ngak bahu dalam peih ngak Danak dak pakat negar patagok kinh te-xa hoi bhum urang bangsa takik saong bhum ceik di Bình Thuận vaktu 2021-2030, vaktu I; meng thun 2021 tal thun 2025. Dalam nan, patui veik  bruk buh jien tame padang ngak  sumu gauk he thong ket cau ha tang duh ka bruk patagok kinh te-xa hoi bhum urang bangsa takik. Paglong bruk pandar taneh  ngak nong, gam haong pala drak, patagok jien mek tame, trun kathaot samar, khang kajap.

Dui Pachreih tuai damuai tagok glaong lac sa dalam dom bruk praong di gah du lịch tỉnh Tiền Giang meng akaok thun tal urak ini. Tui Sở Ilamo - Thể thao saong Du lịch Tiền Giang, dalam 7 bilan tapa, dalam tinh pachreih hu jaik 680 ribau mbang tuai damuai, mek hu jaik 60% jalan ba tabiak dalam thun. Abih di nyu nan lac dalam bilan 7 meng blaoh, Tiền Giang rok hu labaih 97 ribau mbang tui damuai, tagok labaih 11% dut saong tukvak ini thun blaoh. Yaom lac tuai damuai tagok glaong min yaom kaom,  jien ka dom labik rivang ma-in jeng tani tanat; chất lượng dom pandap panda du lich dak harei dak tagok glaong, bruk rok tuai,duh ka tuai dak harei dak siam makre jang.

Kayua ribuk ka 2, dalam dom harei tapa tỉnh Cà Mau hu hajan khang ngak brei 4 urang metai, khut, tayak 347 baoh sang. Anak dom bruk khut, tayak nan, UB bhap bini tỉnh Cà Mau hu daong ka baoh sang  njauk khut tayak  5 trieu dong sa baoh sang , sang njauk par tabung  hu daong 2 trieu sa baoh. Pho akaok UBND tỉnh Cà Mau Lê Văn Sử iew tỉnh brei kuhria, parabha, duah thau dom bruk khin daong di bhap bini piah pataom tame daong samar, hu siam lagaih abih; dalam nan, abih di nyu lac brei daong bruk mbang huak, ndih daok di bhap bini. Oh brei kurang dalam tuk daong, oh caik mikva ndih gah langiu langik…

Mintri Y tế Nhật Bản kuhria lac meda samar brei tapa vắc-xin pacang caga COVID-19 iek tui công nghệ mRNA kayua hãng Daiichi Sankyo ngak tabiak hadei di tuk taduan hu panuac kakei di Kapul urang ilamo. Ini jeng lac vắc-xin caga COVID-19 camriep abih hu ngak tabiak di negar ini. Dalam tuk jit praong, Nhật Bản rilo meng lac pamaong tame bruk blei vắc-xin kayua dom gah ngak jru tavao Mỹ lac Pfizer saong Moderna ngak tabiak.

Indonesia birau chap mek kol pablei salih tung pruac- noi tang ralo manuac. Dahlau di nan, harei 31/7, cảnh sát Indonesia chap mek 3 urang tame Bali kayua lac hu tame ngak bruk pablei salih tung pruac suan hukum ba yaok pluh urang tapa Campuchia pablei thận. Dahlau di nan, cảnh sát chap mek 12 urang medil lac daok dalam jalan ba 122 urang tapa Campuchia pablei noi tang, dalam nan hu 1 cảnh sát saong 1 urang negar karei. Jalan  pablei noi tang peih tabiak meng thun 2019, mbang jien urang kuhria abih tih 24,4 tỷ ruppiah, sumu 1,6 trieu USD.

Gah Pato magru, khoa học saong ilamo di Liên hiệp quốc (UNESCO) hu panuac ieu ba ban Venice di Italia tame angan inem krung dunya daok gaok kan kandah saong ieu kanja Italia njauk kham marat jang bruk khik caga ban. Tui UNESCO, ban Venice daok mbuan njauk tayah oh salih karei hu kayua biến đổi khí hậu saong kayua dom bruk ngak du lịch. UNESCO hu panuac lac, yaom glaong sajarah dunya di Venice daok khut biak trak damak kayua bruk ba tangin tame di anek manuac, dalam nan hu gam bruk cak rok patagok oh padeih di gah du lịch ban. Venice hu ba tame Angan inem krung dunya di thun 1987./.