Puac harak pathau khan ka bruk peih ngak Hukum tame, tabiak negar  di rahra Việt Nam pambuak tak khau tin “labik manek tabiak” di mangaok passport dalam mbang nyaom Quốc hội harei ini (7/11), Akaok Mintri Công an Tô Lâm brei thau, meng harei 1/7/2022, Mintri Công an hu ngak passport bahrau ka rahra. Min, dom taneh ia khan lac anak meta brei padeih visa tame passport bahrau di Việt Nam, kayua dalam hộ chiếu oh hu “labik manek” di menuac pan passport nan. Piah lang talaih kan kandah nan, Rajaei hu pato tacei Mintri Công an saong dom jabat lambaok ka Việt Nam di negar langiu peih bruk in pabak khau tin ka “labik manek” tame passport bahrau ka rahra. Gah negar langiu taduan bruk in pabak khau tin tame passport ka rahra lac tạm thời. Dom taneh ia ieu kakei Việt Nam samar pabak khau tin “labik manek: tame blah nhân thân. Anak bruk ini, rajaei mboh lac bruk duah jalan pabak khau tin labik manek tame trang nhân thân dalam passport lac biak njauk ngak saong brei samar  ngak.

Jeng dalam harei  (7/11), di tỉnh Sóc Trăng, labaih 100 urang jakar công đoàn di 13 tỉnh bhum Tây Nam Bộ saong bhum jaik taphia nan hu mbaok tame nyaom biai pasram ilamu pathau khan ka bangsa, agama saong patrun kathaot kayua Tổng Liên đoàn Lao động Việt Nam peih tabiak. Di tal pasram, langiu di bruk pabak dom ilamu piah daong ka urang jakar Công đoàn pathau khan dom bruk bangsa, agama tal urang ngak, tal bhap bini, daok hu klah rabha ilamu, jalan duah thau, pabak khau tin daong patrun bruk kurang thau ka đoàn viên, urang ngak...

Danak dak brei masaiy jien patruh eik patrun kathaot kayua dom mban patruh eik patrun kathaot dom pakat di TPHCM hu peih tabiak ngak meng di thun 1994.  Tal thun 2015 Kadung jien patruh eik patrun kathaot hu jao ka Gilang paraik sarak kanja (CSXH) TPHCM khik ramik saong peih ngak, ngan haong yaom jien brei mesraiy abih tih di tukvak jao lac 213 tỷ đồng. Hadei di labaih 6 thun taduan mek kadung jien, abih tih jien mek tame meng Danak dak brei masaiy patruh eik patrun kan kathaot di Gilang paraik sarak kanja TPHCM hu labaih 2.930 tỷ đồng, ngan haong  98.650 sang kan kathaot, sang jaik kathaot dalam ban hu masaiy jien.

UBND tỉnh Đồng Tháp bahrau tabiak bruk khẩn cấp ka glut jaleih kraong Tiền labik xã Tân Quới, huyện Thanh Bình. Labik glut jaleih atah 1.500 m (meng bến đò An Long nao gah ala kraong. Glut jaleih mbuan ba tal metai lahik menuac saong drap ar di 351 sang bhap bini daok di labik ini, dalam nan hu 40 sang daok tapen takai kraong, biak mbuan jaleih, njauk yah ba nao padang di labik karei. UBND tỉnh hu panuac tacei dom gah pambuak tal, samar rami ramik tuyến dân cư Mã Trường, xã Tân Quới piah mek ngak labik daok ka bhap bini labik glut jaleih.

Daok dalam danak dak Harei pataom ilamo, thể thao saong du lịch bangsa Khmer Nam mbang ka VIII,  janih me-in meng kan lac pacacah ghe ngo di mikva Khmer hu peih tabiak di kraong Maspero, ban Sóc Trăng. Jai pacacach ghe ngo hu peih tabiak dalam harei ini saong harei paguh. Jai hu 54 kapul ghe Ngo tut angan tame pacacah, hu 45 kapul likei saong 9 kapul kumei, ngan haong labaih 6.000 urang pacacah. Dalam nan hu 14 kapul mai meng dom tinh karei, yau ye: Bạc Liêu, Cà Mau, Vĩnh Long, Trà Vinh, Hậu Giang, Kiên Giang, daok veik lac po sang Sóc Trăng.

Hadei di 2 thun gaok kan kandah kayua jit praong Covid-19, thun ini, BounThatluang – Harei pataom ngak adat Phật giáo praong abih dalam ilamu di urang Lào hu rah tabiak ginup abih dom kadha tui adat cambat tanarakun. Harei pataom bhian dui atah dalam 1 adit saong tamat njauk di melam ia bulan bak baoh bilan 12 Phật lịch, lac melam 8/11 saka ia bulan haong rilo bruk ilamu hu rah tabiak. Harei pataom langiu di bruk khik ramik saong patagok dom yaom glaong ilamu siam mekre meng dom saman ini mai di urang Lào, daok piah jhul patagok kinh tế hadei di jit praong Covid-19 tapa dom nyaom darak, parang iek kaya pandap.

Bol bala Triều Tiên hu panuac lac bruk pasram mesruh jaik di ini di Hàn Quốc saong Mỹ “lac dom bruk pasram mesruh biak jhak saong khiêu khích trắng trợn”. Bộ Tổng tham mưu bol bala Triều Tiên brei thau, Triều Tiên meda khang hatai pandar dom jalan ngak quân sự ndung bak áp đảo ngan haong yaok mbang pasram mesuh di dom gah cagar Triều Tiên. Ngan haong dom bruk khiêu khích quân sự oh padeih, Triều Tiên taong cagar veik biak khang.

Liên hiệp quốc (LHQ) kuhria mboh lac menuac sia dunya meda tagok tal 8 tỷ menuac di harei 15/11 tal, glaong jang jaik 3 mbang duk haong 2,5 tỷ menuac di thun 1950. Meng umo thun taha  saong dom menuac  dalam umo thun ndih tapui tagok rilo, LHQ kuhria mboh lac menuac sia dunya daok tagaok jaik 8,5 tỷ menuac di thun 2030, 9,7 tỷ menuac di thun 2050 saong 10,4 tỷ menuac di thun 2080./.

Urang lang: Thu Thảo & M. Phương