Danak dak hu dom bruk ngak siam lagaih, hu makna praong

Meng harei 1/8- 31/8/2022, di Palei Ilamo - Du lịch dom bangsa Việt Nam (Đồng Mô, Sơn Tây, Hà Nội) meda peih tabiak dom bruk ilamo ngan haong kadha “adei anit ranam palei adei”. Danak dak hu dom bruk ngak siam lagaih, hu makna praong, ngak jeng mblang main puac adit ka dom adei anek saih saong mayaih khan dom ilamo, dom adat cambat di mikva dom bangsa, daong patagok bruk taom gaok gauk di dom bangsa dalam 54 bangsa Việt Nam.

Harei pataom ilamu – ravang me-in Bạc Liêu haong harei pataom Dạ cổ hoài lang thun 2022 hu peih tabiak meng harei 27/11 tal harei 29/11/2022 di Bạc Liêu, hu mbaok di dom tỉnh, ban dalam bhum taneran kraong Cửu Long saong dom tỉnh, ban dalam taneh ia. Dalam Harei pataom ini, hu 10 bruk, yau ye: pataom daoh Đờn ca tài tử tỉnh Bạc Liêu; pataom me-in phleing Ngũ âm haong tamia ragu bhap bini Khmer ...

Mban pato tacei jalan Pacang caga Bala saong daong duah urang njauk bala tỉnh Bình Dương brei thau, meng thun 2021 tal urak ini, dalam tinh gaok rilo kan kandah di bala langik tasik, ngak khat lahik drap ar saong phun pala, tui kuhria khat lahik tagok tal labaih 55 tỷ đồng.  Dom bala langik tasik rahtabiak di Bình Dương, hu hangin khang, hajan patau, tala taong, ia dauk kayua tathuak ia di dom binek di dom labik tapen kraong.

Pambuak tal bruk kak je di 2 doanh nghiệp janeh bruk to yaom taneh Thủ Thiêm, Cục Thuế TPHCM brei thau: tapa 180 harei, kuhria meng harei mbaoh tangin tame harak Brei thau di jabat thuế bo Cty janeh bruk to yaom oh buh ginup jien blei drap ar to yaom, lac ngak suan bruk blei salih drap ar to yaom. Tuk nan, Sở TN-MT pathau khan tagok UBND TP brei klaak bruk to yaom nan.

 Jabat yaok pataom New Zealand harei kabroi brei thau bruk urang oh hu bruk ngak dalam quý II/2022 lac 3,3%. Lac sa taneh ia tok hu labaih 5 triệu menuac, ye bruk dom menuac oh hu bruk ngak yau ini, brei mboh dom menuac oh hu bruk ngak lac biak takik. Tapa nan brei mboh bruk kurang menuac ngak biak khang di New Zealand urak ini.

Quốc hội France hu brei tapa paok camriep ka hukum samar drah ka bruk patagok prein blei hu yaom 20 tỷ euro piah patrun patakik dom kan kandah di bruk lạm phát daok tagok glaong, tagok tal labaih 6,8% dalam bilan 7. Tui nan, Quốc hội France hu tagok jien hưu saong dom paok daong xã hội tagok veik 4% kuhria meng harei 01/7 saong brei giới hạn trần tagok yaom jien pah sang di tanut 3,5% di Fance saong 2,5% di dom bhum taneh langiu negar.

Cty Điện lực Tokyo TEPCO daok peih bruk padang ngak dom labik piah tathuak ia phóng xạ hu xử lý bloh kayua bala di thun 2011 di sang mac hạt nhân Fukushima ka 1. Tui nan, TEPCO brei padang 1 jalan lubang mala tasik piah tahuak ia hu xử lý bloh di sa labik atah di takai tasik jaik 1 km./.

Urang lang: Thu Thao & M. Phuong – 06/08