Khan cambaih ka pandap panda di harak khai hải quan tagok hệ thống thu phí

Ủy ban bhap bini tỉnh Long An hu panuac cong Thủ tướng rajaei pasang iek , brei buh jien tabiak peih prong (tuk vak ka 2) danak dak jalan nduac samar ban raya Hồ Chí Minh-Trung Lương tagok 8 jalan radaih meng kadung jien karja atau dom pok jien karei karei, piah ngak salah dahlau di thun 2025. Daok meyah buh jien tabiak ngak tui jalan công-tư piah patagok phun jien xã hội hóa, tỉnh Long An hu panuac likau brei adat đấu thầu bruk mek jien di mangaok jalan nduac samar ban raya Hồ Chí Minh-Trung Lương tuk vak ka 1, piah dong phun jien ka binah phun jien rik tame meng kadung jien karja hu mbaok tame tuk vak ka 2.

Meng harei 1/8 tal, ban raya HCM brei peih bruk mek jien pandar dom bruk, dom danak dak tiện ích công cộng dalam labik pabah lamnge pabah mbang negar dalam ban raya tui yaom bahrau. Ong Nguyễn Ngọc Tuấn, Yam ndok Cảng vụ Đường thủy nội địa ban raya HCM (lac jabat peih bruk mek jien) brei thau, taong abih dom gah, dom menuac hu miễn thu phí brei khan cambaih ka pandap panda di harak khai hải quan tagok hệ thống thu phí piah duh ka bruk pasang iek thu phí.

Peih bruk tabung glong khik kajap siam mekre salamat angaok jalan krong dalam tỉnh, Phòng Cảnh sát jalan krong, Công an ban Cần Thơ daok pathau khan Adat nao mai di mangaok jalan krong dalam tỉnh ka ka dom po bến đò, bến phà, labik caik pandap padang ngak, dom labik mek cuah di mangaok krng Hậu. Gam song nan, ieu dom po bến đò, bến phà, doanh nghiệp vak harak sinya ngak njauk tui dom adat hukum ka bruk siam mekre salamad di mangaok jalan krong dalam tỉnh, peih ngak, pajeng ba pandap panda njauk tải trọng tui adat hukum…piah khik kajap siam mekre salamad jalan krong dalam tỉnh, abih di nyu nan lac dalam bilan hajan ribuk ..

Yaom lac bruk pablei ikan pra tabiak negar langiu dalam 6 bilan akaok thun ini hu siam, dom doanh nghiệp jeng brei tagok bruk ngak, min yaom pandap blei tame piah raong ikan pra oh tani tanat, bo daok tagok tui yaom xăng menyek, nan ye rilo urang raong daok suai brei trun pajaih. Anak bruk yau nan, dom chuyên gia hu panuac kakei lac, urang raong njauk pataom gauk veik jeng kapul pambuak bruk raong ikan pra atau pambuak gauk veik jeng HTX raong ikan pra piah “blei haong gauk, pablei haong gauk” ye meda hu biak rilo kein laba gah kinh tế.

Sở Du lịch tỉnh Bà Rịa - Vũng Tàu dok padang jalan peih ngak danak dak Dấu ấn hè 2022 song rilo asal kadha, danak dak chreih chrai . Tapa nan, yaih khan tal tuai damuai labik laboa, pandap di gah du lịch tỉnh. Tui kuhria, dom bruk ngak di danak dak Dấu ấn Hè 2022 hu peih tabiak meng harei 13 - 14.8.2022 di labik Hồ Tràm, huyện Xuyên Mộc ngan saong kadha “sambo mau di tasik”. Ni jeng lac sa dalam dom bruk ngak pachreih ba du lịch; brei mboh bruk mai veik khang di gah du lịch tỉnh , hadei di jit prong COVID-19 song panuac sinya khik ramik, patagok labik du lịch “ salamat, siam mekre, kayua pren yava di bhap bini”.

Dom ban praong di negar Đức hu ba tabiak rilo jalan ngak piah patrun patakik bruk pandar năng lượng yau ye padam gom truac hadah di dom labik công cộng atau oh pandar ia pandiak di dom danao caluai ia saong labik pruh ia piah pacang bruk kurang năng lượng di anak meta tuk bruk cagar gauk di châu Âu haong Nga dak harei dak tagok khang. Dalam dom taneh ia di Liên minh châu Âu, Đức lac taneh ia pagam pambak tame rilo abih bruk pabak khí đốt meng Nga tuk blei tal 55% dom khí đốt meng Nga dalam tukvak dahlau di tuk patuh tabiak bruk mesruh gauk di Nga haong Ukraine.

Dom bác sĩ di sa sang iek ruak di negar Anh brei thau, sa urang likei umo 66 thun duikrai song HIV yaok pluh thun ni mai, bahrau jeng urang ka 4 di dunya thit abih ruak . Urang ni hu pagam tủy xương meng sa urang alin brei meda pacang hu virus bẩm sinh , piah tong ruak bạch cầu ung thư darah. Biak patuah lac dom virus dalam rup di ong trun tal tanut oh mboh hu, nan ye, ong padeih menyum jru tong ruak HIV. 

Ả rập xê út brei thau thiết kế danak dak padang ban biak karei hu angan ieu lac The Line. Ini lac ban tok hu 1 baoh sang praong, atah, daok di mangaok sa mạc saong atah 170km, lac labik daok di 9 triệu menuac. Baoh sang atah ini, praong 200 mét, hadei di tuk padang ngak bloh, dreih yau sa ban dang tapak daok di labik glong 500 mét duk haong mbaok ia tasik. Dom urang thiết kế ndom lac, The Line hu nduac abih meng năng lượng tái tạo, oh hu jalan mbak, radaih ô tô atau khí thải. jalan pasei nduac samar nyu pambuak pagam dom binah di The Line./.

Urang lang: Hani Pha & M. Phương – 30/07