Uranaih mboh tagok boh ia 

 Viện Chiến lược saong Patagok jalan mbak pajeng ba birau brei thau hu ba tabiak palih ruah jaln ngak brei pambuak tỉnh Bình Phước - Đồng Nai, dalam nan hu tatua Mã Đà, nao tapa labik jaik nan, oh peih jalan tapa labik kreh di glai. Jalan nan hu lagaih pambuak jalan meng Ban Đồng Xoài tal Jalan Vành đai 4, trun gar radaih ka dom jalan meng Bình Phước saong dom tỉnh Tây Nguyên nao tal tapen tasik  Bà Rịa - Vũng Tàu. Jalan ngak nan hu lagaih pandar hu dom jalan lac ĐT753, ĐH 416 saong ĐT746. Langiu di nan jalan ngak nan takik ngak jhak  tal Labik khik caga sinh quyển dunya, khik caga hu dom bruk siam ka alam moi truong.

Meng harei  29/4 tal harei  5/5/2022, ban raya HCM hu  420 urang ruak tangin takai cambuai, tagok jiak  4 mbang dut song  4 adit dahlau nan. Dom urang ruak tagok rilo meng nyaom uraniah ruak tame sang iek ruak saong daok iek ruak langiu.Jit ruak ni dok tagok khang di tong abih  dom  quận huyện song ban.Thủ Đức.  Piah pacang caga ruak tangin takai cambuai,  Pasak pasang iek ruak kik ban raya .HCM hu panuac kakei bhian rao tangin hong sabon ka uranaih song urang prong, abih di nyu  nan lac dahlau di tuk urang prong taom gaok, iek glang uranaih. Ngak siam bruk hacih saat mbang menyum , bhian uak hacih dom mbaok pandap, labik taom gaok yaok harei yau pandap main, tangin pal pambah mbang. Abih di nyu nan lac, oh brei uranaih taom gaok urang ruak atau urang mboh yau njom ruak .

Ngan saong kadha “Alin kanjok darah alin ka dunya bruk diukrai”, harei 10/5, Pasak Huyết học – tame darah tỉnh Đắk Lắk pambuak saong dom đơn vị palei pala peih ngak Danak dak Halan hatian alin brei darah mbang 1 thun 2022 di huyện Cư Kuin. Labaih 500 urang halan hatian lac urang jakar, urang ngak, urang đoàn dam dara saong bhap bini huyen Cư Kuin hu mbaok tame brei 310 đơn vị darah, dom darah nan hu ba tame Sang iek ruak Đa khoa bhum Tây Nguyên piah duh ka bruk cấp cứu, taong ruak ka urang ruak.

Harei 10-5, saai Trần Ngọc Tuyết (umo 45 thun, daok di  xã An Phước, huyện Mang Thít, tỉnh Vĩnh Long), lac urang pablei rilaow pabui, di angaok jalan meng pasa mai sang, saai duan hu sa kadung bak , dalam nan hu  31 triệu đồng song  2 chi meh prang. Hadei di tuk duan hu, saai Tuyết ba drap nan  tal  Công an xã An Phước jao veik song caong khin samar bayar veik ka urang lahik. Tapa duah thau, Công an xã An Phước mboh lac, drap ini di saai Nguyễn Thị Bé Mười (umo 39 thun, dok di  khóm 4, ban sit  Cái Nhum, huyện Mang Thít) ngak laik dahlau di nan, song peih bruk jao bayar ka saai Mười.

Danak dak daoh tamia biak praong  Var peih pakak Nyaom roya The thao Đông Nam Á - SEA Games mbang 31 di melam 12/5 di Mblang vận động pakat negar Mỹ Đình ngan saong kadha: “Tapa  jit ruak praong, pamong tal sa Đông Nam Á khang kadang jang”. Mban peih ngak danak dak hu ieu pataom jaik 2.000 urang jakar, urang lin, nghệ sĩ, urang daoh tamia, urang pakacah, sinh viên  di 14 kapul daoh tamia, padhih hu mbaok tame danak dak ini.

Akaok mintri dom bruk  châu Âu di Prang, taneh ia dok ngak Chủ tịch  luân phiên Hội đồng châu Âu, harei 10/05 brei thau dom taneh ia châu Âu meda njauk gauk ka paok tong  phạt ka  6 pamong tame Nga dalam adit ni, ngan saong bruk prong lac yam tal padeih blei xăng menyek di  Nga.

Tui sa harak pathau khan di Quốc hội Mỹ brei thau di harei 10/05, labaih 240 trieu mbang vaccine pacang Covid-19 njuak palai klaak di puac thun 2020 saong akaok thun 2021 kayua pasang iek mboh oh siam. 90 trieu mbang jru karei birau hu ngak tabiak kuhria meng tuk nan jeng njauk palai klak kayua pasang iek mboh oh daok pandar hu saong labaih 60 trieu mbang jru meda brei palai klaak kayua abih tukvak brei pasang iek. 

  10 kapul pan phao kraong dom bangsa di Myanmar hu taduan panuac hu mbaok tame dom bruk ginum biai hòa bình kayua urang dang akaok Hội đồng Điều hành Karja, Thống tướng Min Aung Hlaing, ba tabiak di bilan dahlau. Dom kapul nyaom pan phao kraong di dom bangsa yau ye Liên đoàn Quốc gia Karen , Mặt trận Quốc gia Chin  saong Mặt trận Dân chủ Sinh viên Myanmar hu tabiak panuac lac oh pataom mbaok tame dom bruk ginum biai hòa bình tui panuac da-a di Thống tướng Min Aung Hlaing./.

Urang lang: Ái Nghiêm -Hanipha- 11/5