Parang me-in nghe thuat meng kan di dom bhum dalam negar

Meng harei 7 tal harei 11/4, Mentri Ilamu, The thao saong Dulich pambuak saong UB bhap bini ban Cần Thơ peih bruk Parang iek alat ragam meng kan di dom bangsa Viet Nam thun 2022 di Muyim Ban Cần Thơ. Bruk nan daok dalam dom bruk di “Harei pataom Đờn ca tài tử pakat nergar mbang ka III - Cần Thơ thun 2022” piah pok meyaom bruk hu rilo janih saong biak gheih mekre di alat ragam dom bangsa Viet Nam. Parang iek hu 100 thaot binguk saong labaih 200 harak tai lieu, drap ar. Dalam bruk parang iek daok hu Danak dak taom gaok ndom biai nao mai, parang me-in nghe thuat meng kan saong bhap bini đương đại; parang main alat ragam bangsa, ragam tamia gheih mekre di dom bhum dalam negar.

Ong Nguyễn Minh, Phaok akaok UBND tỉnh Bình Thuận hu mbaoh tangin tame harak patabiak bruk klauk vaccine pacang COVID-19 ka uranaih umo meng 5 thun tal mala 12 thun dok dalam tỉnh. Tui nan, hu 126.860 uranaih umo meng 5 tal mala 12 thun duik rai atau bac megru di tỉnh Bình Thuận hu klauk jru. Bruk klauk jru hu peih ngak tui umo thun meng praong tal sit, brei klauk dahlau ka uranaih meng 10 tal 11 thun song trun meneing umo thun tui bruk pabak vaccine song tui jit ruak dalam palei

Dua tỉnh Lâm Đồng saong Ninh Thuận birau mbaoh tangin tame harak peih ngak Danak dak pambuak bruk cak rok patagok dulich vaktu 2022 -2025, dalam nan hu pambuak ban bingu Đà Lạt saong bhum tasik Ninh Chữ. Ninh Thuận hu lagaih ngak dulich ralo ngan haong dom pandap dulich biak gheih mekre karei di bhum tasik, ceik glai saong ilamu bangsa Cam, Raglai. Daok Lâm Đồng ye hu prein khang ka dulich karei jang hu langik la-ar saong lagaih piah padeih padei. Dua tỉnh ni meda samar padang ngak tour dulich “1 jalan nao 3 labik tal” lac Đà Lạt – Phan Rang– Nha Trang, gam haong dom pandap dulcih biak siam gheih piah pachreih tuai damuai daok veik suai lavik.

UBND ban raya HCM hu panuac cong HĐND rami ramik brei labaih 24.000 tỷ đồng piah padang ngak jalan Vành đai 3, tui kuhria hu peih ngak meng thun 2023. Karja ban raya jeng likau salih bruk pandar 17 ha glai tràm di xã Phạm Văn Hai, huyện Bình Chánh, piah peih ngak jalan. Jalan Vành đai 3 hu yaom jien buh tame ngak abih tih labaih 75.300 tỷ đồng, nao tapa TP HCM, Đồng Nai, Bình Dương, Long An. Jalan nan daok dalam nyaom danak dak prong pakat negar. Tui kuhria rajaei pok tagok Quốc hội danak dak ni di mbang nyaom dalam bilan 5 tal.

Tui yaok pataom di Mban tacei ba jalan pacang caga bala meng langik tasik saong duah daong urang njauk rambuac tỉnh Bạc Liêu, hajan karei bilan gam hangin khang dom harei tapa ngak ka labaih 1.000 ha padai Đông Xuân jaleih, khat lahik meng 20 tal 70%, ralo abih lac dua huyện Phước Long saong huyện Hồng Dân. Meda ndem lac, dalam dom thun jiak ini, oh ka mboh thun halei bo padai bilan Đông Xuân di mikva urang ngak hamu di Bạc Liêu khat lahik yau nan.

Tui panuac khan di Mintri Lao động Mỹ di harei 07/04 brei mboh, harak gar oh hu bruk ngak tuk camereip dalam adit hu tamat di harei 02/04 hu trun dok 166.000, bier jang rilo dut song tui kuhria di Dow Jones lac 200.000 song trun tanut bier di abih dalam labaih 53 thun. Min, tapa nan jeng brei thau drak pasa ngak bruk di Mỹ dok kurang urang ngak biak rilo, ngak ka jien bilan hu tagok song ngak brei tagok lạm phát.

Anh daok ba tabiak jalan ngak brei peih praong điện hạt nhân saong điện hangin langiu tasik piah pakhang bruk pabak năng lượng eng drei, dalam tuk yaom kaom tagok glong saong kan kandah kayau bruk mesruh gauk di Ucraina. Dahlau di nan, rajaei Anh khan brei thau meda pakauk blei menyek saong dhang di Nga tame di puac thun ni, tui nan meda klak pandar khí đốt di Nga dak aval dak siam.

Dom triệu chứng bo biến thể Omicron ba mai ka urang ruak thông thường takik jang 2 harei dut song biến thể Delta. Ni lac roh duah di dom urang ilamu Anh . Tui roh duah, dom hội chứng kayua Delta ba mai dui atah tapa 7 harei dalam tuk nan ngan song Omicron lac tapa 4 harei atau tapa 3 harei, mboh cambaih di dom urang hu klauk ginup 3 mbang vắc-xin./.

Urang lang: Hani Pha – Bhumi – 08/04