Meng harei ini (1-7), cảnh sát jalan mbak meda peih ngak sa dalam dom jalan pasang iek harak gar po radaih tapa VNEID di Mintri Công an. Dom janih harak gar yau: harak adat peih radaih, harak tut angan radaih atau bản sao chứng thực harak gar tut angan radaih gam haong bản gốc harak biên nhận di gah tin dung daok tukvak pandar, harak chung nhan taong yaom radaih, tem kiểm định salamat ky thuat saong khik alam môi trường, harak gar bao hiem bat buoc bruk ngak dan su di po radaih cơ giới... Bruk pasang iek khau tin di harak gar dalam căn cước điện tử, tài khoản định danh online di mangaok VNEID hu yaom yau pasang iek tapak harak gar.

Meng akaok thun tal ini, dalam taneh ia hu 30.200 urang njauk ruak pandiak tabiak darah, 3 urang matai. Duk hoang tukvak ini thun bloh, trun hu labaih 30% dom menuac njauk ruak, daok menuac matai takik jang 6 urang. Yaom lac dom urang njauk ruak pandiak tabiak darah takik jang min dom urang ilamu mboh lac, pandiak tabiak darah oh daok lac ruak tamuh tabiak tui chu kỳ bo thun halei jeng mada hu rilo menuac njauk ruak kayua langik tasik salih karei, kayua alam môi trường saong kayua labik daok... Tui Mintri Y tế, tal urak ini, pandiak tabiak darah oh ka hu jru taong ruak.. Vaccine caga ruak hu bloh, min oh ka hu pandar rilo.

TP.HCM bahrau pok brei angan ka 43 pandap OCOP di 6 po mek hu 4 patuk, patagok dom pandap OCOP di ban raya tagok 191 pandap. Dom pandap mek hu tanut chuan OCOP 4 patuk jeng lac dom pandap daok hu takre di darak pasa saong dak harei dak hu urang blei pandar pilih ruah, yau ye manjek lange kanjik, manjek lange jhuk, ia hani danko bingu li-u, alak sâm đinh lăng, tổ yến chưng, ia yến sào đông trùng hạ thảo…  Danak dak Yaok sa xa sa pandap hu makna praong dalam bruk cak rok patagok kinh tế - xã hội, rik tame ba bruk ngak, tani tanat, paglaong raidiuk ka rahra.

Mban Thường vụ tỉnh đoàn Đồng Tháp bahrau peih harei tabung glaong urang halan hatian padang Ban “Hadah – Hijao - Hacih - Mekre – Hu ilamu – Salamat” pakat tỉnh di TP.Sa Đéc. Tapa nan, tỉnh Đồng Tháp hu padang ngak 2 jalan phố văn minh tui jalan lac “Hadah – Hijao - Hacih - Mekre – Hu ilamu – Salamat ” saong khik ramik 5 jalan phố; pala bahrau labaih 7.400 phun hijao dom janih. Taphia nan, taong abih đoàn phường jeng hu tabiak mbaok Kapul dam dara salih số cộng đồng, daong brei, tacei pato rahra jalan padang tài khoản số, pandar dịch vụ công trực tuyến; padang saong pandar dom nền tảng số. Dalam danak dak, mBan peih bruk hu alin brei ka 300 urang kan kandah hu iek ruak brei saoh.

Hu veik jaik 1.000 baoh sang rahra pak puk palei (jaik abih lac mikva bangsa Khmer) daok pak huyện Cầu Kè, tỉnh Trà Vinh hu ia pandar, patagok dom baoh sang rahra hu ia hacih pandar lac 100%.  Bilan 5 meng blaoh, Pasak ia hacih saong saat alam moi truong palei pala tỉnh Trà Vinh jeng hu ngak pasiam, peih praong bilai pabak ia di xã Long Sơn, huyện Cầu Ngang piah pabak ia hacih ka 1.720 sang rahra, abih tih phun jien buh tame lac labaih 14 tỷ đồng. Tal urak ini, abih tih dom baoh sang rahra pak Trà Vinh hu pandar ia hacih.

Gah khau tin karja Triều Tiên brei thau, Triều Tiên hu panuac oh njauk hatai bruk pasram mesruh haong gauk di Hàn Quốc, Nhật Bản saong Mỹ hu peih ngak dalam bilan ini, ndom lac dom bruk pasram yau nan brei mboh talei pambuak bruk di 3 taneh ia hu tagok jeng "phiên bản châu Á di NATO". Dalam sa panuac ndom di drei, Mintri Ngoại giao Triều Tiên brei thau, Bình Nhưỡng oh klaak tapa bruk patagok NATO, saong brei khik caga sron mbon salamat bhum taneh tui jalan cagar veik samar drah saong khang kadang

Labaih 625.000 uranaih Palestine oh hu nao bac dalam labaih 8 bilan tapa, meng di tuk Israel taong tame Hamas pak Dải Gaza. Jabat daong urang njauk bala saong bruk ngak ka urang tị nạn Palestine di jaik gah timun di Liên hợp quốc (UNRWA) brei thau, uranaih lac nyaom manuac mbuan gaok kan kandah abih dalam bruk mesuh gauk di Israel haong Hamas saong bruk mesruh gauk di Gaza. Kayua yau nan ye UNRWA ieu dom gah samar drah mek hu sanya padeih cuh piah padeih bruk mesuh gauk biak khang urak ini pak Gaza, khik kajap kein laba ka uranaih di bhum taneh ini.

Hu takik di nyu 7 urang matai dalam mbang jaleih taneh di huyện Nookat, gah meraong Kyrgyzstan. Dalam dom menuac matai nan, hu 5 uraniah, ndih tapui meng thun 2008 tal thun 2016. Bruk jaleih taneh rah tabiak dom harei hadei di tuk 1 uraniah sit umo 5 thun matai kayua jaleih taneh. Takik di nyu 1.300 urang nao padeih padei di labik ini hu panduan ba nao labik karei. Kyrgyzstan daok di Trung Á – labik daok dang anak dom kan kandah meng biến đổi khí hậu, dalam nan hu ia dauk ia sua, megei taneh, jaleih taneh, jaleih tuyết saong khuah glai./.